'പാസുകൾ എണ്ണി വിജയിയെ തീരുമാനിക്കണം'; ഇംഗ്ലണ്ടി​നെ ട്രോളി പഴയ 'കടം വീട്ടി' ന്യൂസിലാൻഡ്​ ക്രിക്കറ്റ്​ താരങ്ങൾ

ലണ്ടൻ: യൂറോകപ്പ്​ ഫൈനലി​ൽ ഇറ്റലി-ഇംഗ്ലണ്ട്​ മത്സരം നിശ്ചിത സമയത്തും അധിക സമയത്തും തുല്യനില പാലിച്ചപ്പോൾ 'പഴയ കടം' വീട്ടി ന്യൂസിലാൻഡ്​ ക്രിക്കറ്റ്​ താരങ്ങൾ. ക്രിക്കറ്റ്​ ലോകകപ്പ്​ ഫൈനലിൽ ഇംഗ്ലണ്ടും ന്യൂസിലാൻഡും ഏറ്റുമുട്ടിയപ്പോൾ വിജയികളെ ബൗണ്ടറിക​ളുടെ എണ്ണം നോക്കിയായിരുന്നു ​ഐ.സി.സി തീരുമാനിച്ചത്​. ഇതിനോടുള്ള പ്രതിഷേധമാണ്​ ന്യൂസിലാൻഡ്​ ക്രിക്കറ്റ്​ താരങ്ങൾ നല്ല സമയം നോക്കി തീർത്തത്​.

2019ൽ ലോർഡ്​സിൽ നടന്ന ഫൈനലിൽ ന്യൂസിലാൻഡ്​ ഉയർത്തിയ 241 റൺസ്​ പിന്തുടർന്നിറങ്ങിയ ഇംഗ്ലണ്ടിനും 241 റൺസ്​ എടുക്കാനേ സാധിച്ചിരുന്നുള്ളൂ. മത്സരം സൂപ്പർ ഓവറിലേക്ക്​ നീണ്ടപ്പോൾ അവിടെയും ഇരുടീമുകൾക്കും നേടാനായത്​ 15 റൺസ്​ വീതം . ഇതിനെത്തുടർന്നാണ്​ കൂടുതൽ ബൗണ്ടറികൾ നേടിയ ടീമിനെ വിജയികളായി ഐ.സി.സി പ്രഖ്യാപിച്ചത്​. ഫലത്തിൽ ഇംഗ്ലണ്ട്​ ആദ്യ ലോകകപ്പ്​ നേടിയപ്പോൾ തുടർച്ചയായി രണ്ടാംഫൈനലും തോറ്റ്​ നിരാശയോടെയാണ്​ ന്യൂസിലാൻഡ്​ നാട്ടിലേക്ക്​ മടങ്ങിയത്​.

''എന്തിനാണ്​ പെനൽറ്റി ഷൂട്ടൗട്ട്​. ഏറ്റവും കൂടുതൽ പാസുകൾ നൽകിയവരെ നോക്കി വിജയിയെ തിരഞ്ഞെടുത്താൽ പോരേ'' -ന്യൂസിലാൻഡ്​ താരം ജിമ്മി നീഷം ട്വീറ്റ്​ ചെയ്​തത്​ ഇങ്ങനെയായിരുന്നു. ടീമിൽ അംഗമായിരുന്ന നീഷമാണ് സിക്​സർ നേടി​ സൂപ്പർ ഓവറിൽ ന്യൂസിലാൻഡിനെ ഒപ്പമെത്തിച്ചത്​.

ട്രോളുമായി ന്യൂസിലാൻഡ്​ മുൻ​ താരവും കമ​േന്‍ററ്ററുമായ സ്​കോട്ട്​ സ്​​െറ്റെറിസും രംഗത്തെത്തി.''എനിക്കൊന്നും മനസ്സിലാകുന്നില്ല, ഇംഗ്ലണ്ടാണ്​ കൂടുതൽ കോർണറുകൾ നേടിയത്​. അതുകൊണ്ട്​ അവരാണ്​ ചാമ്പ്യൻമാർ''.എന്നായിരുന്നു സ്​റ്റൈറിന്‍റെ പരിഹാസം.

വിജയികളെ കണ്ടെ ത്താൻ ഉപയോഗിച്ച ബൗണ്ടറി നിയമത്തിനെതിരേ നേരത്തേ വ്യാപക വിമർശനം ഉയർന്നിരുന്നു. ഇതാണ്​ ന്യൂസിലാൻഡ്​ താരങ്ങൾ വീണ്ടും ചർച്ചയാകുന്നത്​.