രഞ്ജി ക്രിക്കറ്റ്; ഉത്സവമാക്കി എസ്​.ഡി കോളജ്​ സ്​റ്റേഡിയം

ആ​ല​പ്പു​ഴ: ഞാ​യ​റാ​ഴ്ച​യി​ലെ അ​വ​ധി ദി​നം ക്രി​ക്ക​റ്റി​ന്റെ ആ​വേ​ശ​ത്തി​നാ​യി മാ​റ്റി​വ​ച്ച്​ ആ​ല​പ്പു​ഴ​യി​ലെ ക്രി​ക്ക​റ്റ്​ പ്രേ​മി​ക​ൾ. കു​ട്ടി​ക​ളും സ്ത്രീ​ക​ളു​മു​ൾ​പ്പെ​ടെ ആ​യി​ര​ത്തി​ലേ​റെ പേ​ർ ക​ളി കാ​ണാ​ൻ രാ​വി​ലെ മു​ത​ൽ എ​സ്.​ഡി. കോ​ള​ജ് സ്റ്റേ​ഡി​യ​ത്തി​ൽ എ​ത്തി.

സ​ഞ്ജു, ബേ​സി​ൽ ത​മ്പി എ​ന്നി​വ​ർ​ക്കാ​യി ജ​യ് വി​ളി​ച്ച കാ​ണി​ക​ൾ സെ​ഞ്ച്വ​റി നേ​ട്ടം കൈ​വ​രി​ച്ച ആ​ര്യ​ൻ ജു​യ​ലി​ന്‍റെ​യും 49 റ​ൺ​സ് നേ​ടി​യ പ്രി​യം ഗാ​ർ​ഗി​ന്റെ പ്ര​ക​ട​ന​ത്തെ​യും ആ​ർ​പ്പു​വി​ളി​യോ​ടെ​യാ​ണ് വ​ര​വേ​റ്റ​ത്. കാ​ണി​ക​ളു​ടെ ജ​യ് വി​ളി​ക​ൾ സ്റ്റേ​ഡി​യ​ത്തി​ൽ ഉ​ത്സ​വ പ്ര​തീ​തി സൃ​ഷ്ടി​ച്ചു.

മു​ൻ ഡി.​ജി.​പി ഹോ​ർ​മീ​സ് ത​ര​ക​ൻ, മു​ൻ കേ​ര​ള ക്യാ​പ്ട​നും ഉ​ത്ത​രാ​ഖ​ണ്ഡ് സെ​ല​ക്ട​റു​മാ​യ ഫി​റോ​സ് വി. ​റ​ഷീ​ദ് ഉ​ൾ​പ്പെ​ടെ പ്ര​മു​ഖ​രും പൊ​രി​വെ​യി​ലി​നെ അ​വ​ഗ​ണി​ച്ച് ക​ളി കാ​ണാ​നു​ണ്ടാ​യി​രു​ന്നു. കേ​ര​ള ക്രി​ക്ക​റ്റ് ടീം ​താ​രം എം.​ഡി. നി​ധീ​ഷി​ന്റെ മാ​താ​പി​താ​ക്ക​ളും ഭാ​ര്യ​യും കു​ഞ്ഞും സ​ഹോ​ദ​ര​നും കു​ടും​ബ​വു​മെ​ല്ലാം ക​ളി കാ​ണാ​ൻ എ​ത്തി. കേ​ര​ള താ​രം ബേ​സി​ൽ ത​മ്പി​യു​ടെ സു​ഹൃ​ത്തു​ക്ക​ളു​ടെ ഒ​രു വ​ൻ നി​ര ത​ന്നെ സ്‌​റ്റേ​ഡി​യ​ത്തി​ലു​ണ്ടാ​യി​രു​ന്നു.

ബേ​സി​ൽ ഓ​രോ പ​ന്ത് എ​റി​യു​മ്പോ​ഴും അ​വ​ർ ഉ​റ​ക്കെ ആ​വേ​ശം കൊ​ണ്ടു. ത​നി​ക്ക് മാ​ത്ര​മ​ല്ല നി​ധീ​ഷി​നും പി​ന്തു​ണ കൊ​ടു​ക്ക​ണ​മെ​ന്ന് ബേ​സി​ൽ ആ​വ​ശ്യ​പ്പെ​ടു​ന്ന​തും കാ​ണാ​മാ​യി​രു​ന്നു.

