Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightകൊൽക്കത്ത ഐ.പി.എല്ലിൽ...

കൊൽക്കത്ത ഐ.പി.എല്ലിൽ കപ്പടിച്ചാൽ ഷാരൂഖ്​ ചെയ്യാൻ പോകുന്നത്​ ഇത്​​; പഴയ ട്വീറ്റ്​ കുത്തിപ്പൊക്കി ആരാധകർ

text_fields
bookmark_border
SRK IPL TROPHY
cancel
camera_alt

ഷാരൂഖ്​ ഖാൻ ഐ.പി.എൽ കിരീടവുമായി (ഫയൽ)

ദുബൈ: ബോളിവുഡ്​ സൂപ്പർതാരം ഷാരൂഖ്​ ഖാന്‍റെ ഉടമസ്​ഥതയിലുള്ള കൊൽക്കത്ത നൈറ്റ്​റൈഡേഴ്​സ്​ ഇന്ന്​ ഇന്ത്യൻ ​പ്രീമിയർ ലീഗിന്‍റെ കലാശപ്പോരാട്ടത്തിനിറങ്ങുകയാണ്​. എം.എസ്​. ധോണിയുടെ ചെന്നൈ സൂപ്പർ കിങ്​സാണ്​ എതിരാളികൾ. ഏഴ്​ വർഷങ്ങൾക്ക്​ ശേഷമാണ്​ കെ.കെ.ആർ അവരുടെ മുന്നാമത്തെ ഐ.പി.എൽ ഫൈനൽ ബെർത്ത്​ സ്വന്തമാക്കിയത്​. 2014, 2014 വർഷങ്ങളിൽ ഗൗതം ഗംഭീറിന്‍റെ കീഴിൽ ടീം കിരീടം സ്വന്തമാക്കിയിരുന്നു.

സൂപ്പർ ഫൈനലിന്​ മണിക്കൂറുകൾ മാത്രം ബാക്കി നിൽക്കേ ഷാരൂഖിന്‍റെ ഒരു പഴയ ട്വീറ്റാണ്​ ഇപ്പോൾ ചർച്ചയാകുന്നത്​. ട്വിറ്ററിൽ മാസങ്ങൾക്ക്​ മുമ്പ്​ 'ആസ്​ക്​ എസ്​.ആർ.കെ' എന്ന പേരിൽ ഷാരൂഖ്​ ആരാധകരുടെ ചോദ്യങ്ങൾക്ക്​ ഉത്തരം നൽകിയിരുന്നു. അതിൽ ഒരു ആരാധകൻ കിങ്​ ഖാനോട്​ കെ.കെ.ആർ ഈ വർഷം കപ്പടിക്കു​േമാ എന്ന്​ ചോദിച്ചു.

'ഞാൻ അങ്ങനെ പ്രതീക്ഷിക്കുന്നു. അതിൽ മാത്രം കാപ്പി കുടിക്കാൻ ഞാൻ ആഗ്രഹിക്കുന്നു!' ഇതായിരുന്നു ഷാരൂഖിന്‍റെ രസകരമായ മറുപടി. ഈ ട്വീറ്റാണിപ്പോൾ ആരാധകർ കുത്തിപ്പൊക്കിയിരിക്കുന്നത്​.

ഇന്ത്യയിൽ നടന്ന ഐ.പി.എല്ലിന്‍റെ ആദ്യ പാദത്തിൽ കെ.കെ.ആർ തപ്പിത്തടയുകയായിരുന്നു. കോവിഡിനെ തുടർന്ന്​ യു.എ.ഇയിലേക്ക്​ പറിച്ചുനട്ട ടൂർണമെന്‍റിന്‍റെ രണ്ടാംപാദത്തിൽ ഏറ്റവും മികച്ച പ്രകടനം പുറത്തെടുത്താണ്​ കെ.കെ.ആർ ഫൈനൽ വരെ എത്തി നിൽക്കുന്നത്​. യു.എ.ഇയിൽ കളിച്ച ഒമ്പതിൽ ഏഴിലും വിജയിച്ചാണ്​ കെ.കെ.ആറിന്‍റെ പടയോട്ടം.

വെള്ളിയാഴ്ച ​ൈവകീട്ട്​ ദുബൈയിൽ വെച്ചാണ്​ ചെന്നൈ സൂപ്പർ കിങ്​സിനെതിരായ ഫൈനൽ. സ്​പിന്നർമാരായ സുനിൽ നരെയ്​ൻ, വരുണ ചക്രവർത്തി എന്നിവർക്കൊപ്പം ശുഭ്​മാൻ ഗിൽ, വെങ്കിടേഷ്​ അയ്യർ, നിതീഷ്​ റാണ, രാഹുൽ ത്രിപതി എന്നിവർ അണിനിരക്കുന്ന ബാറ്റിങ്​ നിരയുമാണ്​ കെ.കെ.ആറിന്‍റെ വിന്നിങ്​ കോംബോ.

ലീഗിൽ സ്​ഥിരതയാർന്ന പ്രകടനം പുറത്തെടുത്ത്​ കലാശക്കളിക്ക്​ അർഹത നേടിയ ചെന്നൈയെ കൊൽക്കത്ത എങ്ങനെ നേരിടുമെന്ന്​ കാണാം. ക്യാപ്​റ്റൻ ധോണിയുടെ മികവിൽ ഒമ്പതാം തവണയാണ്​ ചെന്നൈ ഫൈനൽ ബെർത്ത്​ സ്വന്തമാക്കിയത്​.

Show Full Article
TAGS:Shah Rukh Khan IPL 2021 kolkata knight riders 
News Summary - Shah Rukh Khan's Old Tweet Revealing His Plans if Kolkata Knight Riders Won IPL 2021 Resurfaces
Next Story