Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightസ്​റ്റോക്​ തീരാതെ...

'സ്​റ്റോക്​' തീരാതെ സഞ്​ജു; മുംബൈയെ തല്ലിയോടിച്ച്​ രാജസ്ഥാൻ

text_fields
bookmark_border
സ്​റ്റോക്​ തീരാതെ സഞ്​ജു; മുംബൈയെ തല്ലിയോടിച്ച്​ രാജസ്ഥാൻ
cancel

ദുബൈ: ത​െൻറ പെരുമക്കൊത്ത പ്രകടനവുമായി സാക്ഷാൽ ബെഞ്ചമിൻ സ്​റ്റോക്​സും പന്തിനോടുള്ള പ്രണയം തിരിച്ചുപിടിച്ച്​ സഞ്​ജു സാംസണും നിറഞ്ഞാടിയതോടെ രാജസ്ഥാന്​ ഗംഭീര വിജയം. ​േപ്ല ഓഫ്​ സാധ്യത നിലനിർത്താൻ വിജയം നിർണായകമായ മത്സരത്തിൽ ഒന്നാം സ്ഥാനക്കാരായ മുംബൈയെ രാജസ്ഥാൻ എട്ടുവിക്കറ്റിന്​ മലർത്തിയടിക്കുകയായിരുന്നു. 60 പന്തിൽ നിന്നും 107 റൺസെടുത്ത സ്​റ്റോക്​സും 31 പന്തുകളിൽ നിന്നും 54 റൺസെടുത്ത സഞ്​ജുവും മുംബൈ ബൗളർമാരെ തല്ലിയോടിച്ചു.

മുംബൈ ഉയർത്തിയ 195 റൺസി​െൻറ കൂറ്റൻ വിജയലക്ഷ്യത്തിലേക്ക്​ ബാറ്റ്​ വീശിയ രാജസ്ഥാനായി സ്​റ്റോക്​സ്​​ അവതരിക്കുകയായിരുന്നു. റോബിൻ ഉത്തപ്പയും സ്​റ്റീവൻ സ്​മിത്തും പുറത്തായ ശേഷം ക്രീസിലെത്തിയ സഞ്​ജു 'സെൻസിബിൾ' ഇന്നിങ്​സാണ്​ കാഴ്​ചവെച്ചത്​. സിംഗിളുകളിൽ തുടങ്ങിയ ഇന്നിങ്​സിന്​ നിറച്ചാർത്തായി സിക്​സറുകളും ബൗണ്ടറികളും വിരുന്നെത്തി. കണക്കുകൂട്ടി ബാറ്റ്​ വീശിയ രാജസ്ഥാൻ 18.2 ഓവറുകളിൽ വിജയത്തിലെത്തി.


നായകൻ രോഹിത്​ ശർമയുടെ അഭാവത്തിൽ കീറൺ പൊള്ളാർഡി​െൻറ നേതൃത്വത്തിലിറങ്ങിയ മുംബൈ രാജസ്ഥാൻ ബൗളർ​മാരെ പൊതിരെതല്ലി. 21 പന്തിൽ ഏഴുസിക്​സറടക്കം 60 റൺസെടുത്ത ഹാർദിക്​ പാണ്ഡ്യ ഇടിത്തീയായി പെയ്​തിറങ്ങുകയായിരുന്നു. 26 പന്തിൽ 40 റൺസെടുത്ത സൂര്യകുമാർ യാദവും 34 റൺസെടുത്ത സൗരഭ്​ തിവാരിയും 37 റൺസെടുത്ത ഇഷാൻ കിഷനും മുംബൈ ഇന്നിങ്​സിന്​ ബലമേകി.

പതിവുഫോം തുടർന്ന ജോഫ്ര ആർച്ചറും ശ്രയസ്​ ഗോപാലും രാജസ്ഥാനായി രണ്ട്​ വിക്കറ്റ്​ വീഴ്​ത്തി. രാജസ്ഥാൻ നിരയിൽ അങ്കിത്​ രാജ്​പുത്​ നാലോവറിൽ 60 റൺസ്​ വഴങ്ങി ദുരന്ത നായകനായി. മുംബൈ നിരയിൽ ബൗളർമാർക്ക്​ കാര്യമായൊന്നും ചെയ്യാനായില്ല. ജെയിംസ്​ പാറ്റിൻസൺ 40 റൺസ്​ വഴങ്ങി രണ്ടുവിക്കറ്റ്​ വീഴ്​ത്തി.

Show Full Article
TAGS:benstokes sanju samson IPL 2020 
Next Story