മഹേശ്വൻ ഹാപ്പിയാണ്;​ സഞ്ജുവിനെ കണ്ടു, സമ്മാനമായി തൊപ്പിയും കിട്ടി

ആ​ല​പ്പു​ഴ: സ​ഞ്ജു​വി​നെ ഒ​ന്ന് കാ​ണ​ണം പ​റ്റു​മെ​ങ്കി​ൽ ഒ​പ്പം നി​ന്നൊ​രു ഫോ​ട്ടോ​യെ​ടു​ക്ക​ണം. ഈ ​ആ​ഗ്ര​ഹ​വു​മാ​യാ​ണ് ഭി​ന്ന​ശേ​ഷി​ക്കാ​ര​നാ​യ കെ.​പി. മ​ഹേ​ശ്വ​ൻ കൊ​ല്ല​ത്ത് നി​ന്നും അ​മ്മ​ക്കൊ​പ്പം ആ​ല​പ്പു​ഴ​യി​ലേ​ക്ക് ബ​സ് ക​യ​റി​യ​ത്. എ​ന്നാ​ൽ ഒ​രു പൂ ​ചോ​ദി​ച്ച​പ്പോ​ൾ ഒ​രു പൂ​ക്കാ​ലം കി​ട്ടി​യ​തി​ന്റെ സ​ന്തോ​ഷ​വു​മാ​യി​ട്ടാ​ണ് ആ 33​കാ​ര​ൻ മ​ട​ങ്ങി​യ​ത്. കു​ട്ടി​ക്കാ​ലം മു​ത​ൽ ക്രി​ക്ക​റ്റി​നെ സ്നേ​ഹി​ക്കു​ന്ന മ​ഹേ​ശ്വ​ന് ഊ​ന്ന് വ​ടി​യു​ടെ സ​ഹാ​യ​മി​ല്ലാ​തെ ഒ​ന്ന് നി​ൽ​ക്കാ​ൻ പോ​ലും ക​ഴി​യി​ല്ല. എ​ന്നാ​ലും ക്രി​ക്ക​റ്റി​നോ​ട് അ​ട​ങ്ങാ​ത്ത ആ​വേ​ശ​മാ​ണ്. പ്ര​ത്യേ​കി​ച്ചും സ​ഞ്ജു സാം​സ​ണോ​ട്.

മു​മ്പ് വീ​രേ​ന്ദ​ർ സേ​വാ​ഗാ​യി​രു​ന്നു ഇ​ഷ്ട​താ​രം. സ​ഞ്ജു​വി​ന്റെ ബാ​റ്റി​ങ്ങ് നേ​രി​ൽ കാ​ണ​ണം എ​ന്ന​ത് വ​ലി​യ ആ​ഗ്ര​ഹ​മാ​യി​രു​ന്നു. അ​ങ്ങ​നെ​യാ​ണ് മാ​താ​വ് കെ.​വി. മ​ണി​ക്കൊ​പ്പം കൊ​ല്ല​ത്തെ മ​ന​യി​ൽ​ക്കു​ള​ത്ത് നി​ന്ന് കേ​ര​ള - ഉ​ത്ത​ർ​പ്ര​ദേ​ശ് ര​ഞ്ജി മ​ത്സ​രം കാ​ണാ​ൻ ആ​ല​പ്പു​ഴ​ക്കെ​ത്തി​യ​ത്. സ്റ്റേ​ഡി​യ​ത്തി​ൽ എ​ത്തി​യ​പ്പോ​ൾ സം​ഘാ​ട​ക​ർ പ്ര​സ് ഗ്യാ​ല​റി​ക്ക് സ​മീ​പം ക​സേ​ര​യും ന​ൽ​കി. തൊ​ട്ട് മു​ന്നി​ൽ സ​ഞ്ജു ഫീ​ൽ​ഡ് ചെ​യ്യു​ന്ന​ത് ക​ണ്ട​തോ​ടെ മ​ഹേ​ശ്വ​ൻ ആ​വേ​ശ​ത്തി​ലാ​യി. എ​ന്നാ​ൽ ചി​ത്ര​മെ​ടു​ക്കാ​നു​ള്ള ആ​ഗ്ര​ഹം ന​ട​ന്നി​ല്ല.

