Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightമധുരഗീതം പോലൊരു...

മധുരഗീതം പോലൊരു ഇന്നിങ്​സ്​; സഞ്​ജുവിന്​ കയ്യടിച്ച്​ കമൻററി ബോക്​സും

text_fields
bookmark_border
മധുരഗീതം പോലൊരു ഇന്നിങ്​സ്​; സഞ്​ജുവിന്​ കയ്യടിച്ച്​ കമൻററി ബോക്​സും
cancel

ദുബൈ: ക്രീസിലെത്തു​േമ്പാൾ സഞ്​ജു സാംസണ്​ പലതും തെളിയിക്കേണ്ടതുണ്ടായിരുന്നു. സ്വന്തം ഫോമിനെക്കുറിച്ചുള്ള കലഹങ്ങൾ, ടീമിന്​ വിജയം നിർണായകമായ മത്സരം, ഇന്നിങ്​സ്​ പടുത്തുയർത്തേണ്ടതി​െൻറ സമ്മർദ്ദം എന്നിവയെല്ലാം ആ തോളുകളുടെ കനമുയർത്തി.

''സഞ്​ജുവി​െൻറ പ്രതിഭയെക്കുറിച്ച്​ ഞങ്ങൾക്ക്​ തർക്കമൊന്നുമില്ല. പക്ഷേ സ്ഥിരതയിൽ തങ്ങൾക്ക്​ സംശയമുണ്ട്''​ എന്ന വാചകത്തോടെയായിരുന്നു കമൻററി ബോക്​സ്​ വരവേറ്റത്​​. ആദ്യ രണ്ടുമത്സരങ്ങളിൽ ആനന്ദ നൃത്തമാടിയശേഷം ക്രീസിൽ വന്നുപോകുന്ന ജോലിയായിരുന്നു അയാളുടേത്​. ബാറ്റിൽ തട്ടി പന്ത്​ ഗ്യാലറിയിൽ പറന്നിറങ്ങു​േമ്പാഴുള്ള ലഹരി സഞ്​ജുവി​െൻറ പ്രകടനത്തെ കാര്യമായി ബാധിച്ചിരുന്നു. ടീം ആവശ്യപ്പെടു​േമ്പാഴെല്ലാം അനാവശ്യമായി വിക്കറ്റ്​ വലിച്ചെറിഞ്ഞുകൊണ്ട്​ വിമർശന മുനകളെ സഞ്​ജു സ്വയം മൂർച്ചകൂട്ടി. നന്നായി തുടങ്ങിയ ഏതാനും ഇന്നിങ്​സുകൾക്ക്​ പൂർണത നൽകാനുമായില്ല.

വികാരത്തെ വിവേകത്തോട്​ കോർത്തിണക്കിയ മനോഹരചുവടുകളായിരുന്നു ഇന്നലത്തേത്​​. അസാധ്യഫോമിൽ ബാറ്റുചെയ്​തിരുന്ന ബെൻസ്​റ്റോക്​സിന്​ സ്​ട്രൈക്ക്​ കൈമാറി സെൻസിബിളായാണ്​ സഞ്​ജു തുടങ്ങിയത്​. എട്ടാം ഓവറിൽ കീറൻ പൊള്ളാർഡിനെ ലോംഗ്​ ഓഫിലേക്ക്​ പറത്തിയ സിക്​സറോടെ ക്രീസിൽ ഇരിപ്പുറപ്പിച്ചു.


ഇടക്ക്​ ജയിംസ്​ പാറ്റിൻസണെ സികസ്​റടിച്ചതൊഴിച്ചാൽ ശാന്തമായി തുഴഞ്ഞുനീങ്ങുകയായിരുന്നു ആ ഇന്നിങ്​സ്​​ ​. 14ാം ഓവറിൽ രാഹുൽ ചഹാറി​നെ തുടർച്ചയായി ബൗണ്ടറിയും സിക്​സും കുറിച്ച്​ ത​െൻറ ക്ലാസ്​ ഒരിക്കൽകൂടി ലോകത്തിന്​ കാണിച്ചു. ആവേശപ്പൂരത്തി​െൻറ പെരുമ്പറ മുഴക്കമല്ലായിരുന്നു​, ഹാർമോണിയം പോലെ ഉയർന്നും താഴ്​ന്നും ഒഴുകിയ മധുരഗീതമായിരുന്നു അത്​.

ജസ്​പ്രീത്​ ബുംറയെന്ന ലക്ഷണമൊത്ത ട്വൻറി 20 ബൗള​റെ തുടർച്ചയായി രണ്ട്​ ബൗണ്ടറിയടിച്ചശേഷം സഞ്​ജു ഓടിയെത്തിയത്​ അർധ സെഞ്ച്വറിയിലേക്ക്​ മാത്രമായിരുന്നില്ല. ത​െൻറ പ്രതിഭയുടെ വീണ്ടെടുപ്പിലേക്ക്​ കൂടിയായിരുന്നു. ഫോമിൽ നിൽക്കു​േമ്പാൾ സഞ്​ജുവി​െൻറ ഷോട്ടുകൾ കാണുന്ന ഒരാൾ, അയാളിൽ ലോകത്തെ ഏറ്റവും മികച്ച ബാറ്റ്​സ്​മാൻമാരിലൊരാളെ കണ്ടാൽ തെറ്റുപറയാനാവില്ല. അത്രമേൽ നൈസർഗികമായാണ്​ അയാൾ പന്തിനെ ​പ്രഹരിക്കുന്നത്​. കൊമ്പനാനകളും ചീറ്റപ്പുലികളുമെല്ലാം അരങ്ങുവാഴുന്ന സീസണിൽ ഏറ്റവും കൂടുതൽ സിക്​സർ പറന്നത്​ ഇയാളുടെ ബാറ്റിൽ നിന്നായിരുന്നുവെന്നത്​ പ്രതിഭക്ക്​ സാക്ഷ്യമാകുന്നു.


''സഞ്​ജു അർധസെഞ്ച്വറി കുറിക്കു​േമ്പാൾ കമൻററി ബോക്സി​ലെ എല്ലാവരും എഴുന്നേറ്റ്​ കയ്യടിക്കുകയായിരുന്നു. അയാളുടെ ബാറ്റിങ്​ കാണുന്നത്​ എന്തൊരു ആനന്ദമാണ്​'' മത്സരത്തിന്​ ശേഷം ക്രിക്കറ്റി​െൻറ മർമ്മമറിയുന്ന കമ​േൻററ്റർ ഹർഷ ഭോഗ്​ലെയുടെ ട്വീറ്റ്​ ഇങ്ങനെയായിരുന്നു. സ്​നേഹക്കൂടുതലിൽ നിന്നുയിർത്ത നിരാശയിൽ നിന്നും ഉയർത്തിയ വിമർശനങ്ങൾക്ക്​ സുല്ലിട്ട്​ കമൻററി ബോക്​സും സഞ്​ജുവിന്​ എഴ​ുന്നേറ്റ്​ കയ്യടിച്ചു​. സിക്​സറടിക്കുകയല്ല, സെൻസിബിളാകുകയാണ്​ ത​െൻറ ജോലിയെന്ന തിരിച്ചറിവിലേക്ക്​ അയാളെത്തു​േമ്പാൾ വലിയ പ്രതീക്ഷകൾക്ക്​ വീണ്ടു ചിറക്​ മുളക്കുകയാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:sanju samsonIPL 2020
Next Story