'അവൻ എന്ത്​ ചെയ്യണമെന്നറിയാതെ അന്തംവിട്ട്​ നിൽക്കുകയായിരുന്നു'; കെ.എൽ രാഹുലിനെതിരെ സുനിൽ ഗവാസ്കർ

ദക്ഷിണാഫ്രിക്കയ്ക്കെതിരായ ആദ്യ ഏകദിനത്തിലെ തോൽവിക്ക്​ പിന്നാലെ, നായകൻ കെ.എൽ രാഹുലിനെതിരെ ആഞ്ഞടിച്ച്​​ മുൻ ഇന്ത്യൻ നായകൻ സുനിൽ ഗവാസ്കർ. ബോലൻഡ്​ പാർക്കിൽ ടെംബ ബാവുമയും റാസി വാൻ ഡെർ ഡസ്സനും ഇന്ത്യൻ ആക്രമണത്തെ തകർത്തുകൊണ്ടിരുന്നപ്പോൾ എന്ത്​ ചെയ്യണമെന്ന ധാരണയില്ലാത്ത രാഹുലിനെയാണ്​ കണ്ടതെന്ന്​​ ഗവാസ്കർ ഇന്ത്യാ ടുഡേയോട്​ പറഞ്ഞു.

ശരിയാണ്​, ചിലപ്പോൾ നല്ല പാർട്​ണർഷിപ്പ്​ എതിർടീമുകൾ പടുത്തുയർത്തു​േമ്പാൾ നായകൻ ആശയക്കുഴപ്പത്തിലാകുന്നത്​ സ്വാഭാവികമാണ്​. അതാണ്​ സംഭവിച്ചതെന്ന്​ ഞാൻ കരുതുന്നു. ബാറ്റ്​ ചെയ്യാൻ നല്ല പിച്ചായിരുന്നു അത്​.

എന്നാൽ, പാർട്​ണർഷിപ്പി​െൻറ തുടക്കം മുതൽ കൈയ്യിലുള്ള ​െഎഡിയകൾ തീർന്നുപോയ നായകനെപോലെയാണ്​ രാഹുലിനെ കാണപ്പെട്ടത്​. എന്ത്​ ചെയ്യണമെന്നോ ആർക്ക്​ പന്ത്​ ഏൽപ്പിക്കണമെന്നോ​ രാഹുലിന്​ അറിയില്ല, ബുംറയെയും ഭുവനേശ്വറിനേയും പോലുള്ള പരിചയസമ്പന്നരായ രണ്ട്​ ഡെത്ത്​ ഒാവർ ബൗളർമാർ കൈയ്യിലുള്ളപ്പോൾ അഞ്ചോ ആറോ ഒാവറുകർ വരെയെങ്കിലും അവരെ പന്തെറിയിപ്പിക്കണം. ഓള്‍റൗണ്ടര്‍ വെങ്കിടേഷ് അയ്യരെക്കൊണ്ട് ബൗളിംഗ് പരീക്ഷിക്കണമായിരുന്നുവെന്നും അദ്ദേഹം പറഞ്ഞു. അതുവഴി എതിരാളികൾ അവസാന ഒാവറുകളിൽ ആഞ്ഞടിക്കുന്നത്​ തടയാമായിരുന്നെന്നും അദ്ദേഹം വ്യക്തമാക്കി.

എന്നാൽ, താരത്തെ കുറ്റപ്പെടുത്തിയെങ്കിലും ക്യാപ്റ്റന്‍ എന്ന നിലയില്‍ രാഹുലിന്റെ ആദ്യ മത്സരമാണെന്നും വരും മത്സരത്തില്‍ മികച്ച പ്രകടനം കാഴ്ചവെക്കുമെന്നാണ് പ്രതീക്ഷിക്കുന്നതെന്നും ഗവാസ്​കർ പറഞ്ഞു. എങ്കിലും ആദ്യ മത്സരത്തില്‍ രാഹുലിന്റെ ബൗളിംഗ് മാറ്റങ്ങള്‍ നിരാശപ്പെടുത്തുന്നതായിരുന്നു എന്നു തന്നെ പറയേണ്ടിവരുമെന്നും അദ്ദേഹം കൂട്ടിച്ചേർത്തു.