Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightബ്രൗൺ നായ, ഭീമൻ...

'ബ്രൗൺ നായ, ഭീമൻ കുരങ്ങ്‌...' സിറാജിനെ ആസ്ട്രേലിയന്‍ കാണികള്‍ അധിക്ഷേപിച്ചത് കേട്ടാലറക്കുന്ന വാക്കുകളാൽ

text_fields
bookmark_border
ബ്രൗൺ നായ, ഭീമൻ കുരങ്ങ്‌... സിറാജിനെ ആസ്ട്രേലിയന്‍ കാണികള്‍ അധിക്ഷേപിച്ചത് കേട്ടാലറക്കുന്ന വാക്കുകളാൽ
cancel

ഇന്ത്യന്‍ പേസര്‍ മുഹമ്മദ് സിറാജിനെ ആസ്‌ട്രേലിയന്‍ കാണികള്‍ വംശീയമായി അധിക്ഷേപിച്ചതിന്‍റെ കൂടുതല്‍ റിപ്പോര്‍ട്ടുകള്‍ പുറത്ത്. സകല അതിർവരമ്പുകളും ലംഘിക്കുന്നതായിരുന്നു ആസ്​ട്രേലിയൻ കാണികളുടെ പെരുമാറ്റം. ശനിയാഴ്ച സിറാജിനും ബുംറക്കുമെതിരെ വംശീയ പ്രയോഗങ്ങൾ നടത്തിയത്​ വലിയ പ്രതിഷേധത്തിന്​ ഇടവെച്ചിട്ടും ഞായറാഴ്ചയും വംശീയത വിളമ്പുന്നത്​ തുടർന്നു. ഭീമന്‍ കുരങ്ങെന്നും ​ബ്രൗൺ നായയെന്നും അര്‍ഥം വരുന്ന പദപ്രയോഗങ്ങള്‍ ഉപയോഗിച്ചും മറ്റു അശ്ലീല പദങ്ങളാലുമാണ്​​ ആസ്ട്രേലിയന്‍ കാണികള്‍ വംശീയതയുടെ വിദ്വേഷം ഇന്ത്യന്‍ താരങ്ങള്‍ക്കെതിരെ ഗ്രൗണ്ടിൽ വിളമ്പിയത്.

ഞായറാഴ്​ച ഓസീസ്​ ഇന്നിങ്​സ്​ ഡിക്ലയർ ചെയ്യുന്നതിന്​ തൊട്ടുമുമ്പായിരുന്നു ഗ്രൗണ്ടിൽ നാടകീയ രംഗങ്ങൾ. 86ാം ഓവർ എറിഞ്ഞ്​ ഡീപ്​ സ്​ക്വയർലെഗിലേക്ക്​ ഫീൽഡിങ്ങിനായി മുഹമ്മദ്​ സിറാജ്​ എത്തിയപ്പോഴാണ്​ ഒരുകൂട്ടം കാണികളുടെ വംശീയത പുറത്തുചാടിയത്​. ​'ബ്രൗൺ ഡോഗ്​, ബിഗ്​ മങ്കി' വിളികൾ ആവർത്തിച്ചതോടെ സിറാജ്​, ക്യാപ്​റ്റൻ അജിൻക്യ രഹാനെയോട്​ പരാതിപ്പെട്ടു.

പിന്നാലെ​ ടീം അംഗങ്ങളെല്ലാം ഓടിയെത്തി. വിഷയത്തിൽ ഇടപെട്ട അമ്പയർമാരും മാച്ച്​ ഒഫിഷ്യലുകളും കാണികളെ സ്​റ്റേഡിയത്തിൽനിന്ന്​ പുറത്താക്കാൻ തീരുമാനിക്കുകയായിരുന്നു. ഗാലറിയിൽ പ്രവേശിച്ച ന്യൂസൗത്ത്​​വെയ്​ൽസ്​ പൊലീസ്​ ആറു പേരെ ഉടൻ കസ്​റ്റഡിയിലെടുത്തു. പൊലീസ്​ കേസിന്​ പുറമെ, ക്രിക്കറ്റ്​ ആസ്​ട്രേലിയ അന്വേഷണം പ്രഖ്യാപിക്കുകയും ചെയ്​തു. കുറ്റക്കാർക്കെതിരെ ശക്തമായ നടപടിയെടുക്കുമെന്ന്​ അധികൃതർ അറിയിച്ചു.

വംശീയാധിക്ഷേപത്തെ അപലപിച്ച്​ രാജ്യാന്തര ക്രിക്കറ്റ്​ കൗൺസിലും രംഗത്തെത്തി. ''ഒരു തരത്തിലുള്ള വിവേചനങ്ങൾക്കും സ്​പോർട്​സിൽ സ്ഥാനമില്ല. ചെറുസംഘം കാണികളുടെ നടപടി ഏറെ ദുഃഖകരമാണ്​. ക്രിക്കറ്റ്​ ആസ്​ട്രേലിയയുടെ അന്വേഷണ റിപ്പോർട്ടി​‍െൻറ അടിസ്ഥാനത്തിൽ കുറ്റക്കാർക്കെതിരെ നടപടി ഉറപ്പാക്കും'' -ഐ.സി.സി ചീഫ്​ എക്​സിക്യൂട്ടിവ്​ മനു സ്വാഹ്​നി അറിയിച്ചു. വംശീയ അധി​േക്ഷപം അംഗീകരിക്കാനാവില്ലെന്നും ആസ്​ട്രേലിയൻ കാണികളുടേത്​ തെമ്മാടിത്തരമാണെന്നും ഇന്ത്യൻ നായകൻ വിരാട്​ കോഹ്​ലി പ്രതികരിച്ചു.

Show Full Article
TAGS:Mohammed Siraj India-australia racism 
Next Story