കിങ്ങോ കിങ്സോ? ആരുയർത്തും കപ്പ്? ടോസ് പഞ്ചാബിന്, ആർ.സി.ബിയെ ബാറ്റിങ്ങിനയച്ചു

അഹ്മദാബാദ്: ഇന്ത്യൻ പ്രീമിയർ ലീഗിലെ 18-ാം സീസൺ കലാശപ്പോരിൽ ടോസ് നേടിയ പഞ്ചാബ് കിങ്സ് ഫീൽഡിങ് തെരഞ്ഞെടുത്തു. ഇരുടീമുകളും കഴിഞ്ഞ മത്സരത്തിലെ താരങ്ങളെ നിലനിർത്തിയാണ് ഫൈനൽ മത്സരത്തിനിറങ്ങുന്നത്. കിങ് കോ​ഹ്‌​ലിയും സംഘവും അണിനിരക്കുന്ന ആർ.സി.ബിക്ക് കപ്പുയർത്താനാകുമോ അതോ പഞ്ചാബിന്‍റെ ശ്രേയസ് അയ്യരും സംഘവും കിരീടം നേടുമോ എന്ന കാത്തിരിപ്പിലാണ് ആരാധകർ.

പ്ലേയിങ് ഇലവൻ

ആ​ർ.​സി.​ബി: ര​ജ​ത് പാ​ട്ടി​ദാ​ർ (ക്യാ​പ്റ്റ​ൻ), വി​രാ​ട് കോ​ഹ്‌​ലി, ഫി​ൽ സാ​ൾ​ട്ട്, ലി​യാം ലി​വി​ങ്സ്റ്റ​ൺ, ജി​തേ​ഷ് ശ​ർ​മ, റൊ​മാ​രി​യോ ഷെ​പ്പേ​ർ​ഡ്, ക്രു​നാ​ൽ പാ​ണ്ഡ്യ, ഭു​വ​നേ​ശ്വ​ർ കു​മാ​ർ, യാ​ഷ് ദ​യാ​ൽ, ജോ​ഷ് ഹേ​സി​ൽ​വു​ഡ്, മാ​യ​ങ്ക് അ​ഗ​ർ​വാ​ൾ.പ​ഞ്ചാ​ബ്: ശ്രേ​യ​സ് അ​യ്യ​ർ (ക്യാ​പ്റ്റ​ൻ), പ്രി​യാ​ൻ​ഷ് ആ​ര്യ, ജോ​ഷ് ഇം​ഗ്ലി​സ്, നേ​ഹ​ൽ വ​ധേ​ര, മാ​ർ​ക്ക​സ് സ്റ്റോ​യ്നി​സ്, ശ​ശാ​ങ്ക് സി​ങ്, അ​സ്മ​ത്തു​ല്ല ഉ​മ​ർ​സാ​യി, കൈ​ൽ ജാ​മി​സ​ൺ, വൈ​ശാ​ഖ് വി​ജ​യ്കു​മാ​ർ, യു​സ്വേ​ന്ദ്ര ചാ​ഹ​ൽ, അ​ർ​ഷ്ദീ​പ് സി​ങ്.

ആ​ര് ജ​യി​ച്ചാ​ലും അ​വ​രു​ടെ ക​ന്നി​ക്കി​രീ​ട​മാ​യി​രി​ക്കു​മെ​ന്ന പ്ര​ത്യേ​ക​ത​ ഇ​ത്ത​വ​ണ​ത്തെ കി​രീ​ട​പ്പോ​രാ​ട്ട​ത്തി​നു​ണ്ട്. മു​മ്പ് ഫൈ​ന​ലി​ലെ​ത്തി​യ​പ്പോ​ൾ റ​ണ്ണ​റ​പ്പാ​വാ​നാ​യി​രു​ന്നു ര​ണ്ട് കൂ​ട്ട​രു​ടെ​യും വി​ധി. ര​ജ​ത് പാ​ട്ടി​ദാ​ർ ന​യി​ക്കു​ന്ന ആ​ർ.​സി.​ബി​യും ശ്രേ​യ​സ് അ​യ്യ​ർ​ക്ക് കീ​ഴി​ൽ ഇ​റ​ങ്ങു​ന്ന പ​ഞ്ചാ​ബും ലീ​ഗ് റൗ​ണ്ടി​ൽ മി​ക​ച്ച പ്ര​ക​ട​നം കാ​ഴ്ച​വെ​ച്ച​വ​രാ​ണ്. ഇ​രു ടീ​മി​നും 19 വീ​തം പോ​യ​ന്റാ​ണ് ല​ഭി​ച്ച​ത്. റ​ൺ​റേ​റ്റ് ബ​ല​ത്തി​ൽ പ​ഞ്ചാ​ബ് ഒ​ന്നും ആ​ർ.​സി.​ബി ര​ണ്ടും സ്ഥാ​ന​ങ്ങ​ളി​ലെ​ത്തി.

