Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightസഞ്​ജു യു.എ.ഇയിൽ...

സഞ്​ജു യു.എ.ഇയിൽ തുടരുന്നു; ട്വന്‍റി 20 ലോകകപ്പിന്​ വേണ്ടിയോ അതോ ദുബൈ എക്​സ്​പോക്ക്​ വേണ്ടിയോ?.

text_fields
bookmark_border
സഞ്​ജു യു.എ.ഇയിൽ തുടരുന്നു; ട്വന്‍റി 20 ലോകകപ്പിന്​ വേണ്ടിയോ അതോ ദുബൈ എക്​സ്​പോക്ക്​ വേണ്ടിയോ?.
cancel

ദുബൈ: ഐ.പി.എല്ലിൽ നിന്നും രാജസ്ഥാൻ റോയൽസ്​ പുറത്തായിട്ടും സഞ്​ജു സാംസൺ യു.എ.ഇയിൽ തുടരുന്നതിനെച്ചൊല്ലി അഭ്യൂഹം കൊഴുക്കുന്നു. സഞ്​ജു യു.എ.ഇയിൽ തുടരുന്നത്​ ബി.സി.സി.ഐ നിർദേശ പ്രകാരമാണെന്ന്​ വാർത്ത ഏജൻസിയായ ഐ.എ.എൻ.എസ്​ റിപ്പോർട്ട്​ ചെയ്​തു. എന്നാൽ ഇക്കാര്യത്തിൽ ഔദ്യോഗികമായ യാതൊരു പ്രതികരണവും ബി.സി.സി.ഐയുടെ ഭാഗത്ത്​ നിന്നുണ്ടായിട്ടില്ല. ലോകകപ്പിനുള്ള അന്തിമ ടീം പട്ടിക കൈമാറാൻ ഒക്​ടോബർ 15 വരെ സമയമുള്ളതിനാൽ സഞ്​ജുവിനെ ടീമിൽ ഉൾപ്പെടുത്തിയേക്കുമെന്ന്​ ചില മാധ്യമങ്ങൾ റിപ്പോർട്ട്​ ചെയ്യുന്നു.


ട്വന്‍റി 20 ലോകകപ്പിനുള്ള 15 അംഗ ടീമിനെ പ്രഖ്യാപിച്ചപ്പോൾ സഞ്​ജു ഉൾപ്പെട്ടിരുന്നില്ല. എന്നാൽ ഐ.പി.എൽ സീസണിൽ സഞ്​ജു തകർപ്പൻ പ്രകടനമാണ്​ കാഴ്ച വെച്ചത്​. 14 കളികളിൽ നിന്നും 40.33 ശരാശരിയിൽ 484 റൺസാണ്​ സഞ്​ജു അടിച്ചുകൂട്ടിയത്​. 136 സ്​ട്രൈക്​റൈറ്റിൽ ​റൺസടിച്ചുകൂട്ടിയ സഞ്​ജു ഒരുവേള ടൂർണമെന്‍റ്​ ടോപ്പ്​ സ്​കോററുമായിരുന്നു. സ്ഥിരതയില്ലെന്ന ദുഷ്​പേരിനെയും സഞ്​ജു ഇക്കുറി തിരുത്തിയിരുന്നു. ഇ​ൗ സാഹചര്യത്തിൽ സഞ്​ജുവിനെ ഇന്ത്യൻ ടീമിലേക്ക്​ ഉൾപെടുത്തുമെന്ന്​ അഭ്യൂഹങ്ങളുണ്ട്​. ഇന്ത്യൻ ടീമിലുൾപ്പെട്ട ഇഷാൻകിഷൻ, സൂര്യകുമാർ യാദവ്​ അടക്കമുള്ളവർക്ക്​ ഏതാനും മത്സരങ്ങളിൽ മാത്രമാണ്​ ശോഭിക്കാനായിരുന്നത്​.

അതേ സമയം ദുബൈ എക്​സ്​പോയുമായി ബന്ധപ്പെട്ട്​ രാജസ്ഥാൻ റോയൽസിനുള്ള പരസ്യ കരാറുകളുടെ ഭാഗമായാണ്​ നായകൻ കൂടിയായ സഞ്​ജു യു.എ.ഇയിൽ തുടരുന്നതെന്നും റിപ്പോർട്ടുകളുണ്ട്​. ദുബൈ എക്​സ്​പോയുടെ സ്​പോൺസർഷിപ്പുള്ള രാജസ്ഥാൻ റോയൽസ്​ ജഴ്​സിയിലടക്കം എക്​സ്​പോ പരസ്യവുമായാണ്​ കളത്തിൽ ഇറങ്ങിയിരുന്നത്​.


സഞ്​ജുവിനെക്കൂടാതെ ഐ.പി.എല്ലിൽ തകർപ്പൻ പ്രകടനം നടത്തിയ യുസ്​വേന്ദ്ര ചഹൽ, ഹർഷൽ പ​േട്ടൽ, റിഥുരാജ്​ ഗെയ്​ക്​വാദ്​ എന്നിവരെക്കുറിച്ചും അഭ്യൂഹങ്ങൾ പരക്കുന്നുണ്ട്​. ഇന്ത്യൻ ടീമിലുൾപ്പെട്ട രാഹുൽ ചഹാറിന്​ ​െഎ.പി.എല്ലിൽ ഒട്ടും തിളങ്ങാനാകാത്തതും ഹാർദിക്​ പാണ്ഡ്യ, വരുൺ ചക്രവർത്തി എന്നിവരുടെ ഫിറ്റ്​നസിനെക്കുറിച്ചും ആശങ്കകൾ ഉയരുന്നുണ്ട്​.

Show Full Article
TAGS:sanju samson IPL 2021 
News Summary - Sanju Samson Asked To Stay Back In UAE Ahead Of T20 World Cup 2021
Next Story