ഉ​ച്ച ഭ​ക്ഷ​ണ​ത്തി​ന് പി​രി​ഞ്ഞ​പ്പോ​ൾ വി​ക്ക​റ്റ് കീ​പ്പ​ർ ബാ​റ്റ​ർ വി​ഷ്ണു വി​നോ​ദ് അ​രി​കി​ലെ​ത്തി മ​ഹേ​ശ്വ​റു​മാ​യി സൗ​ഹൃ​ദം പ​ങ്കി​ട്ടു. അ​പ്പോ​ഴും സ​ഞ്ജു​വി​നെ കാ​ണ​ണ​മെ​ന്ന ആ​ഗ്ര​ഹം അ​യാ​ൾ ആ​വ​ർ​ത്തി​ച്ചു. തു​ട​ർ​ന്ന് ടീ ​ബ്രേ​ക്കി​ന്റെ ഇ​ട​വേ​ള​യി​ൽ സ​ഞ്ജു മ​ഹേ​ശ്വ​ന്റെ അ​രി​കി​ലെ​ത്തി ഫോ​ട്ടോ​യും എ​ടു​ത്ത് സ​മ്മാ​ന​മാ​യി രാ​ജ​സ്ഥാ​ൻ റോ​യ​ൽ​സി​ന്റെ തൊ​പ്പി​യും ന​ൽ​കി​യ​തോ​ടെ മ​ഹേ​ശ്വ​ൻ ഹാ​പ്പി. മ​ക​ന്റെ സ​ന്തോ​ഷം ക​ണ്ട് മാ​താ​വ് മ​ണി​ക്കും ഇ​ര​ട്ടി സ​ന്തോ​ഷം. സ​ഞ്ജു​വി​നെ കാ​ണാ​തെ പോ​യി​രു​ന്നെ​ങ്കി​ൽ മ​ക​ൻ വി​ഷ​മി​ച്ചേ​നേ​യെ​ന്ന് അ​വ​ർ പ​റ​ഞ്ഞു.

തൃ​ശൂ​ർ ചേ​ർ​പ്പ് പു​ത്ര​ക്ക​ൽ കോ​ര​പ്പ​റ്റി​ൽ പു​ഷ്പ​ൻ - മ​ണി ദ​മ്പ​തി​ക​ളു​ടെ മ​ക​നാ​യ മ​ഹേ​ശ്വ​ന് 22 വ​യ​സ് വ​രെ കി​ട​ക്ക​യി​ൽ നി​ന്നും എ​ണീ​റ്റ് ന​ട​ക്കാ​ൻ ക​ഴി​യാ​ത്ത അ​വ​സ്ഥ​യാ​യി​രു​ന്നു. മാ​താ​പി​താ​ക്ക​ളു​ടെ ശ്ര​മ​ഫ​ല​മാ​യി ഇ​പ്പോ​ൾ ന​ട​ക്കാ​ൻ സാ​ധി​ക്കും.ത​ന്റെ പ​രി​മി​തി​ക​ളെ അ​തി​ജീ​വി​ച്ച മ​ഹേ​ശ്വ​ൻ ശ്രീ ​നാ​രാ​യ​ണ സെ​ന്റ​ർ ഓ​പ​ൺ യൂ​നി​വേ​ഴ്സി​റ്റി​യി​ലെ കൊ​മേ​ഴ്സ് അ​സി. പ്രൊ​ഫ​സ​റാ​ണ് ഇ​പ്പോ​ൾ. വൈ​കു​ന്നേ​ര​ത്തോ​ടെ ബ​സി​ൽ മ​ഹേ​ശ്വ​ർ കൊ​ല്ല​ത്തേ​ക്ക് മ​ട​ങ്ങി.