ഒ​ന്നാം ക്വാ​ളി​ഫ​യ​റി​ൽ പ​ഞ്ചാ​ബി​നെ​തി​രെ വ​ൻ ജ​യ​വു​മാ​യി ആ​ർ.​സി.​ബി നേ​രി​ട്ട് ഫൈ​ന​ലി​ൽ. അ​യ്യ​രും കൂ​ട്ട​രു​മാ​വ​ട്ടെ അ​ടു​ത്ത അ​വ​സ​ര​മാ​യി കി​ട്ടി​യ ര​ണ്ടാം ക്വാ​ളി​ഫ​യ​റി​ൽ മും​ബൈ ഇ​ന്ത്യ​ൻ​സി​നെ ത​രി​പ്പ​ണ​മാ​ക്കി കി​രീ​ട​ത്തി​ന​രി​കി​ലേ​ക്ക്. ഇ​ന്ത്യ​യു​ടെ സൂ​പ്പ​ർ ബാ​റ്റ​റാ​യ വി​രാ​ട് കോ​ഹ്‌​ലി ക​ളി​ക്കു​ന്ന​ത് 18ാം സീ​സ​ണാ​ണ്. അ​താ​യ​ത് ഐ.​പി.​എ​ല്ലി​ന്റെ തു​ട​ക്കം മു​ത​ൽ കോ​ഹ്‌​ലി ക​ള​ത്തി​ലു​ണ്ട്. മാ​ത്ര​മ​ല്ല അ​ന്നു​തൊ​ട്ട് ഇ​ന്നോ​ളം ഒ​റ്റ ടീ​മി​ന്റെ ജ​ഴ്സി​യേ താ​രം അ​ണി​ഞ്ഞി​ട്ടു​ള്ളൂ. ഐ.​പി.​എ​ല്ലി​ലെ മാ​ത്ര​മ​ല്ല ആ​ഭ്യ​ന്ത​ര ക്രി​ക്ക​റ്റ് ലീ​ഗു​ക​ളി​ലേ ത​ന്നെ അ​പൂ​ർ​വ​ത​യാ​ണി​ത്.

ഇ​ന്ത്യ​ക്കാ​യി ഏ​ക​ദി​ന, ട്വ​ന്റി 20 ലോ​ക​കി​രീ​ട​ങ്ങ​ളെ​ല്ലാം നേ​ടി​യി​ട്ടു​ള്ള കോ​ഹ്‌​ലി​ക്ക് പ​ക്ഷെ ഐ.​പി.​എ​ൽ ട്രോ​ഫി ഇ​നി​യും മ​രീ​ചി​ക​യാ​ണ്. മു​മ്പ് മൂ​ന്ന് ത​വ​ണ ഫൈ​ന​ലി​ൽ ക​ളി​ച്ചി​ട്ടും ക​പ്പി​ൽ തൊ​ടാ​നാ​യി​ട്ടി​ല്ല. ട്വ​ന്റി 20യി​ലും ടെ​സ്റ്റി​ൽ​നി​ന്നും വി​ര​മി​ച്ച കോ​ഹ്‌​ലി സ​മീ​പ​ഭാ​വി​യി​ൽ ഏ​ക​ദി​ന​വും മ​തി​യാ​ക്കു​മെ​ന്നു​റ​പ്പാ​ണ്. ഐ.​പി.​എ​ല്ലി​ലും പി​ന്നെ അ​ധി​ക​നാ​ൾ ക​ണ്ടെ​ന്നു വ​രി​ല്ല. പ്രീ​മി​യ​ർ ലീ​ഗ് കി​രീ​ട​മി​ല്ലാ​ത്ത രാ​ജാ​വാ​യി കി​ങ് കോ​ഹ്‌​ലി വി​ര​മി​ക്ക​രു​തെ​ന്നാ​ണ് ആ​രാ​ധ​ക​രു​ടെ ആ​ഗ്ര​ഹം.

ക​ഴി​ഞ്ഞ വ​ർ​ഷം കൊ​ൽ​ക്ക​ത്ത നൈ​റ്റ് റൈ​ഡേ​ഴ്സി​നെ ചാ​മ്പ്യ​ന്മാ​രാ​ക്കി​യ നാ​യ​ക​നാ​ണ് ശ്രേ​യ​സ് അ​യ്യ​ർ. എ​ന്നാ​ൽ, കൊ​ൽ​ക്ക​ത്ത ശ്രേ​യ​സി​നെ ഇ​ക്കു​റി നി​ല​നി​ർ​ത്തി​യി​ല്ല. മെ​ഗാ ലേ​ല​ത്തി​ലൂ​ടെ പ​ഞ്ചാ​ബ് കി​ങ്സി​ലെ​ത്തി​യ താ​ര​ത്തെ ക്യാ​പ്റ്റ​നു​മാ​ക്കി. ആ ​തീ​രു​മാ​നം ശ​രി​വെ​ച്ച് നാ​യ​ക​നെ​ന്ന നി​ല​യി​ലും ബാ​റ്റ​റാ​യും ത​ക​ർ​പ്പ​ൻ പ്ര​ക​ട​നം ന​ട​ത്തു​ക​യാ​ണ് ശ്രേ​യ​സ്. 2020ൽ ​ഡ​ൽ​ഹി കാ​പി​റ്റ​ൽ​സി​നെ​യും 24ൽ ​കൊ​ൽ​ക്ക​ത്ത​യെ​യും ഇ​ക്കു​റി പ​ഞ്ചാ​ബി​നെ​യും ഫൈ​ന​ലി​ലേ​ക്ക് ന​യി​ച്ചു. 2020ൽ ​കി​രീ​ടം ല​ഭി​ച്ചി​ല്ലെ​ങ്കി​ലും പ​ഞ്ചാ​ബ് ജേ​താ​ക്ക​ളാ​യാ​ൽ തു​ട​ർ​ച്ച​യാ​യ ര​ണ്ട് സീ​സ​ണു​ക​ളി​ൽ വെ​വ്വേ​റെ ടീ​മു​ക​ളു​ടെ ക​പ്പു​യ​ർ​ത്തു​ന്ന ക്യാ​പ്റ്റ​നാ​വും ശ്രേ​യ​സ്.