'അത്​ പൂർണമായും എ​െൻറ തീരുമാനമായിരുന്നു'; ട്രോളുകൾക്കെതിരെ രൂക്ഷ പ്രതികരണവുമായി​ ഇർഫാൻ പത്താ​െൻറ ഭാര്യ

ന്യൂഡൽഹി: ഇന്ത്യൻ ​ക്രിക്കറ്റ്​ താരം ഇർഫാൻ പത്താ​െൻ മകൻ ഇംറാൻ പത്താ​െൻറ ഇൻസ്​റ്റഗ്രാം അക്കൗണ്ട്​ മാതാവ്​ സഫ ബെയ്​ഗ്​ ആണ്​ കൈകാകര്യം ചെയ്യുന്നത്​. കഴിഞ്ഞ ദിവസം ഇംറാ​െൻറ അക്കൗണ്ടിൽ പങ്കുവെച്ച ഒരു കുടുംബ ചിത്രത്തിൽ സഫയുടെ മുഖം അവ്യക്തമാക്കിയ സംഭവത്തിൽ പത്താന്​ നേരെ വിമർശനങ്ങളും വിദ്വേഷ പോസ്​റ്റുകളും പ്രത്യക്ഷപ്പെട്ടിരുന്നു.

ഇർഫാൻ ഭാര്യയുടെ മുഖം കാണിക്കാൻ അനുവദിക്കുന്നില്ലെന്നായിരുന്നു പ്രധാന വിമർശനം. മുഖം മായ്ച്ച് കളഞ്ഞത് അവളുടെ ഇഷ്ടപ്രകാരമാണെന്നും ഞാൻ അവളുടെ അധിപനല്ല മറിച്ച്​ പങ്കാളിയാണെന്നായിരുന്നു പത്താൻ ട്വിറ്ററിൽ കുറിച്ചത്​. ഇപ്പോൾ പത്താന്​ പുറമേ സഫയും ഇത്തരം ട്രോളുകൾക്കെതിര രൂക്ഷമായി രംഗത്തെത്തിയിരിക്കുകയാണ്​.

'ഇംറാന് വേണ്ടി ഞാനാണ്​ ഒരു ഇൻസ്റ്റാഗ്രാം അക്കൗണ്ട് തുടങ്ങിയത്​. ഞാൻ തന്നെയാണ്​​ അതിൽ പോസ്​റ്റുകൾ ഇടുന്നത്​. അതിലൂടെ അവൻ വളർന്നുകഴിഞ്ഞാൽ ചില മനോഹരമായ ഓർമ്മകളിലേക്ക്​ തിരിഞ്ഞുനോക്കാൻ സാധിക്കും. അക്കൗണ്ട് കൈകാര്യം ചെയ്യുന്ന ഞാൻ തന്നെയാണ്​ ആ ഫോട്ടോയിൽ എ​െൻറ മുഖം അവ്യക്തമാക്കിയത്​. ഇത് പൂർണമായും എ​െൻറ തീരുമാനമായിരുന്നു. ഇർഫാന് ഇതുമായി യാതൊരു ബന്ധവുമില്ല'-സഫ ടൈംസ്​ ഓഫ്​ ഇന്ത്യയോട്​ പറഞ്ഞു.

'നിരുപദ്രവകരമായ ഒരു കുടുംബ ഫോട്ടോ ഇതുപോലുള്ള അനാവശ്യ വിവാദങ്ങൾ സൃഷ്ടിക്കുമെന്ന് ഞാൻ ഒരിക്കലും കരുതിയിരുന്നില്ല. ഞാൻ വളരെ ഒതുങ്ങിയ വ്യക്തിയാണ്. ആകർഷണ കേന്ദ്രമാകാൻ ഞാൻ ഒരിക്കലും ഇഷ്ടപ്പെടുന്നില്ല. ഇർഫാൻ ​പോലും സമ്മതമില്ലാതെ ഫോ​ട്ടേ എടുക്കു​േമ്പാൾ ഞാൻ ഒഴിഞ്ഞുമാറാറാണ് പതിവ്​​'-സഫ പറഞ്ഞു.

