ആറു വിക്കറ്റ് ജയം; പരമ്പര തൂത്തുവാരി ഇന്ത്യ

ധ​രം​ശാ​ല: തു​ട​ർ​ച്ച​യാ​യ ര​ണ്ടാം ട്വ​ന്റി20 പ​ര​മ്പ​ര തൂ​ത്തു​വാരി രോ​ഹി​ത് ശ​ർ​മ​യുടെയും സം​ഘ​ത്തി​ന്റെയും വിജയഭേരി. മൂന്നാം മത്സരത്തിൽ ശ്രീലങ്കയെ ആറു വിക്കറ്റിന് തോൽപിച്ചാണ് ഇന്ത്യ പരമ്പര 3-0ത്തിന് കരസ്ഥമാക്കിയത്.

നേരത്തേ, വെസ്റ്റിൻഡീസിനെയും ഇന്ത്യ 3-0ത്തിന് തകർത്തിരുന്നു. ട്വന്റി20യിൽ ഇന്ത്യയുടെ തുടർച്ചയായ 12-ാം ജയം കൂടിയാണിത്.

ആ​ദ്യം ബാ​റ്റു​ചെ​യ്ത ശ്രീ​ല​ങ്ക 20 ഓ​വ​റി​ൽ അ​ഞ്ചു വി​ക്ക​റ്റി​ന് 146 റ​ൺ​​സെടുത്തപ്പോൾ ഇന്ത്യ 19 പന്ത് ബാക്കിയിരിക്കെ നാലു വിക്കറ്റ് നഷ്ടത്തിൽ ലക്ഷ്യത്തിലെത്തി. തുടർച്ചയായ മൂന്നാം കളിയിലും തകർപ്പൻ അർധ സെഞ്ച്വറി നേടിയ ശ്രേയസ് അയ്യരാണ് (45 പന്തിൽ ഒരു സിക്സും ഒമ്പത് ബൗണ്ടറിയുമടക്കം 73) ഇന്ത്യയുടെ ജയം എളുപ്പമാക്കിയത്. പരമ്പരയിൽ 204 റൺസ് അടിച്ചുകൂട്ടിയ ശേയ്രസ് ഒരിക്കൽ പോലും പുറത്തായതുമില്ല.

രവീന്ദ്ര ജദേജ (22*), ദീപക് ഹൂഡ (21), സഞ്ജു സാംസൺ (18), വെങ്കിടേഷ് അയ്യർ (5), രോഹിത് (5) എന്നിങ്ങനെയാണ് മറ്റുള്ളവരുടെ സ്കോർ. ടോ​സ് നേ​ടി ബാ​റ്റി​ങ് തെ​ര​ഞ്ഞെ​ടു​ത്ത ല​ങ്ക തു​ട​ക്ക​ത്തി​ലെ ത​ക​ർ​ച്ച​ക്കു​ശേ​ഷം തു​ട​ർ​ച്ച​യാ​യ ര​ണ്ടാം മ​ത്സ​ര​ത്തി​ലും ത​ക​ർ​പ്പ​ൻ ബാ​റ്റി​ങ് പു​റ​ത്തെ​ടു​ത്ത നാ​യ​ക​ൻ ദാ​സു​ൻ ശാ​ന​ക​യു​ടെ (38 പ​ന്തി​ൽ പു​റ​ത്താ​വാ​തെ 74) മി​ക​വി​ലാ​ണ് 146ലെ​ത്തി​യ​ത്.

12 ഓ​വ​റി​ൽ അ​ഞ്ചി​ന് 60 എ​ന്ന നി​ല​യി​ലാ​യി​രു​ന്ന ല​ങ്ക​യെ അ​ഭേ​ദ്യ​മാ​യ ആ​റാം വി​ക്ക​റ്റ് കൂ​ട്ടു​കെ​ട്ടി​ൽ 47 പ​ന്തി​ൽ 86 റ​ൺ​സ​ടി​ച്ച ശാ​ന​ക​യും ചാ​മി​ക ക​രു​ണ​ര​ത്നെ​യും (19 പ​ന്തി​ൽ പു​റ​ത്താ​വാ​തെ 12) ചേ​ർ​ന്നാ​ണ് ക​ര​ക​യ​റ്റി​യ​ത്. അ​വ​സാ​ന അ​ഞ്ചോ​വ​റി​ൽ ല​ങ്ക 68 റ​ൺ​സാ​ണ് സ്കോ​ർ ചെ​യ്ത​ത്. ശാ​ന​ക ര​ണ്ടു സി​ക്സും ഒ​മ്പ​ത് ഫോ​റു​മാ​ണ് പാ​യി​ച്ചു.

23 റ​ൺ​സി​ന് ര​ണ്ടു വി​ക്ക​റ്റ് വീ​ഴ്ത്തി​യ ആ​വേ​ശ് ഖാ​നാ​ണ് ഇ​ന്ത്യ​ൻ ബൗ​ള​ർ​മാ​രി​ൽ തി​ള​ങ്ങി​യ​ത്. മു​ഹ​മ്മ​ദ് സി​റാ​ജ്, ഹ​ർ​ഷ​ൽ പ​ട്ടേ​ൽ, ര​വി ബി​ഷ്‍ണോ​യ് എ​ന്നി​വ​ർ ഓ​രോ വി​ക്ക​റ്റ് വീ​ത​മെ​ടു​ത്തു.

ഇ​ന്ത്യ​ൻ നി​ര​യി​ൽ ക​ഴി​ഞ്ഞ ക​ളി​യി​ൽ ഹെ​ൽ​മെ​റ്റി​ൽ പ​ന്ത് കൊ​ണ്ട ഇ​ഷാ​ൻ കി​ഷ​ൻ ക​ളി​ച്ചി​ല്ല. ജ​സ്പ്രീ​ത് ബും​റ, ഭു​വ​നേ​ശ്വ​ർ കു​മാ​ർ, യു​സ്വേ​ന്ദ്ര ച​ഹ​ൽ എ​ന്നി​വ​രും പു​റ​ത്തി​രു​ന്നു. പ​ക​രം സി​റാ​ജ്, ആ​വേ​ശ്, ബി​ഷ്‍ണോ​യ്, കു​ൽ​ദീ​പ് യാ​ദ​വ് എ​ന്നി​വ​ർ ഇ​റ​ങ്ങി.