Top
Begin typing your search above and press return to search.
exit_to_app
exit_to_app
സ്​ട്രൈക്​ റേറ്റൊക്കെ ഓവർറേറ്റഡല്ലേ​.. സാഹചര്യത്തിനനുസരിച്ച്​ ബാറ്റ്​ ചെയ്യണമെന്ന്​​ ശുഭ്​മാൻ ഗിൽ
cancel
Homechevron_rightSportschevron_rightCricketchevron_rightസ്​ട്രൈക്​ റേറ്റൊക്കെ ...

സ്​ട്രൈക്​ റേറ്റൊക്കെ ഓവർറേറ്റഡല്ലേ​.. സാഹചര്യത്തിനനുസരിച്ച്​ ബാറ്റ്​ ചെയ്യണമെന്ന്​​ ശുഭ്​മാൻ ഗിൽ

text_fields
bookmark_border

ക്രിക്കറ്റിൽ സ്​ട്രൈക്​ റേറ്റ്​ അടിസ്ഥാനമാക്കി ബാറ്റ്​സ്​മാൻമാരുടെ കഴിവും സ്ഥിരതയും അളക്കുന്ന രീതി ഇപ്പോഴും നിലവിലുണ്ട്​. എന്നാൽ, ഇന്ത്യയുടെ യുവതാരം ശുഭ്​​​മാൻ ഗില്ലിന്​ അതിനോട്​ യോജിക്കാൻ കഴിയുന്നില്ല. സ്​ട്രൈക്​ റേറ്റ്​ 'ഓവർറേറ്റഡാണെന്നാണ്'​ കെ.കെ.ആറിന്‍റെ വെടിക്കെട്ട്​ താരം പറയുന്നത്​. പകരം വ്യത്യസ്​തമായ മത്സര സാഹചര്യവുമായി പൊരുത്തപ്പെടാൻ ബാറ്റ്​സ്​മാന്​ സാധിക്കുകയാണ്​ വേണ്ടതെന്നും ഗില്ല്​ പറഞ്ഞു.

"നിങ്ങൾ ഒരു പ്രത്യേക സാഹചര്യവുമായി എങ്ങനെ പൊരുത്തപ്പെടുന്നു എന്നതിനാണ്​ പ്രാധാന്യം. 200 സ്ട്രൈക്ക് റേറ്റിൽ കളിക്കാൻ ടീം നിങ്ങളോട് ആവശ്യപ്പെടുകയാണെങ്കിൽ അതിന്​ നിങ്ങൾക്ക്​ കഴിയണം. 100 സ്ട്രൈക്ക് റേറ്റിലാണെങ്കിൽ അത്​ ചെയ്യുക. അത് മത്സര സാഹചര്യങ്ങളുമായി പൊരുത്തപ്പെടലാണ്​. ശുഭ്​മാൻ ഗിൽ പി.ടി.ഐക്ക്​ നൽകിയ അഭിമുഖത്തിൽ വ്യക്​തമാക്കി. നിങ്ങളുടെ ഗെയിമിന്​​ ഒരു പ്രത്യേക രീതി മാത്രം പാടില്ല, അവിടെ നിങ്ങൾക്ക് ഒരുതരം ഗെയിം മാത്രമേ കളിക്കാൻ കഴിയൂ. ടീമിന്‍റെ ആവശ്യകതയനുസരിച്ച് ഒരു ബാറ്റ്സ്മാൻ തന്‍റെ പ്രകടനത്തിൽ മാറ്റം കൊണ്ടുവരികയാണ്​ വേണ്ടതെന്നും താരം കൂട്ടിച്ചേർത്തു.

യുഎഇയിൽ നടന്ന ഇന്ത്യൻ പ്രീമിയർ ലീഗ് 2020 എഡിഷനിൽ ഗില്ലിന്‍റെ കുറഞ്ഞ സ്ട്രൈക്ക് റേറ്റ്​ ചർച്ചയായിരുന്നു. പിന്നാലെ നടന്ന ഇംഗ്ലണ്ടിനെതിരായ ടി20 പരമ്പരയിൽ താരത്തിന്​ ദേശീയ ടീമിലിടം ലഭിച്ചിരുന്നില്ല.

Show Full Article
TAGS:Shubman Gill Strike rate KKR 
News Summary - Strike rate is overrated bat according to situation says Shubman Gill
Next Story