Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightപത്തരമാറ്റുള്ള പത്തു...

പത്തരമാറ്റുള്ള പത്തു താരങ്ങൾ

text_fields
bookmark_border
പത്തരമാറ്റുള്ള പത്തു താരങ്ങൾ
cancel

​െഎ.പി.എൽ 13ാം സീസൺ കൊടിയിറങ്ങിയ​േ​പ്പാൾ ആരാധകരുടെ മനസ്സിൽ തങ്ങിനിൽക്കുന്നത്​ ​ചില പേരുകൾ മാത്രമാണ്​. കൊടുത്ത കാശ്​ മുതലാക്കിയ താരങ്ങൾ. ഒറ്റയാൻ പ്രകടനവും, മാച്ച്​ വിന്നിങ്​ ഇന്നിങ്​സും സ്​പെല്ലുമായി അവർ ടീമുകളുടെ വിജയത്തിൽ ചുക്കാൻപിടിച്ചു.


കെ.എൽ. രാഹുൽ (കിങ്​സ്​ ഇലവൻ പഞ്ചാബ്​)

14 കളി, 670 റൺസ്​

ക്രീസിലും ഫീൽഡിലും പഞ്ചാബി​െൻറ നായകൻ തന്നെയായിരുന്നു രാഹുൽ. ആദ്യമായി ക്യാപ്​റ്റൻസിയണിഞ്ഞ താരം ടൂർണമെൻറിൽ റൺവേട്ടക്കാരനുള്ള ഒാറഞ്ച്​ ക്യാപുമായാണ്​ സീസൺ അവസാനിപ്പിച്ചത്​്​. ഒരു സെഞ്ച്വറിയും അഞ്ച്​ അർധസെഞ്ച്വറിയും പിറന്ന ഇന്നിങ്​സിൽ 670 റൺസുമായി ടൂർണമെൻറ്​ ടോപ്​ സ്​കോററായി. തുടർച്ചയായി മൂന്നാം സീസണിലാണ്​ രാഹുൽ ബാറ്റ്​കൊണ്ട്​ വിസ്​മയിപ്പിക്കുന്നത്​. 2019ൽ 593ഉം, 2018ൽ 659ഉം റൺസെടുത്തു.

ഡേവിഡ്​ വാർണർ (സൺറൈസേഴ്​സ്​ ഹൈദരാബാദ്​)

16 കളി, 548 റൺസ്​

തുടർച്ചയായി ആറാം സീസണിലും 500ന്​ മുകളിൽ റൺസ്​ സ്​കോർ ചെയ്​ത ഏക താരം. 2014 മുതൽ 2020 വരെയുള്ള സീസണിൽ 528, 562, 848, 641, 692, 548 എന്നിങ്ങനെയായിരുന്നു വാർണറുടെ സംഭാവന. ഇതുമാത്രം മതി വാർണറെ ​െഎ.പി.എൽ ലെജൻഡ്​സ്​ പട്ടികയിൽ ഉൾപ്പെടുത്താൻ. ക്യാപ്​റ്റനെന്ന നിലയിലും മികച്ച പ്രകടനം. ടീമിലെ ​േപ്ലഒാഫിൽ എത്തിച്ചു.


ടി. നടരാജൻ (ഹൈദരാബാദ്​)

16 കളി, 16 വിക്കറ്റ്​

ഭുവനേശ്വർ കുമാറി​െൻറ പരിക്ക്​ ഹൈദരാബാദിനെ ഏശാതിരിക്കാൻ കാരണം ടി. നടരാജൻ എന്ന തമിഴ്​നാട്ടുകാരൻ പേസ്​ ബൗളറുടെ സാന്നിധ്യമായിരുന്നു. കിട്ടിയ അവസരത്തിൽ ഫോമിലേക്കുയർന്ന തങ്കവേൽ നടരാജൻ, യോർക്കർ നടരാജൻ എന്ന വിളിപ്പേരുമായാണ്​ ദുബൈയിൽ നിന്നും മടങ്ങുന്നത്​. അതി​െൻറ ഫലമെന്നോണം ആസ്​ട്രേലിയൻ പര്യടനത്തിനുള്ള ഇന്ത്യൻ ട്വൻറി20 ടീമിലും ഇടം നേടി.


