ഋഷഭ്​ പന്തിന്​ കോവിഡ്​; ബ്രിട്ടനിൽ ടീമിനൊപ്പം ചേരില്ല

ലണ്ടൻ: ഇന്ത്യയുടെ വിക്കറ്റ്​കീപർ ബാറ്റ്​സ്​മാൻ ഋഷഭ്​ പന്തിന്​ കോവിഡ്​. അഞ്ച്​ ടെസ്റ്റുകളടങ്ങിയ പരമ്പരക്കായി ഇംഗ്ലണ്ടിലെത്തിയ ഇന്ത്യൻ ടീമിൽ ഉണ്ടായിരുന്ന താരം ​ഐസൊലേഷനിലായതിനാൽ കളിക്ക്​ മുന്നോടിയായി ഡർഹാമിലേക്ക്​ പോകുന്ന സഹതാരങ്ങൾക്കൊപ്പം ചേരില്ല. ഒരു ഇന്ത്യൻ ക്രിക്കറ്റർക്ക്​ കോവിഡ്​ സ്​ഥിരീകരിച്ചതായി നേരത്തെ വാർത്ത പുറത്തുവന്നിരുന്നു. താരത്തിന്‍റെ പേരു മാത്രം പുറത്തുവിട്ടിരുന്നില്ല. ഇതാണ്​ ഋഷഭ്​ പന്താണെന്ന്​ ബി.സി.സി.ഐ സ്​ഥിരീകരിച്ചത്​. എട്ടു ദിവസമായി താരം ഐസൊലേഷനിലാണെന്നും എന്നുമുതൽ ടീമിനൊപ്പം ചേരുമെന്ന്​ പറയാനാകില്ലെന്നും ക്രിക്കറ്റ്​ ബോർഡ്​ പറഞ്ഞു.

ന്യൂസിലൻഡിൽ കഴിഞ്ഞ മാസം ലോക ചാമ്പ്യൻഷിപ്പ്​ ഫൈനൽ കഴിഞ്ഞ്​ രണ്ടാഴ്ച വിശ്രമത്തിലായിരുന്നു ടീം. അതിനിടെയാണ്​ ഋഷഭിന്​ രോഗം കണ്ടെത്തിയത്​. 23 അംഗ ടീമിലെ മറ്റുള്ളവരിൽ ഒരാളുമായും താരത്തിന്​ സമ്പർക്കമുണ്ടായിട്ടില്ലെന്നും അതിനാൽ മറ്റുള്ളവരെ ബാധിച്ചെന്ന്​ കരുതേണ്ടതില്ലെന്നും ബി.സി.സി.ശഎ വൈസ്​ പ്രസിഡന്‍റ്​ രാജീവ്​ ശുക്ല പറഞ്ഞു.

കോവിഡ്​ ഡെൽറ്റ വകഭേദമാണ്​ ഋഷഭിന്​ വന്നതെന്നാണ്​ സൂചന.