'അത്തരം ട്രോളുകൾ കുറച്ചുകാലമായി ചിലർ പടച്ചുവിടുന്നു. തുടക്കത്തിൽ ഇത്​ എന്നെ ആശ്ചര്യപ്പെടുത്താറുണ്ടായിരുന്നു, പക്ഷേ ഇപ്പോൾ ഞാൻ അതിന്​ വലിയ വിലകൊടുക്കാറില്ല. ട്രോളൻമാർ തിരിച്ചറിയാത്ത കാര്യം എന്തെന്നാൽ, എനിക്ക് മറ്റ് രാജ്യങ്ങളിലും ആരാധകരുണ്ട്​. ഇത് നമ്മുടെ രാജ്യത്തെക്കുറിച്ച് അവർക്കിടയിൽ മോശം മതിപ്പ് സൃഷ്ടിക്കുന്നു. ട്രോളുകൾ കാരണം ഞാൻ എ​െൻറ ജീവിതം അവസാനിപ്പിക്കില്ല. സ്നേഹം വിദ്വേഷത്തേക്കാൾ ശക്തമാണെന്ന് ഞാൻ വിശ്വസിക്കുന്നു. സമൂഹമാധ്യമങ്ങളിൽ സ്​നേഹിക്കാൻ മാത്രമറിയുന്ന കുറച്ച്​ ആരാധകർ ഉണ്ടെന്നതിൽ ഞാൻ അഭിമാനിക്കുന്നു. അതിനാൽ തന്നെ വെറുപ്പ് മാത്രം പ്രചരിപ്പിക്കുന്ന ഈ ആളുകൾ എനിക്ക്​ പ്രശ്‌നമില്ല. ട്രോളുകൾ ഉണ്ടാക്കുകയും മോശം ഭാഷ ഉപയോഗിച്ച്​ മറ്റുള്ളവരെ ദുരുപയോഗം ചെയ്യുകയും ചെയ്യുമ്പോൾ പ്രകടമാവുന്നത്​ അവരുടെ മാനസികാവസ്ഥയുടെ പ്രതിഫലനമാണ്'-ഇർഫാൻ പറഞ്ഞു.

'എ​െൻറ മക​െൻറ അക്കൗണ്ടിൽനിന്ന് ഭാര്യ തന്നെയാണ് ആ ചിത്രം പങ്കുവെച്ചത്​. അതി​െൻറ പേരിൽ വലിയ രീതിയിൽ വിദ്വേഷ പ്രചാരണം നടക്കുന്നുണ്ട്. ആ ചിത്രം ഞാൻ ഇവിടെ പോസ്റ്റ് ചെയ്യുന്നു. ഇതിൽ ത​െൻറ മുഖം അവൾ മായ്ച്ച് കളഞ്ഞത് സ്വന്തം ഇഷ്ടപ്രകാരമാണ്. ഞാൻ അവളുടെ അധിപനല്ല, പങ്കാളിയാണെന്ന് ഓർമിപ്പിക്കുന്നു' –ഇങ്ങ​നെയായിരുന്നു വിവാദത്തിൽ നേരത്തെ​ ഇർഫാൻ ട്വിറ്ററിലൂ​ടെ ​പ്രതികരിച്ചത്​.

2016ലാണ്​ ഇർഫാനും സഫയും വിവാഹതരായത്​. മകൻ ഇംറാന്​ അഞ്ച്​ വയസായി. 2021 റോഡ്​ സേഫ്​റ്റി വേൾഡ്​ സീരീസ്​ സമയത്ത്​ ഇംറാനും പിതാവിനൊപ്പമെത്തിയിരുന്നു.