ര​ഞ്ജി​ട്രോ​ഫി: സച്ചിൻ കാത്തു; കേരളം - കർണാടക മത്സരം സമനിലയിൽ

തി​രു​വ​ന​ന്ത​പു​രം: സ​ച്ചി​ൻ ബേ​ബി (109 പ​ന്തി​ൽ 37 റ​ൺ​സ് ) ഒ​രി​ക്ക​ൽ കൂ​ടി ര​ക്ഷ​ക​നാ​യ​പ്പോ​ൾ ശ​ക്ത​രാ​യ ക​ർ​ണാ​ട​ക​ക്കെ​തി​രെ ര​ഞ്ജി​ട്രോ​ഫി​യി​ൽ കേ​ര​ളം സ​മ​നി​ല പി​ടി​ച്ചു. സ​മ​നി​ല​യി​ലൂ​ടെ ക​ർ​ണാ​ട​ക ഗ്രൂ​പ്​ ചാ​മ്പ്യ​ൻ സ്ഥാ​നം നി​ല​നി​ർ​ത്തി ക്വാ​ർ​ട്ട​ർ ഉ​റ​പ്പി​ച്ച​പ്പോ​ൾ കേ​ര​ള​ത്തി​ന്‍റെ സാ​ധ്യ​ത പ​രു​ങ്ങ​ലി​ലാ​യി. ആ​ദ്യ ഇ​ന്നി​ങ്​​സി​ൽ ലീ​ഡ്​ നേ​ടി​യ​തി​നെ തു​ട​ർ​ന്ന്​ മൂ​ന്ന്​ പോ​യ​ന്‍റ്​ ല​ഭി​ച്ച ക​ർ​ണാ​ട​ക 29 പോ​യ​ന്‍റു​മാ​യാ​ണ്​ എ​ലൈ​റ്റ്​ സി ​ഗ്രൂ​പ്പി​ൽ ഒ​ന്നാ​മ​​തെ​ത്തി ക്വാ​ർ​ട്ട​ർ ഉ​റ​പ്പി​ച്ച​ത്. ഈ ​മ​സ​ത​ര​ത്തി​ൽ ഒ​രു പോ​യ​ന്‍റ്​ ല​ഭി​ച്ചെ​ങ്കി​ലും 20 പോ​യ​ന്‍റോ​ടെ കേ​ര​ളം നാ​ലാം​സ്ഥാ​ന​ത്തേ​ക്ക്​ പി​ന്ത​ള്ള​പ്പെ​ട്ടു. പു​തു​ച്ചേ​രി​യു​മാ​യു​ള്ള അ​വ​സാ​ന മ​ത്സ​ര​ത്തി​ൽ വ​മ്പ​ൻ ജ​യം നേ​ടി​യാ​ലും ക്വാ​ർ​ട്ട​ർ സാ​ധ്യ​ത സം​ശ​യ​ത്തി​ലാ​ണ്. 23 പോ​യ​ന്‍റു​മാ​യി ഝാ​ർ​ഖ​ണ്ഡാ​ണ്​ ഗ്രൂ​പ്പി​ൽ ര​ണ്ടാം സ്ഥാ​ന​ത്ത്. 20 പോ​യ​ന്‍റു​ള്ള രാ​ജ​സ്ഥാ​ൻ റ​ൺ​റേ​റ്റി​ന്‍റെ അ​ടി​സ്ഥാ​ന​ത്തി​ൽ മൂ​ന്നാം സ്ഥാ​ന​ത്തു​ണ്ട്.

ആ​ദ്യ ഇ​ന്നി​ങ്​​സി​ൽ ലീ​ഡ്​ വ​ഴ​ങ്ങി​യ കേ​ര​ളം ര​ണ്ടാം ഇ​ന്നി​ങ്​​സി​ലെ ബാ​റ്റി​ങ്​ ത​ക​ർ​ച്ച​യി​ലൂ​ടെ ഇ​ന്നി​ങ്​​സ്​ പ​രാ​ജ​യ​ത്തി​ലേ​ക്ക്​ കൂ​പ്പു​കു​ത്തു​മെ​ന്ന്​ ക​രു​തി​യ​പ്പോ​ഴാ​ണ്​ ഒ​രു​വ​ശ​ത്ത്​ മ​തി​ൽ പോ​ലെ നി​ന്ന്​ സ​ച്ചി​ൻ ബേ​ബി മ​ത്സ​രം സ​മ​നി​ല​യി​ലാ​ക്കി​യ​ത്. കേ​ര​ള​ത്തി​ന്‍റെ ഒ​ന്നാം ഇ​ന്നി​ങ്​​സ്​ സ്​​കോ​റാ​യ 342 പി​ന്തു​ട​ർ​ന്ന്​ അ​വ​സാ​ന​ദി​വ​സം ആ​റി​ന്​ 410 എ​ന്ന സ്​​കോ​റി​ൽ ക​ളി ആ​രം​ഭി​ച്ച ക​ർ​ണാ​ട​ക ഒ​മ്പ​തി​ന്​ 485ന്​ ​​ഡി​ക്ല​യ​ർ ചെ​യ്​​തു. അ​ർ​ധ​സെ​ഞ്ച്വ​റി നേ​ടി​യ ബി.​ആ​ർ. ശ​ര​ത്തി​ന്‍റെ​യും (53) ശു​ഭം​ഗ് ഹെ​ഗ്​​ഡെ​യുടെയും (50) ബാ​റ്റി​ങ്​ മി​ക​വാ​ണ്​ സ​ന്ദ​ർ​ശ​ക​രെ മി​ക​ച്ച സ്​​കോ​റി​ൽ എ​ത്തി​ച്ച​ത്. ​

