ഗുസ്തിതാരങ്ങളുടെ സമരം: 1983ലെ ലോകകപ്പ് ടീമിന്റെ പ്രസ്താവനയുമായി ബന്ധമില്ലെന്ന് ടീമംഗം ബിന്നി

ന്യൂ​ഡ​ൽ​ഹി: ലൈം​ഗി​ക പീ​ഡ​ന കേ​സി​ല്‍ ഗു​സ്തി ഫെ​ഡ​റേ​ഷ​ന്‍ പ്ര​സി​ഡ​ന്‍റും ബി.​ജെ.​പി എം.​പി​യു​മാ​യ ബ്രി​ജ് ഭൂ​ഷ​ൺ സി​ങ്ങി​നെ​തി​രെ ന​ട​പ​ടി​യാ​വ​ശ്യ​പ്പെ​ട്ട് സ​മ​ര​ത്തി​ലു​ള്ള ഗു​സ്തി താ​ര​ങ്ങ​ൾ​ക്ക് പി​ന്തു​ണ പ്ര​ഖ്യാ​പി​ച്ചി​ട്ടി​ല്ലെ​ന്ന് മു​ൻ താ​രം റോ​ജ​ർ ബി​ന്നി. ഗു​സ്തി താ​ര​ങ്ങ​ൾ​ക്ക് 1983ല്‍ ​ക്രി​ക്ക​റ്റ് ലോ​ക​ക​പ്പ് നേ​ടി​യ ടീ​മി​ലെ താ​ര​ങ്ങ​ള്‍ പി​ന്തു​ണ പ്ര​ഖ്യാ​പി​ച്ച​താ​യി അ​ന്ന​​ത്തെ ക്യാ​പ്റ്റ​ൻ ക​പി​ൽ ദേ​വ് അ​റി​യി​ച്ചി​രു​ന്നു. ത​നി​ക്ക് പ​ങ്കി​ല്ലെ​ന്ന് ബി.​സി.​സി.​ഐ പ്ര​സി​ഡ​ന്റ് കൂ​ടി​യാ​യ റോ​ജ​ര്‍ ബി​ന്നി വ്യ​ക്ത​മാ​ക്കി. പ്ര​സ്താ​വ​ന ഇ​റ​ക്കി​യി​ട്ടി​ല്ലെ​ന്നും ബി​ന്നി പ​റ​ഞ്ഞു.

സ​മ​ര​ത്തി​ന് പ​രി​ഹാ​രം കാ​ണാ​ന്‍ അ​ധി​കൃ​ത​ര്‍ ന​ട​പ​ടി സ്വീ​ക​രി​ക്കു​മെ​ന്നാ​ണ് ക​രു​തു​ന്ന​തെ​ന്നും സ്പോ​ര്‍ട്സും രാ​ഷ്ട്രീ​യ​വും ത​മ്മി​ല്‍ കൂ​ട്ടി​ക്കു​ഴ​ക്ക​രു​തെ​ന്നാ​ണ് ഒ​രു മു​ന്‍ ക്രി​ക്ക​റ്റ് താ​ര​മെ​ന്ന നി​ല​യി​ല്‍ ത​ന്‍റെ നി​ല​പാ​ടെ​ന്നും ബി​ന്നി വ്യ​ക്ത​മാ​ക്കി. ’83ൽ ​കി​രീ​ടം നേ​ടി​യ താ​ര​ങ്ങ​ളു​​ടെ വാ​ട്സ്ആ​പ് ഗ്രൂ​പ്പി​ൽ സു​നി​ൽ ഗ​വാ​സ്ക​റും ക​പി​ൽ ദേ​വു​മാ​ണ് ഗു​സ്തി താ​ര​ങ്ങ​ളെ പി​ന്തു​ണ​ച്ച് പ്ര​സ്താ​വ​ന ഇ​റ​ക്ക​ണ​മെ​ന്ന് അ​ഭി​​പ്രാ​യ​പ്പെ​ട്ട​ത്. താ​ര​ങ്ങ​ളെ തെ​രു​വി​ലൂ​ടെ വ​ലി​ച്ചി​ഴ​ച്ച​ത് ഏ​റെ ദുഃ​ഖ​ക​ര​മാ​ണെ​ന്നും മെ​ഡ​ൽ ഗം​ഗ​യി​ൽ ഒ​ഴു​ക്കാ​നു​ള്ള നീ​ക്കം പോ​ലെ​യു​ള്ള ക​ടു​ത്ത ന​ട​പ​ടി​ക​ളി​ലേ​ക്ക് താ​ര​ങ്ങ​ള്‍ പോ​ക​രു​തെ​ന്നും ക്രി​ക്ക​റ്റ് താ​ര​ങ്ങ​ള്‍ പ്ര​സ്താ​വ​ന​യി​ല്‍ ആ​വ​ശ്യ​പ്പെ​ട്ടി​രു​ന്നു.