Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightമൊഞ്ചുള്ള...

മൊഞ്ചുള്ള സെഞ്ച്വറിയുമായി സഞ്​ജു; എന്നിട്ടും വിജയിക്കാൻ യോഗമില്ലാതെ രാജസ്ഥാൻ

text_fields
bookmark_border
മൊഞ്ചുള്ള സെഞ്ച്വറിയുമായി സഞ്​ജു; എന്നിട്ടും വിജയിക്കാൻ യോഗമില്ലാതെ രാജസ്ഥാൻ
cancel

മുംബൈ: വാംഖഡെ സ്​റ്റേഡിയത്തിന്‍റെ പുൽനാമ്പുകളെ കോരിത്തരിപ്പിച്ച്​ സഞ്​ജു സാംസൺ നിറഞ്ഞാടിയിട്ടും വിജയിക്കാൻ യോഗമില്ലാതെ രാജസ്ഥാൻ. പഞ്ചാബ്​ കിങ്​സിന്‍റെ 220 റൺസിന്‍റെ റൺമല താണ്ടിയിറങ്ങിയ രാജസ്ഥാൻ നാലുറൺസകലെ വീഴുകയായിരുന്നു. 63 പന്തിൽ 119 റൺസുമായി ചെയ്യാവുന്നതിന്‍റെ പരമാവധി ചെയ്​തിട്ടും അവസാനപന്തിൽ വിജയത്തിലേക്ക്​ വേണ്ട അഞ്ചുറൺസ്​ നേടാനാകാതെ ദീപക്​ ഹൂഡക്ക്​ പിടികൊടുത്ത്​ സഞ്​ജു തിരികെ നടക്കുകയായിരുന്നു.

രണ്ടാമനായി ബാറ്റിങ്ങിനിറങ്ങിയ സഞ്​ജുവിനെ പുറത്താക്കാൻ പഞ്ചാബ്​ നായകൻ കെ.എൽ രാഹുൽ കൈയ്യിലുള്ള അസ്​ത്രങ്ങളെല്ലാം പുറത്തെടുത്തെങ്കിലും വീഴാതെ ​കളംവാണ മലയാളി താരം എതിരാളികളുടെ പോലും കൈയ്യടിനേടിയാണ്​ തിരിച്ചുനടന്നത്​. ഇടവേളകളിൽ കൂ​ട്ടിനെത്തിയ ജോസ്​ ബട്​ലർ (25), ശിവം ദുബെ (23), റ്യാൻ പരാഗ്​ (25) എന്നിവരെ കൂട്ടുപിടിച്ച്​ സഞ്​ജു സംഹാരതാണ്ഡവമാടുകയായിരുന്നു. വിക്കറ്റിന്​ പിന്നിൽ ഒരു തവണ കെ.എൽ രാഹുലും ഉയർത്തിയടിച്ച പന്ത്​ മായങ്ക്​ അഗർവാളും കൈവിട്ടത്​ സഞ്​ജുവിന്​ തുണയായി. സ്വതസിദ്ധമായ ക്ലാസിക്​ ഷോട്ടുകളാൽ കളം നിറഞ്ഞ സഞ്​ജു നായകനൊത്ത പക്വതയും പ്രകടിച്ചാണ്​ ക്രീസിൽ വാണത്​.


ആദ്യംബാറ്റുചെയ്​ത പഞ്ചാബ് നിശ്ചിത ഓവറിൽ ആറുവിക്കറ്റിന്​ 221 റൺസെടുത്താണ്​ ഇന്നിങ്​സ്​ അവസാനിപ്പിച്ചത്​. സിക്​സറു​കളുടെ മാലപ്പടക്കം തീർത്ത ദീപക്​ ​ഹൂഡ (28 പന്തിൽ 64), ഓപ്പണറായിറങ്ങി അവസാനം വരേയും വെടിക്കെട്ട്​ ബാറ്റിങ്​ തീർത്ത കെ.എൽ രാഹുൽ (50 പന്തിൽ 91), വെറ്ററൻ താരം ക്രിസ്​ ഗെയിൽ (28 പന്തിൽ 40) എന്നിവരുടെ കരുത്തിലാണ്​ പഞ്ചാബ്​ റൺമഴ പെയ്യിച്ചത്​​.

14 റൺസെടുത്ത മായങ്ക്​ അഗർവാളിനെ നിലയുറപ്പിക്കും മു​േമ്പ ചേതൻ സകരിയ മടക്കിയെങ്കിലും രാജസ്ഥാനെ ശ്വാസം വിടാൻ പോലും അനുവദിക്കാതെ രാഹുലും ഗെയ്​ലും അടിതുടങ്ങുകയായിരുന്നു. രാഹുലിന്‍റെ ബാറ്റിൽ നിന്നും അഞ്ച്​ സിക്​സറുകളും ഏഴ്​ ബൗണ്ടറികളും പിറന്നപ്പോൾ രണ്ട്​ സിക്​സറുകളും നാല്​ ബൗണ്ടറികളുമടക്കമായിരുന്നു ഗെയിലിന്‍റെ ഇന്നിങ്​സ്​. ഗെയിൽ വീണതിന്​ ശേഷം ക്രീസിലെത്തിയ ദീപക്​ ഹൂഡ രാജസ്ഥാൻ ബൗളർമാരെ കണക്കിന്​ പ്രഹരിച്ചു. ആറ്​ സിക്​സറും നാലുബൗണ്ടറികളും സഹിതമുള്ള ഹൂഡയുടെ ബാറ്റിങ്​ രാജസ്ഥാനെ ഉൾക്കിടിലം ​കൊള്ളിച്ചു.


നാലോവറിൽ 31 റൺസിന്​ മൂന്ന്​ വിക്കറ്റെടുത്ത നവാഗത താരം ചേതൻ സക്കരിയയാണ്​ രാജസ്ഥാൻ നിരയിൽ ഭേദപ്പെട്ട നിലയിൽ പന്തെറിഞ്ഞത്​. മുസ്​തഫിസുർ നാലോവറിൽ 45 റൺസ്​ വഴങ്ങിയപ്പോൾ പൊന്നും വിലക്ക്​ ടീമിലെത്തിയ ക്രിസ്​ മോറിസ്​ 41 റൺസ്​ വഴങ്ങി രണ്ട്​ വിക്കറ്റെടുത്തു. ഒരോവർ മാത്രമറിഞ്ഞ ശിവം ദുബെ 20 റൺസാണ്​ വഴങ്ങിയത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:sanju samsonRajasthan RoyalsIPL 2021
Next Story