കേ​ര​ള​ത്തി​ന്​ വേ​ണ്ടി വൈ​ശാ​ഖ്​ ച​ന്ദ്ര​ൻ മൂ​ന്നും നി​ധീ​ഷ്, ജ​ല​ജ്​ സ​ക്​​സേ​ന എ​ന്നി​വ​ർ ര​ണ്ട്​ വീ​ത​വും അ​ക്ഷ​യ്​ ച​ന്ദ്ര​ൻ, സി​ജോ​മോ​ൻ ജോ​സ​ഫ്​ എ​ന്നി​വ​ർ ഓ​രോ വി​ക്ക​റ്റും തേ​ടി. രണ്ടാം ഇന്നിങ്സിൽ ര​ണ്ട്​ റ​ൺ​സ്​ ചേ​ർ​ക്കു​ന്ന​തി​നി​ടെ റ​ണ്ണൊ​ന്നും എ​ടു​ക്കും മു​മ്പ്​ ഓ​പ​ണ​ർ രോ​ഹ​ൻ കു​ന്നു​മ്മ​ലി​നെ മ​ട​ക്കി വി.​ബി. വൈ​ശാ​ഖ്​ ക​ർ​ണാ​ട​ക​ക്ക്​ പ്ര​തീ​ക്ഷ ന​ൽ​കി. 26 റ​ൺ​സി​ലെ​ത്തി​യ​പ്പോ​ൾ 15 റ​ൺ​സെ​ടു​ത്ത പി. ​രാ​ഹു​ലും 31 ലെ​ത്തി​യ​പ്പോ​ൾ 14 റ​ൺ​സെ​ടു​ത്ത രോ​ഹ​ൻ പ്രേ​മും മ​ട​ങ്ങി​യ​തോ​ടെ കേ​ര​ളം ഇ​ന്നി​ങ്​​സ്​ ​തോ​ൽ​വി​യി​ലേ​ക്ക്​ പോ​കു​മെ​ന്ന ആ​ശ​ങ്ക​യു​ണ്ടാ​യി. എ​ന്നാ​ൽ വ​ത്​​സ​ലു​മാ​യി ചേ​ർ​ന്ന്​ സ​ച്ചി​ൻ ബേ​ബി ക​ർ​ണാ​ട​ക ബൗ​ള​ർ​മാ​രെ പ്ര​തി​രോ​ധി​ച്ചു. 26 റ​ൺ​സു​മാ​യി പു​റ​ത്താ​യ വ​ത്​​​സ​ലു​മാ​യി ചേ​ർ​ന്ന്​ 55 റ​ൺ​സി​ന്‍റെ കൂ​ട്ടു​കെ​ട്ടാ​ണ്​ സ​ച്ചി​നു​യ​ർ​ത്തി​യ​ത്. സ​ൽ​മാ​ൻ നി​സാ​റി​നെ കൂ​ടെ നി​ർ​ത്തി നാ​ലി​ന്​ 96 എ​ന്ന നി​ല​യി​ൽ കേ​ര​ള​ത്തെ എ​ത്തി​ച്ചാ​ണ്​ സ​ച്ചി​ൻ മ​ത്സ​രം സ​മ​നി​ല​യി​ലാ​ക്കി​യ​ത്. ആ​ദ്യ ഇ​ന്നി​ങ്​​സി​ൽ സ​ച്ചി​ൻ ബേ​ബി സെ​ഞ്ച്വ​റി​യോ​ടെ​യാ​ണ്​ കേ​ര​ള​ത്തെ ര​ക്ഷി​ച്ച​ത്. ഇ​ര​ട്ട സെ​ഞ്ച്വ​റി നേ​ട്ടം കൈ​വ​രി​ച്ച ക​ർ​ണാ​ട​ക​ത്തി​ന്‍റെ ക്യാ​പ്​​റ്റ​ൻ മാ​യ​ങ്ക്​ അ​ഗ​ർ​വാ​ളാ​ണ്​ മാ​ൻ ഓ​ഫ്​ ദ ​മാ​ച്ച്.