ഇന്ത്യ-ന്യൂസിലൻഡ് മൂന്നാം ട്വന്റി20 ഇന്ന്

നേപിയർ: ഇന്ത്യ-ന്യൂസിലൻഡ് ട്വന്റി20 പരമ്പരയിലെ അവസാന മത്സരം ഇന്ന് നടക്കും. ആദ്യ കളി മഴ മൂലം ഉപേക്ഷിച്ചതിനുശേഷം രണ്ടാം മത്സരത്തിൽ ജയിച്ച ഇന്ത്യക്ക് ഇന്ന് ജയിച്ചാൽ പരമ്പര 2-0ത്തിന് കരസ്ഥമാക്കാം. പരമ്പര സമനിലയിലാക്കാനാവും കിവീസിന്റെ ശ്രമം. മലയാളി താരം സഞ്ജു സാംസണും അതിവേഗ ബൗളർ ഉംറാൻ മാലികുമടക്കമുള്ളവർക്ക് ഇന്ത്യ അവസരം നൽകാൻ സാധ്യതയുണ്ട്. ശുഭ്മൻ ഗിൽ, ഹർഷൽ പട്ടേൽ എന്നിവരും അവസരം കാത്തിരിക്കുന്നു.