കഗിസോ റബാദ (ഡൽഹി കാപിറ്റൽസ്​)

17 കളി, 30 വിക്കറ്റ്​

തുടർച്ചയായി രണ്ടാം സീസണിലും ദക്ഷിണാഫ്രിക്കൻ പേസ്​ ബൗളർ റബാദ തിളങ്ങി. ഡൽഹിയെ ഫൈനൽ വരെയെത്തിക്കുന്നതിൽ നിർണായകം 30 വിക്കറ്റ്​ നേടിയ റബാദയുടെ പ്രകടനമായിരുന്നു. സഹതാരം ആന്ദ്രെ നോർയെ 22 വിക്കറ്റുമായും റബാദക്ക്​ കൂ​െട്ടാരുക്കി.

ശിഖർ ധവാൻ (ഡൽഹി കാപിറ്റൽസ്​)

17 മത്സരം, 618റൺസ്​

ഒാപണിങ്​ ബാറ്റിങ്​​ ഡൽഹിക്ക്​ സീസണിൽ ഉടനീളം പ്രതിസന്ധിയായിരുന്നെങ്കിലും ശിഖർ ധവാൻ​ മികവുകാണിച്ചു. അദ്ദേഹത്തി​െൻറ കരിയറിലെ ഏറ്റവും മികച്ച സീസണും ഇതായിരുന്നു. ആദ്യ സെഞ്ച്വറി നേടിയതിനു പിന്നാലെ മറ്റൊരു സെഞ്ച്വറികൂടി പിറന്നു. നാല്​ അർധസെഞ്ച്വറിയും ഉൾപ്പെടെ 618 റൺസുമായി ​രാഹുലിന്​ തൊട്ടുപിന്നിൽ. ​െഎ.പി.എല്ലിൽ തുടർച്ചയായി ശതകം നേടുന്ന താരമായി.



ദേവ്​ദത്ത്​ പടിക്കൽ (റോയൽ ചലഞ്ചേഴ്​സ്​ ബാംഗ്ലൂർ)

15 കളി, 473 റൺസ്​

അരങ്ങേറ്റ സീസൺ ഇതുപോലെ വർണാഭമാക്കിയ മറ്റൊരു താരമുണ്ടാവില്ല. അഞ്ച്​ അർധസെഞ്ച്വറിയുമായി ബാംഗ്ലൂർ ഇന്നിങ്​സി​െൻറ ന​െട്ടല്ലായ ഇൗ 20കാരൻ മലയാളികൾക്കും അഭിമാനമായി. ഒാപണിങ്ങിൽ ദേവ്​ദത്ത്​ നന്നായി തുടങ്ങുന്നത്​ വിരാട്​ കോഹ്​ലിക്കും, എബി ഡിവി​ല്ലിയേഴ്​സിനും ജോലിഭാരം കുറക്കുന്നതായിരുന്നു. മിന്നും പ്രകടനത്തിനുള്ള അംഗീകാരമായി സീസണിലെ എമർ​ജിങ്​ ​െപ്ലയർ പുരസ്​കാരവും തേടിയെത്തി.


ഋതുരാജ്​ ഗെയ്​ക്​വാദ്​ (ചെന്നൈ സൂപ്പർകിങ്​സ്​)

