ഐ.പി.എൽ കളിക്കണം; ദക്ഷിണാഫ്രിക്കൻ താരങ്ങൾ ബംഗ്ലാദേശ് ടെസ്റ്റ് പരമ്പരക്കില്ല

ധാ​ക്ക: ഐ.​പി.​എ​ല്ലാ​ണോ ദേ​ശീ​യ ജ​ഴ്സി​യി​ൽ ടെ​സ്റ്റ് പ​ര​മ്പ​ര​യാ​ണോ വ​ലു​ത്? പ​ണ​മൊ​ഴു​കു​ന്ന ഇ​ന്ത്യ​ൻ പ്രീ​മി​യ​ർ ലീ​ഗ് ത​ന്നെ കേ​മ​മെ​ന്ന് തീ​രു​മാ​ന​മെ​ടു​ത്തി​രി​ക്കു​ന്നു ദ​ക്ഷി​ണാ​ഫ്രി​ക്ക​ൻ താ​ര​ങ്ങ​ൾ. ര​ണ്ടു ടെ​സ്റ്റു​ക​ള​ട​ങ്ങി​യ പ​ര​മ്പ​ര ക​ളി​ക്കാ​ൻ ദ​ക്ഷി​ണാ​ഫ്രി​ക്ക​ൻ ടീം ​ഇ​റ​ങ്ങു​മ്പോ​ൾ മു​ൻ നി​ര താ​ര​ങ്ങ​ളി​ൽ ചി​ല​ർ ഉ​ണ്ടാ​കി​ല്ല.

ഇ​ന്ത്യ​യി​ൽ ഐ.​പി.​എ​ൽ ക​ളി​ക്കാ​ൻ വി​വി​ധ ക്ല​ബു​ക​ളു​മാ​യി ക​രാ​റൊ​പ്പു​വെ​ച്ച​തി​നാ​ലാ​ണ് ഇ​വ​ർ ഇ​റ​ങ്ങാ​ത്ത​ത്. മാ​ർ​കോ ജാ​ൻ​സ​ൺ, ഐ​ഡ​ൻ മ​ർ​ക്രം, ലും​ഗി എ​ൻ​ഗി​ഡി, ക​ഗി​സോ റ​ബാ​ദ, റാ​സി വാ​ൻ ഡ​ർ ഡ​സ​ൻ തു​ട​ങ്ങി​യ പ്ര​മു​ഖ​രാ​ണ് ബം​ഗ്ല​ദേ​ശ് ടെ​സ്റ്റ് പ​ര​മ്പ​ര​ക്കു​ള്ള 15 അം​ഗ ടീ​മി​ൽ നി​ന്ന് വി​ടു​ത​ൽ വാ​ങ്ങി​യ​ത്. ക്വി​ൻ​ൺ ഡി ​കോ​ക്, ഡെ​യ്ൻ പ്രി​ട്ടോ​റി​യ​സ്, ഡേ​വി​ഡ് മി​ല്ല​ർ എ​ന്നി​വ​രും ഐ.​പി.​എ​ല്ലി​ൽ ഇ​ടം ല​ഭി​ച്ച​വ​രാ​ണ്. ഇ​വ​ർ​ക്കും ടെ​സ്റ്റ് പ​ര​മ്പ​ര ന​ഷ്ട​മാ​കും. മാ​ർ​ച്ച് 31നാ​ണ് ബം​ഗ്ലാ​ദേ​ശു​മാ​യി ടെ​സ്റ്റ് പ​ര​മ്പ​ര ആ​രം​ഭി​ക്കു​ന്ന​ത്. ഐ.​പി.​എ​ൽ മാ​ർ​ച്ച് 26നും. ​താ​ര​ങ്ങ​ൾ​ ഐ.​പി.​എ​ൽ തി​ര​ഞ്ഞെ​ടു​ക്കു​ന്നു​വെ​ങ്കി​ൽ ക​ട്ടു​റു​മ്പാ​കാ​നി​ല്ലെ​ന്നാ​ണ് ക്രി​ക്ക​റ്റ് സൗ​ത്ത്​​ആ​ഫ്രി​ക്ക​യു​ടെ നി​ല​പാ​ട്.