'മത്സരം ബൈജൂസും ആസ്​ട്രേലിയയും തമ്മിലാണോ'?; ഇന്ത്യയുടെ പുത്തൻ ജഴ്​സിയെ ട്രോളി ആരാധകർ

സിഡ്​നി: ആസ്​ട്രേലിയൻ പര്യടനത്തിനായി ഒരുക്കിയ ഇന്ത്യൻ ജഴ്​സിയെ ട്രോളി ആരാധകർ. 1992 ലോകകപ്പിലെ ഇന്ത്യൻ ടീമിനെ ഓർമിപ്പിക്കുന്ന റെട്രോ ലുക്കുള്ള ജഴ്​സിയിലുള്ള ചിത്രം ശിഖർ ധവാൻ സമൂഹ മാധ്യമങ്ങളിൽ പോസ്​റ്റ്​ ചെയ്​തതിന്​ പിന്നാലെയാണ്​ വിമർശനങ്ങൾ ഉയർന്നത്​.

ടീം ജഴ്​സിയിൽ ഇന്ത്യ എന്നെഴുതിന്​ ഏറെക്കുറെ സമാന വലുപ്പത്തിൽ ബൈജൂസ്​ ആപ്പി​െൻറ പരസ്യവും ഇടം പിച്ചിട്ടുണ്ട്​. ജഴ്​സിയിലെ സ്ഥിരം സാന്നിധ്യമായിരുന്ന നൈക്കിക്ക്​ പകരം പുതിയ സ്​പോൺസർമാരായ എം.പി.എൽ ആണുള്ളത്​.

'ബൈജൂസും' ആസ്​ട്രേലിയയുമാണോ മത്സരമെന്നാണ്​ പ്രധാനമായും ഉയരുന്ന ട്രോൾ​. എന്നാൽ ഇന്ത്യൻ ടീം ജഴ്​സിയിൽ സഹാറയുടേതടക്കമുള്ള പരസ്യങ്ങൾ മുമ്പും വലുതായി ഇടംപിടിച്ചിട്ടുണ്ടെന്നും ചിലർ ചൂണ്ടിക്കാട്ടുന്നുണ്ട്​. ഇന്ത്യൻ ടീമി​െൻറ പ്രധാന ഐഡൻറിറ്റികളിലൊന്നായ ആകാശ നീലിമയില്ലാത്ത ജഴ്​സിയായതി​െൻറ പരിഭവവും പലരും ​പങ്കുവെക്കുന്നു​.

1079 കോടിരൂപക്കാണ്​ ബി.സി.സി.ഐയും ബൈജൂസ്​ ആപ്പും തമ്മിൽ കരാറുള്ളത്​. 2019 സെപ്​റ്റംബർ 5 മുതൽ 2022 മാർച്ച്​ 31വരെയാണ്​ ബൈജൂസുമായുള്ള കരാർ.