6 കളി, 204 റൺസ്​

ആദ്യം കോവിഡ്​, പിന്നെ ടീമിൽ ഇടം ലഭിക്കാൻ വൈകി. എല്ലാം കഴിഞ്ഞ്​ അവസരം ലഭിച്ച്​ തുടങ്ങിയപ്പോൾ വൈകിപോയി എന്നായിരുന്നു ഇൗ ചെ​ൈ​ന്നക്കാരൻ ബാറ്റിങ്​ കണ്ടപ്പോൾ ആരാധകർ പറഞ്ഞത്​. ആറ്​ കളിയിൽമാത്രമിറങ്ങിയ ഋതുരാജ്​ മൂന്ന്​ അർധസെഞ്ച്വറി കുറിച്ചു. അവസാന മത്സരങ്ങളിൽ ചെന്നൈയുടെ വിജയശിൽപിയും ഇൗ 23കാരനായിരുന്നു. ടീം ആദ്യമായി ​േപ്ല ഒാഫ്​ കാണാതെ മടങ്ങി​െയങ്കിലും ഋതുരാജ്​ എന്ന ഭാവിതാരത്തെ കണ്ടെത്തിയതിൽ ആശ്വസിക്കാം.

വരുൺ ചക്രവർത്തി (കൊൽക്കത്ത നൈറ്റ്​റൈഡേഴ്​സ്​)

13 കളി, 17 വിക്കറ്റ്​

കഴിഞ്ഞ സീസണിലെ നിരാശ മാറ്റിയാണ്​ മിസ്​റ്ററി സ്​പിന്നർ വരുൺ ചക്രവർത്തി സൂപ്പർ ഹീറോ ആയത്​. സഹതാരം കുൽദീപ്​ യാദവ്​ നിറംമങ്ങിയപ്പോൾ, ചക്രവർത്തിയുടെ നിഗൂഢ ബൗളിങ്​​ കൊൽക്കത്തയുടെ രക്ഷയായി. ഒരു അഞ്ച്​ വിക്കറ്റ്​ പ്രകടനത്തോടെ 17 വിക്കറ്റുകൾ. ഇന്ത്യൻ ടീമിൽ ഇടംപിടിച്ചെങ്കിലും പരിക്ക്​ വില്ലനായി.


ഇഷാൻ കിഷൻ (മു​ംബൈ ഇന്ത്യൻസ്​)

14 കളി, 516 റൺസ്​

ഇഷാൻ കിഷൻ എന്ന ജൂനിയർ താരം സീനിയർ തലത്തിലേക്ക്​ ഉയരുകയാണ്​. ടോപ്​ ഒാർഡറിലെ ഇഷാ​െൻറ സ്​ഥിരതയാർന്ന പ്രകടനമായിരുന്നു ചാമ്പ്യൻ മുംബൈയുടെ കരുത്ത്​. ഒാപണിങ്ങിലും മധ്യനിരയിലും ഒര​ുപോലെ വിശ്വസിക്കാവുന്ന താരമായി മാറിയ ഇഷാൻ ഭാവി ഇന്ത്യയുടെ സൂപ്പർതാരമാണെന്ന വിളംബരമായിരുന്നു ദുബൈ. '99ൽ പുറത്തായത്​ ഉൾപ്പെടെ നാല്​ അർധസെഞ്ച്വറികൾ.


ജസ്​പ്രീത്​ ബുംറ (മുംബൈ ഇന്ത്യൻസ്​)

15 കളി, 27വിക്കറ്റ്​

ആറുമാസമായി കളിച്ചിട്ടില്ലെങ്കിലും ജസ്​പ്രീത്​ ബുംറ ഫുൾ ഫിറ്റ്​നസിലാണ്​. 14.96 ശരാശരിയിൽ 27 വിക്കറ്റ്​ നേട്ടം. സഹതാരം ട്രെൻറ്​ ബോൾട്ട്​ (25) ഒപ്പംചേർന്നതോടെ ടൂർണമെൻറിലെ ഏറ്റവും ദുർഘടമായ പേസ്​ ബൗളിങ്​ കൂട്ടായി മുംബൈയുടേത്​. ​െഎ.പി.എൽ കരിയറിൽ ബുംറയുടെ ഏറ്റവും മികച്ച സീസൺ ആണിത്​.

Show Full Article
TAGS:IPL 2020 
News Summary - top ten IPL players in IPL 2020
Next Story