Begin typing your search above and press return to search.
exit_to_app
exit_to_app
അവനാണ്​ ആധുനിക ക്രിക്കറ്റിലെ വീരേന്ദർ സെവാഗ്​; യുവ താരത്തെ കുറിച്ച്​ സഞ്ജയ് മഞ്ജരേക്കര്‍
cancel
Homechevron_rightSportschevron_rightCricketchevron_right'അവനാണ്​ ആധുനിക...

'അവനാണ്​ ആധുനിക ക്രിക്കറ്റിലെ വീരേന്ദർ സെവാഗ്​'; യുവ താരത്തെ കുറിച്ച്​ സഞ്ജയ് മഞ്ജരേക്കര്‍

text_fields
bookmark_border

ഇന്ത്യന്‍ പ്രീമിയര്‍ ലീഗി​െൻറ പുതിയ സീസണിൽ വിസ്മയിപ്പിക്കുന്ന പ്രകടനമാണ്​ ഡൽഹി കാപിറ്റൽസ്​ കാഴ്​ച്ചവെക്കുന്നത്​. ഇരു പാദങ്ങളിലുമായി റിഷഭ്​ പന്തി​െൻറ ബാറ്റിങ്​ പ്രകടനവും നായക മികവും ടീമിന്​ ഏറെ ഗുണം ചെയ്​തിട്ടുണ്ട്​. ആദ്യപാദത്തിൽ ടീമിനെ പോയിൻറ്​ പട്ടികയിൽ ഒന്നാമതെത്തിക്കാൻ പന്തിന്​ കഴിഞ്ഞു. രണ്ടാം പാദത്തിലെ ആദ്യ മത്സരത്തിലും സൺറൈസേഴ്​സ്​ ഹൈദരാബാദിനെതിരെ ഡൽഹിക്ക്​ വിജയത്തുടക്കം നൽകി. മത്സരത്തിൽ 21 ബോളുകളിൽ മൂന്ന് ഫോറും രണ്ട് സിക്‌സുമടക്കം 35 റൺസെടുത്ത​ താരം പുറത്താകാതെ നിന്നു.


റിഷഭി​െൻറ മിന്നും പ്രകടനത്തെ പുകഴ്​ത്തി രംഗത്തെത്തിയിരിക്കുകയാണ്​ മുന്‍ ഇന്ത്യന്‍ താരവും കമന്റേറ്ററുമായ സഞ്ജയ് മഞ്ജരേക്കര്‍. ആധുനിക ക്രിക്കറ്റിലെ സെവാഗാണ്​ റിഷഭ്​ പന്തെന്ന്​ സഞ്ജയ് ഇ.എസ്​.പി.എൻ ക്രിക്കിൻഫോക്ക്​ നൽകിയ അഭിമുഖത്തിൽ അഭിപ്രായപ്പെട്ടു.

'സച്ചിന്‍ ടെണ്ടുല്‍ക്കറും രാഹുല്‍ ദ്രാവിഡുമൊക്കെ ധാരാളം സ്‌കോറുകള്‍ നേടുന്ന സമയത്തായിരുന്നു വീരേന്ദര്‍ സെവാഗ് ഇന്ത്യന്‍ ടീമിലേക്കെത്തുന്നത്​. എന്നാല്‍ അവരില്‍ നിന്നെല്ലാം തീർത്തും വ്യത്യസ്തനായിരുന്നു സെവാഗ്. പൊട്ടിത്തെറിക്കുന്ന ശൈലിയായിരുന്നു അവന്​.

സിക്‌സറടിച്ച് സെഞ്ച്വറിയും ഇരട്ട സെഞ്ച്വറിയും ട്രിപ്പിള്‍ സെഞ്ച്വറിയും​ പൂർത്തിയാക്കിയ താരമാണ്​ സെവാഗ്​. ടെസ്റ്റ് ക്രിക്കറ്റില്‍ അത്തരമൊരു ബാറ്റിങ് അന്ന് കണ്ടി​േട്ടയില്ലായിരുന്നു. സെവാഗിനെപ്പോലെ നന്നായി അടിച്ചുകളിക്കുന്ന ക്രിക്കറ്റ് താരങ്ങള്‍ ഇന്ന് ഏറെയുണ്ട്​. എന്നാല്‍ സ്‌ഫോടന രീതിയിലുള്ള ബാറ്റിങ് കാഴ്ചവെക്കാന്‍ സെവാഗിനെപ്പോലെ കഴിയുന്നത്​ റിഷഭിനാണ്'-സഞ്ജയ് വ്യക്​തമാക്കി.


റിഷഭിന്​ മൈതാനത്തി​െൻറ ഏത്​ ഭാഗത്തേക്കും എളുപ്പം ഷോട്ട്​ പായിക്കാനുള്ള കഴിവുണ്ട്​. ടെസ്റ്റ്​ മത്സരത്തിൽ ജെയിംസ് ആന്‍ഡേഴ്‌സനേയും ജോഫ്രാ ആര്‍ച്ചറേയും റിവേഴ്‌സ് സ്‌കൂപ്പിലൂടെ ബൗണ്ടറിയടിച്ച താരമാണവൻ. ആസ്​ട്രേലിയയിലും ഇംഗ്ലണ്ടിലും ടെസ്റ്റ്​ സെഞ്ച്വറി നേടിയ ഒരേയൊരു ഇന്ത്യൻ വിക്കറ്റ്​ കീപ്പറും പന്താണ്​. മറ്റ്​ ഫോർമാറ്റുകൾ പോലെ ടെസ്റ്റിലും വേഗത്തിൽ റൺസ്​ ​കണ്ടെത്തുന്ന ശൈലിയാണ്​ താരം പിന്തുടർന്ന്​ പോകുന്നത്​. അതാണ്​ അവനെ മറ്റുള്ളവരിൽ നിന്ന്​ വ്യത്യസ്തനാക്കുന്നതും. -സഞ്ജയ് കൂട്ടിച്ചേർത്തു.

Show Full Article
TAGS:Virender Sehwag Sanjay Manjrekar 
News Summary - Sanjay Manjrekar Compares This Indian Player With Virender Sehwag
Next Story