ക​ളി​ക്കാ​രാ​യാ​ൽ കു​റ​ച്ചൊ​ക്കെ അ​ട​ക്ക​വും ഒ​തു​ക്ക​വും വേ​ണം!

ന്യൂ​ഡ​ൽ​ഹി: ആ​ഭ്യ​ന്ത​ര ക്രി​ക്ക​റ്റി​ൽ മി​ന്നും ബാ​റ്റി​ങ് പ്ര​ക​ട​നം തു​ട​രു​ന്ന സ​ർ​ഫ​റാ​സ് ഖാ​നെ ഇ​ന്ത്യ​ൻ ടീ​മി​ലേ​ക്ക് പ​രി​ഗ​ണി​ക്കാ​തി​രി​ക്കു​ന്ന​തി​ന് വി​ചി​ത്ര ന്യാ​യ​വു​മാ​യി ബി.​സി.​സി.​ഐ കേ​ന്ദ്ര​ങ്ങ​ൾ. താ​ര​ത്തി​ന്റെ ഫി​റ്റ്ന​സ് ലെ​വ​ലും ഫീ​ൽ​ഡി​ന് പു​റ​ത്തെ പെ​രു​മാ​റ്റ​വും​കൂ​ടി വെ​സ്റ്റി​ൻ​ഡീ​സ് പ​ര്യ​ട​ന​ത്തി​ലു​ള്ള ടെ​സ്റ്റ് സം​ഘ​ത്തി​ൽ ഇ​ടം​ല​ഭി​ക്കാ​തി​രി​ക്കാ​ൻ കാ​ര​ണ​മാ​യെ​ന്ന് പേ​രു​വെ​ളി​പ്പെ​ടു​ത്ത​രു​തെ​ന്ന നി​ബ​ന്ധ​ന​യോ​ടെ ഇ​ന്ത്യ​ൻ ക്രി​ക്ക​റ്റ് ക​ൺ​ട്രോ​ൾ ബോ​ർ​ഡ് ഉ​ദ്യോ​ഗ​സ്ഥ​ൻ വാ​ർ​ത്ത ഏ​ജ​ൻ​സി​യോ​ട് പ​റ​ഞ്ഞു. തു​ട​ർ​ച്ച​യാ​യ സീ​സ​ണു​ക​ളി​ൽ 900 റ​ൺ​സി​ല​പ്പു​റം സ്കോ​ർ ചെ​യ്യു​ന്ന ബാ​റ്റ​റെ ക​ണ്ടി​ല്ലെ​ന്ന് ന​ടി​ക്കാ​ൻ സെ​ല​ക്ട​ർ​മാ​ർ വി​ഡ്ഢി​ക​ള​ല്ലെ​ന്നും നി​ല​വി​ലെ സാ​ഹ​ച​ര്യ​ത്തി​ൽ സ​ർ​ഫ​റാ​സി​ന് ടീ​മി​ലി​ടം ല​ഭി​ക്കു​ക പ്ര​യാ​സ​മാ​ണെ​ന്നും ഇ​ദ്ദേ​ഹം അ​ഭി​പ്രാ​യ​പ്പെ​ട്ടു.

