രഞ്ജി ട്രോഫി: ത​ക​ർ​ത്ത​ടി​ച്ച് കേ​ര​ളം, എ​ട്ടി​ന് 454

രാ​ജ്കോ​ട്ട്: ര​ഞ്ജി ട്രോ​ഫി എ​ലീ​റ്റ് 'എ' ​ഗ്രൂ​പ്പി​ൽ മേ​ഘാ​ല​യ​ക്കെ​തി​രെ കേ​ര​ളം വ​ൻ ലീ​ഡി​ലേ​ക്ക്. രോ​ഹ​ൻ കു​ന്നു​മ്മ​ലി​നു പി​ന്നാ​ലെ സ​ഹ​ഓ​പ​ണ​ർ പി. ​രാ​ഹു​ലും (147) ശ​ത​കം നേ​ടി​യ​തോ​ടെ ര​ണ്ടാം ദി​നം ക​ളി നി​ർ​ത്തു​മ്പോ​ൾ കേ​ര​ളം ഒ​ന്നാ​മി​ന്നി​ങ്സി​ൽ എ​ട്ടു വി​ക്ക​റ്റ് ന​ഷ്ട​ത്തി​ൽ 454 റ​ൺ​സെ​ടു​ത്തു. വ​ത്സ​ൽ ഗോ​വി​ന്ദി​ന്റെ​യും (പു​റ​ത്താ​വാ​തെ 76) ക്യാ​പ്റ്റ​ൻ സ​ചി​ൻ ബേ​ബി​യു​ടെ​യും (56) ഇ​ന്നി​ങ്സു​ക​ളും കേ​ര​ള​ത്തി​ന് ക​രു​ത്തു പ​ക​ർ​ന്നു. 306 റ​ൺ​സ് മു​ന്നി​ലാ​ണ് കേ​ര​ളം.

ക​ഴി​ഞ്ഞ​ദി​വ​സം 91 റ​ൺ​സു​മാ​യി ക്രീ​സി​ലു​ണ്ടാ​യി​രു​ന്ന രാ​ഹു​ൽ 239 പ​ന്തി​ൽ ഒ​രു സി​ക്സും 17 ഫോ​റു​മ​ട​ക്ക​മാ​ണ് 147ൽ ​എ​ത്തി​യ​ത്. ജ​ല​ജ് സ​ക്സേ​ന (10) പെ​ട്ടെ​ന്ന് മ​ട​ങ്ങി​യെ​ങ്കി​ലും സ​ചി​ൻ ബേ​ബി​യെ കൂ​ട്ടു​പി​ടി​ച്ച് രാ​ഹു​ൽ ഇ​ന്നി​ങ്സ് മു​ന്നോ​ട്ടു​ന​യി​ച്ചു.

ബേ​ബി​യും അ​ധി​കം​ വൈ​കാ​തെ രാ​ഹു​ലും പി​റ​കെ വി​ഷ്ണു വി​നോ​ദും (4) പു​റ​ത്താ​യെ​ങ്കി​ലും വ​ത്സ​ൽ കീ​ഴ​ട​ങ്ങാ​ൻ ഒ​രു​ക്ക​മാ​യി​രു​ന്നി​ല്ല. സി​ജോ​മോ​ൻ ജോ​സ​ഫി​നെ​യും (21) മ​നു​കൃ​ഷ്ണ​നെ​യും (11) കൂ​ട്ടു​പി​ടി​ച്ച് വ​ത്സ​ൽ ലീ​ഡു​യ​ർ​ത്തി. സി​ജോ​മോ​നും മ​നു​കൃ​ഷ്ണ​നും മ​ട​ങ്ങി​യ​ശേ​ഷം ബേ​സി​ൽ ത​മ്പി​യും (8) വ​ത്സ​ലി​ന് കൂ​ട്ടു​ന​ൽ​കി.

ഒ​രു ട്രി​പ്​​ൾ; ര​ണ്ടു ഡ​ബ്​​ൾ

കൊ​ൽ​ക്ക​ത്ത/​അ​ഹ്മ​ദാ​ബാ​ദ്: ര​ഞ്ജി ട്രോ​ഫി​യു​ടെ ര​ണ്ടാം ദി​നം ട്രി​പ്ൾ സെ​ഞ്ച്വ​റി​യും ഡ​ബ്​​ൾ സെ​ഞ്ച്വ​റി​ക​ളും പി​റ​ന്നു. പ്ലേ​റ്റ് ഗ്രൂ​പ്പി​ൽ മി​സോ​റ​മി​നെ​തി​രാ​യ ക​ളി​യി​ൽ ബി​ഹാ​റി​ന്റെ ശാ​കി​ബു​ൽ ഗ​നി​യാ​ണ് (341) ​ട്രി​പ്ൾ സെ​ഞ്ച്വ​റി​യ​ടി​ച്ച​ത്. ഇ​തേ ക​ളി​യി​ൽ ബി​ഹാ​റി​ന്റെ ബാ​ബു​ൽ കു​മാ​ർ (229*) ഇ​ര​ട്ട സെ​ഞ്ച്വ​റി​യും കു​റി​ച്ചു. എ​ലീ​റ്റ് ഗ്രൂ​പ് 'ഡി'​യി​ൽ സൗ​രാ​ഷ്ട്ര​ക്കെ​തി​രെ മും​ബൈ​യു​ടെ സ​ർ​ഫ​റാ​സ് ഖാ​ൻ (275) ആ​ണ് ഡ​ബ്​​ൾ സെ​ഞ്ച്വ​റി നേ​ടി​യ​ത്.