'എണ്ണൽ നിർത്തൂ'; ട്രംപി​െൻറ ട്വീറ്റ്​ കടമെടുത്ത്​ ഡൽഹി ക്യാപിറ്റൽസി​െൻറ സെൽഫ്​ ട്രോൾ

ദുബൈ: ​െഎ.പി.എല്ലിൽ വ്യാഴാഴ്​ച നടന്ന ആദ്യ ​ക്വാളിഫയർ പോരാട്ടത്തിൽ ശീട്ടുകൊട്ടാരം പോലെയാണ്​ ഡൽഹി ക്യാപിറ്റൽസി​െൻറ മുൻനിര ബാറ്റ്​സ്​മാൻമാർ തകർന്നത്​. ആദ്യ റൺസ്​ വിട്ടുകൊടുക്കുന്നതിന്​ മു​െമ്പ മൂന്ന്​ വിക്കറ്റുകൾ മുംബൈ ഇന്ത്യൻസി​െൻറ ബൗളർമാർ വീഴ്​ത്തിക്കഴിഞ്ഞിരിന്നു. 23 റൺസ്​ ആയപ്പോഴേക്കും നാലാമനും പുറത്തായി.

ഇതോടെ ഡൽഹി ക്യാപിറ്റൽസി​െൻറ ട്വിറ്റർ ഹാൻഡിലിൽ വ്യത്യസ്​തമായ ട്വീറ്റ്​ പ്രത്യക്ഷപ്പെട്ടു. വോ​​െട്ടടുപ്പിൽ കൃത്രിമം നടന്നുവെന്ന്​ ആരോപിച്ച്​ അമേരിക്കൻ പ്രസിഡൻറ്​ ഡൊണാൾഡ്​ ട്രംപ്​ ട്വിറ്ററിൽ കുറിച്ച 'എണ്ണൽ നിർത്തൂ' എന്ന വാചകം കടമെടുത്തായിരുന്നു ഡൽഹിയുടെ ട്വീറ്റ്​. വിക്കറ്റി​െൻറ എണ്ണം അപ്​ഡേറ്റ്​ ചെയ്യുന്ന ആളോട്​ എണ്ണൽ നിർത്താൻ ആവശ്യപ്പെട്ടുള്ള സെൽഫ്​ ട്രോളാണ്​ ഡൽഹി പങ്കുവെച്ചത്​.

ഇത്​ കൂടാതെ രണ്ടാമത്തെ പന്തിൽ തന്നെ പ്രി​​ഥ്വി ഷായും എട്ടാമത്തെ ഒാവറിൽ റിഷബ്​ പന്തും​ ഒൗട്ടായപ്പോഴും രസകരമായ ചിത്രങ്ങൾ ഉൾപ്പെടുത്തിയ ട്വീറ്റുകളാണ്​ ഡൽഹി പങ്കുവെച്ചത്​.

Me to the guy updating the wickets column 🙄#MIvDC #Dream11IPL #YehHaiNayiDilli https://t.co/WTKYGMPNBS

— Delhi Capitals (Tweeting from 🇦🇪) (@DelhiCapitals) November 5, 2020

ഒന്നാം ക്വാളിഫയർ പോരാട്ടത്തിൽ ഡൽഹി ക്യാപിറ്റൽസിനെ 57 റൺസിന്​ തോൽപിച്ചാണ്​​ മുംബൈ ഇന്ത്യൻസ്​ തുടർച്ചയായ രണ്ടാം സീസണിലും ഫൈനലിലേക്ക്​​ ചേക്കേറിയത്​. സ്​കോർ: മുംബൈ ഇന്ത്യൻസ്​ 200/5, ഡൽഹി ക്യാപിറ്റൽസ്​ 143/8.

ടോസ്​ നഷ്​ടപ്പെട്ട്​ ബാറ്റിങ്ങിനിറങ്ങിയ മുംബൈക്കായി ഓപണർ ഡികോക്കും(40) സൂര്യകുമാർ യാദവും (51), ഇഷൻ കിഷനും (55*), ഹർദിക്​ പാണ്ഡ്യയും(37) തിളങ്ങിയപ്പോൾ നിശ്ചിത ഓവറിൽ അഞ്ചു വിക്കറ്റ്​ നഷ്​ടത്തിൽ മുംബൈ ഇന്ത്യൻസ്​ 200 റൺസ്​ എടുത്തു. കൂറ്റൻ സ്​കോറിന്​ മുന്നിൽ തുടക്കം മുതലെ പതറിയ ഡൽഹി തോൽവി ചോദിച്ചുവാങ്ങുകയായിരുന്നു.

പൃഥ്വി ഷായെയും ശിക്കർ ധവാനെയും അജിൻക്യ രഹാനയെയും പൂജ്യത്തിന്​ പുറത്താക്കി ബോൾട്ടും ബുംറയും മികച്ച തുടക്കം നൽകിയപ്പോൾ തന്നെ ഡൽഹി തോൽവി ഉറപ്പിച്ചിരുന്നു​. അതിനിടക്ക്​ മാർക്കസ്​ സ്​റ്റോയിൻസും (65) അക്​സർ പ​ട്ടേലും (42) പിടിച്ചു നിന്നതിനാലാണ്​ ഡൽഹി വമ്പൻ തോൽവി ഒഴിവാക്കിയത്​.