വി​ൻ​ഡീ​സ് പ​ര്യ​ട​ന​ത്തി​ലും സ​ർ​ഫ​റാ​സ് ഖാ​നെ അ​വ​ഗ​ണി​ച്ച​തി​നെ​തി​രെ ഇ​തി​ഹാ​സ​താ​രം സു​നി​ൽ ഗ​വാ​സ്ക​ർ ഉ​ൾ​പ്പെ​ടെ​യു​ള്ള​വ​ർ രം​ഗ​ത്തെ​ത്തി​യി​രു​ന്നു. ഇ​തേ​ത്തു​ട​ർ​ന്നാ​ണ് ബി.​സി.​സി.​ഐ ഉ​ദ്യോ​ഗ​സ്ഥ​ന്റെ വെ​ളി​പ്പെ​ടു​ത്ത​ൽ. ‘‘രൂ​ക്ഷ പ്ര​തി​ക​ര​ണ​ങ്ങ​ൾ മ​ന​സ്സി​ലാ​ക്കാ​വു​ന്ന​തേ​യു​ള്ളൂ. പ​ക്ഷേ, ക്രി​ക്ക​റ്റ് മാ​ത്ര​മ​ല്ല സ​ർ​ഫ​റാ​സി​നെ പ​രി​ഗ​ണി​ക്കാ​ത്ത​തി​ന് പി​ന്നി​ലെ​ന്ന് എ​നി​ക്ക് പ​റ​യാ​ൻ ക​ഴി​യും. ഒ​ന്നി​ല​ധി​കം കാ​ര​ണ​ങ്ങ​ളു​ണ്ട്. ഫി​റ്റ്ന​സ് അ​ന്താ​രാ​ഷ്ട്ര നി​ല​വാ​ര​മു​ള്ള​ത​ല്ല. ഇ​ക്കാ​ര്യ​ത്തി​ൽ താ​രം ക​ഠി​നാ​ധ്വാ​നം ചെ​യ്യ​ണം. ശ​രീ​ര​ഭാ​രം കു​റ​ക്കു​ക​യും മെ​ലി​ഞ്ഞും ഫി​റ്റ​റു​മാ​യി തി​രി​ച്ചു​വ​രു​ക​യും ചെ​യ്യാം. ഫീ​ൽ​ഡി​ന​ക​ത്തും പു​റ​ത്തും സു​ഖ​ക​ര​മാ​യ പെ​രു​മാ​റ്റ​മ​ല്ല സ​ർ​ഫ​റാ​സി​ന്റെ​തെ​ന്നാ​ണ് അ​നു​ഭ​വ​ങ്ങ​ൾ. പി​താ​വും പ​രി​ശീ​ല​ക​നു​മാ​യ നൗ​ഷാ​ദ് ഖാ​നു​മാ​യി ചേ​ർ​ന്ന് ഇ​ക്കാ​ര്യ​ങ്ങ​ളി​ൽ​കൂ​ടി സ​ർ​ഫ​റാ​സ് ശ്ര​ദ്ധ​പ​തി​പ്പി​ക്ക​ണം’’ -ഇ​ദ്ദേ​ഹം തു​ട​ർ​ന്നു.

ഐ.​പി.​എ​ല്ലി​ൽ നി​റം​മ​ങ്ങി​യ​തും ഷോ​ർ​ട്ട് ബാ​ളി​നെ​തി​രാ​യ ബ​ല​ഹീ​ന​ത​യു​മാ​ണോ താ​ര​ത്തെ അ​ക​റ്റാ​ൻ കാ​ര​ണ​മെ​ന്ന ചോ​ദ്യ​ത്തി​ന് അ​ത് മാ​ധ്യ​മ​ങ്ങ​ൾ നി​ർ​മി​ച്ച ധാ​ര​ണ​യാ​ണെ​ന്നാ​യി​രു​ന്നു മ​റു​പ​ടി. നി​ല​വി​ലെ സാ​ഹ​ച​ര്യം നോ​ക്കു​ക. അ​ഞ്ചാം ന​മ്പ​റി​ൽ അ​ജി​ൻ​ക്യ ര​ഹാ​നെ​യു​ണ്ട്. ലോ​ക ചാ​മ്പ്യ​ൻ​ഷി​പ് ഫൈ​ന​ലി​ൽ റി​സ​ർ​വ് താ​ര​ങ്ങ​ളാ​യി​രു​ന്നു സൂ​ര്യ​കു​മാ​ർ യാ​ദ​വും യ​ശ​സ്വി ജ​യ്സ്വാ​ളും. ആ​ദ്യ പ​രി​ഗ​ണ​ന ഋ​തു​രാ​ജ് ഗെ​യ്ക് വാ​ദി​ന് ന​ൽ​ക​ണം. പി​ന്നെ എ​ങ്ങ​നെ​യാ​ണ് സ​ർ​ഫ​റാ​സി​നെ ഉ​ൾ​പ്പെ​ടു​ത്തു​ക​യെ​ന്ന് ഇ​ദ്ദേ​ഹം ചോ​ദി​ച്ചു. മൂ​ന്ന് ര​ഞ്ജി സീ​സ​ണു​ക​ളി​ൽ മും​ബൈ​ക്കാ‍യി 79.65 ശ​രാ​ശ​രി​യി​ൽ 2566 റ​ൺ​സ് സ്കോ​ർ ചെ​യ്ത താ​ര​മാ​ണ് 25കാ​ര​നാ​യ സ​ർ​ഫ​റാ​സ്.