'ഈ വാതിൽ തുറക്കാൻ കഴിഞ്ഞിരുന്നെങ്കിൽ'; മുറിയിൽ അടച്ചിട്ടതിൻെറ വേദനയിൽ ധവാൻ

ഒറ്റപ്പെടലിൻെറ വേദന എന്താണെന്ന്​ പഠിപ്പിക്കുകയായിരുന്നു ഈ കോവിഡ്​ കാലം. പ്രത്യേകിച്ച്​ ഒരു മുറിയിൽ ഏകനായി അടച്ചുപൂട്ടിയിരിക്കുന്ന അവസ്​ഥ താങ്ങാവുന്നതിലുമപ്പുറമാണ്​. അത്തരമൊരു അവസ്​ഥയിലാണ്​ ഐ.പി.എൽ പോരിനായി യു.എ.ഇയിലെത്തിയ ക്രിക്കറ്റ്​ താരങ്ങൾ.

ഒരാഴ്​ച നിർബന്ധ ക്വാറ​ൈൻറനിലാണ്​ ഓരോ താരവും. ഈ സമയത്തും തങ്ങളുടെ പരിശീലനത്തിൻെറയും മറ്റു രസകരമായ അനുഭവങ്ങളുടെയും വിഡിയോ ഇവർ പങ്കുവെക്കുന്നുണ്ട്​. ഇതിൻെറ ഒടുവിലെ ​കാഴ്​ചയാണ്​ ഡൽഹി കാപിറ്റൽസ്​ താരം ശിഖർ ധവാ​േൻറത്​.

റൂമിൽനിന്ന്​ പുറത്തുപോകാൻ കഴിയാത്തതിൻെറ സങ്കടം ഹിന്ദി​ ഗാനത്തിൻെറ പശ്ചാലത്തലത്തിൽ അവതരിപ്പിക്കുകയാണ്​ ഇന്ത്യൻ താരം. 1973ൽ രാജ്​ കപൂർ സംവിധാനം ചെയ്​ത ബോബി എന്ന സിനിമയിലെ 'ഹം തും ഏക്​ കമരേ മേം ബന്ത്​ ഹോ' എന്ന ഗാനത്തിൻെറ അകമ്പടി​യോടെയാണ്​ താരം വിഡിയോ ഇൻസ്​റ്റ​ാഗ്രാമിൽ പോസ്​റ്റ്​ ചെയ്​തിട്ടുള്ളത്​.

ബാറ്റും പിടിച്ച് പരിശീലനത്തിന്​​ പുറത്തുപോകാൻ ശ്രമിക്കുകയാണ്​ ധവാൻ. എന്നാൽ, വാതിൽ തുറക്കാനാവാത്തതിനാൽ സങ്കടത്തോടെ തിരിച്ചുപോരുന്നു. 'പുറത്തുനിന്ന്​ ആർക്കും വരാൻ കഴിയുന്നില്ല, പുറത്തേക്ക്​ ആർക്കും പോകാനും കഴിയുന്നില്ല, ഇതുപോലെയൊരു സാഹചര്യത്തിൽ എന്ത്​ സംഭവിക്കു​മെന്ന്​ ആലോചിച്ചു നോക്കൂ' എന്നർഥം വരുന്ന ഹിന്ദി ഗാനം പശ്ചാത്തലത്തിൽ കേൾക്കാം.

'ഇപ്പോഴും വാതിൽ തുറക്കാനാവുന്നില്ല, ക്വാറ​ൈൻറൻ തീരാൻ ഇനി രണ്ട്​ ദിവസം കൂടിയുണ്ട്​, അതുവരെ കാത്തിരിക്കാൻ വയ്യ' എന്ന അടിക്കുറിപ്പോടെയാണ്​ വിഡിയോ പോസ്​റ്റ്​ ചെയ്​തിരിക്കുന്നത്​.

സെപ്​റ്റംബർ 19നാണ്​ ഐ.പി.എൽ മത്സരങ്ങൾ ആരംഭിക്കുക. ദുബൈ, ഷാർജ, അബൂദബി എന്നിവിടങ്ങളിലാണ്​ മത്സരങ്ങൾ അരങ്ങേറുന്നത്​.