കൈ ​കൊ​ടു​ത്തും കു​ശ​ല​മ​ന്വേ​ഷി​ച്ചും സ​ഞ്ജു​വും കു​ൽ​ദീ​പും കാ​ണി​ക​ൾ​ക്കി​ട​യി​ൽ

ആ​ല​പ്പു​ഴ: കാ​ണി​ക​ൾ​ക്കി​ട​യി​ലേ​ക്കി​റ​ങ്ങി അ​വ​ർ​ക്ക് കൈ ​കൊ​ടു​ത്തും കു​ശ​ലം അ​ന്വേ​ഷി​ച്ചും ഓ​ട്ടോ​ഗ്രാ​ഫു​ക​ൾ ന​ൽ​കി​യും ആ​വേ​ശ​ത്തി​ര​യി​ള​ക്കി സ​ഞ്ജു സാം​സ​ണും കു​ൽ​ദീ​പും വെ​ളി​ച്ച​ക്കു​റ​വ് മൂ​ലം മൂ​ന്നാം ദി​ന​ത്തെ മ​ത്സ​രം നേ​ര​ത്തെ അ​വ​സാ​നി​പ്പി​ച്ച​തോ​ടെ ബൗ​ണ്ട​റി ലെ​യ്നി​ലേ​ക്ക് കാ​ണി​ക​ൾ ഓ​ടി​ക്കൂ​ടി.

സ്റ്റേ​ഡി​യ​ത്തി​ൽ നി​ന്നും പ​വ​ലി​യ​നി​ലേ​ക്ക് മ​ട​ങ്ങു​ക​യാ​യി​രു​ന്ന സ​ഞ്ജു​വി​നെ അ​ടു​ത്ത് കാ​ണാ​ൻ കാ​ണി​ക​ൾ മു​റ​വി​ളി കൂ​ട്ടി. ഇ​ത് ശ്ര​ദ്ധ​യി​ൽ​പ്പെ​ട്ട സ​ഞ്ജു ഇ​ന്ത്യ​ൻ ടീ​മി​ലെ ത​ന്റെ സ​ഹ​താ​ര​മാ​യ യു.​പി​യു​ടെ കു​ൽ​ദീ​പ് യാ​ദ​വി​നെ​യും കൂ​ട്ടി കാ​ണി​ക​ൾ​ക്ക് അ​രി​കി​ലേ​ക്കെ​ത്തി. കാ​ണി​ക​ളു​ടെ ആ​വേ​ശം ക​ണ്ട് കു​ൽ​ദീ​പ് മ​ട​ങ്ങി. എ​ന്നാ​ൽ സ​ഞ്ജു ത​ന്നെ കാ​ണാ​ൻ കാ​ത്തു നി​ന്ന എ​ല്ലാ​വ​ർ​ക്കും അ​രി​കി​ലെ​ത്തി ഹ​സ്ത​ദാ​നം ചെ​യ്തു. ചി​ല കു​രു​ന്നു​ക​ൾ ഇ​ട്ടി​രു​ന്ന ജ​ഴ്സി​ക​ൾ ഊ​രി അ​തി​ൽ ഓ​ട്ടോ​ഗ്രാ​ഫ് വാ​ങ്ങു​ന്ന​തും കാ​ണാ​മാ​യി​രു​ന്നു. തു​ട​ർ​ന്ന് ഇ​ന്ത്യ​യു​ടെ ഇ​പ്പോ​ഴ​ത്തെ വെ​ടി​ക്കെ​ട്ട് ബാ​റ്റ​ർ റി​ങ്കു സി​ങ്ങി​നെ കാ​ണി​ക​ൾ അ​രി​കി​ലേ​ക്ക് വി​ളി​ച്ചെ​ങ്കി​ലും അ​ദ്ദേ​ഹം എ​ത്തി​യി​ല്ല. റി​ങ്കു ഭാ​യ് എ​ന്ന വി​ളി എ​ങ്ങും മു​ഴ​ങ്ങു​ന്നു​ണ്ടാ​യി​രു​ന്നു. കാ​ണി​ക​ളു​ടെ വി​ഷ​മം തി​രി​ച്ച​റി​ഞ്ഞ്​ കു​ൽ​ദീ​പ് യാ​ദ​വ് വീ​ണ്ടും മ​ട​ങ്ങി​യെ​ത്തി കാ​ണി​ക​ൾ​ക്കൊ​പ്പം സെ​ൽ​ഫി​യെ​ടു​ത്തു.