പാതി മഴയെടുത്ത്​ രണ്ടാംദിനം; ഓസീസിനെതിരെ ഇന്ത്യ പൊരുതുന്നു

പാതി മഴയെടുത്ത്​ രണ്ടാംദിനം; ഓസീസിനെതിരെ ഇന്ത്യ പൊരുതുന്നു

ആസ്​ട്രേലിയ 369, ഇന്ത്യ 62/2

സിഡ്​നി: മഴയും മഞ്ഞും ഇന്ത്യയിൽ മാത്രമല്ല, കംഗാരു മണ്ണിലും വില്ലനാകുന്നു. ബ്രിസ്​ബേനിൽ സമനില കൊണ്ട്​ ബോർഡർ- ഗവാസ്​കർ ട്രോഫിയുമായി മടങ്ങാമെന്ന ഇന്ത്യൻ സ്വപ്​നങ്ങൾക്കു മേൽ പെയ്​ത്തായി​ രണ്ടാം ദിനത്തിന്‍റെ മൂന്നാം സെഷനെടുത്ത്​ കനത്ത മഴ. 369 എന്ന കൂറ്റൻ ലക്ഷ്യമുയർത്തി നാലാമത്തെയും അവസാനത്തെയും ടെസ്റ്റിന്‍റെ ഒന്നാം ഇന്നിങ്​സ്​ അവസാനിപ്പിച്ച ആസ്ട്രേലിയക്കെതിരെ ഇന്ത്യ രണ്ടുവിക്കറ്റിന്​ 62 റൺസ്​ എന്ന നിലയിൽ പൊരുതുകയാണ്​. മികച്ച പ്രകടനവുമായി കളംനിറഞ്ഞ രോഹിത്​ 44 റൺസെടുത്ത്​ മടങ്ങിയത്​ തിരിച്ചടിയായി. പൂജാര (8), രഹാനെ (2) എന്നിവരാണ്​ സ്​​റ്റ​െമ്പടുക്കു​േമ്പാൾ ക്രീസിൽ.

അഞ്ചു വിക്കറ്റിന്​ 274 റൺസ്​ എന്ന മികച്ച ടോട്ടലുമായി രണ്ടാം ദിനം ബാറ്റിങ്​ തുടങ്ങിയ ആസ്​ട്രേലിയ 95 റൺസ്​ കൂടി ചേർക്കു​േമ്പാഴേക്ക്​ എല്ലാ​വരെയും മടക്കി ഇന്ത്യൻ ബൗളർമാർ കരുത്തുറപ്പിച്ചു. ടിം പെയിൻ 50 ഉം കാമറൂൺ ഗ്രീൻ 47ഉം റൺസുമായി ആസ്​ട്രേലിയയുടെ യഥാർഥ നായകരായി. മറുവശത്ത്​ ഇന്നലെ താരമായ പുതുമുറക്കാരൻ നടരാജൻ ഒരു വിക്കറ്റ്​ കൂടി സ്വന്തമാക്കി തന്‍റെ സമ്പാദ്യം മൂന്നാക്കി. വാഷിങ്​ടൺ സുന്ദറും മൂന്ന്​ വിക്കറ്റെടുത്തു. സ്​മിത്തിനെയും ഗ്രീനിനെയും ലിയോണിനെയുമായിരുന്നു സുന്ദർ മടക്കിയത്​.

മറുപടി ബാറ്റിങ്ങിനിറങ്ങിയ ഇന്ത്യ രോഹിത്​ ശർമയുടെ കരുത്തിൽ അനായാസം ലക്ഷ്യം മറികടക്കുമെന്ന്​ തോന്നിച്ചെങ്കിലും അർധ സെഞ്ച്വറിക്കരികെ നഥാൻ ലിയോൺ രോഹിതിനെ മടക്കി. ശുഭ്​മാൻ ഗി​ല്ലിന്‍റെ (ഏഴു റൺസ്​) വിക്കറ്റ്​ കൂടി നഷ്​ടപ്പെടുത്തി 62 റൺസിൽ സന്ദർശകർ ചായക്കു പിരിഞ്ഞയുടൻ മൈതാനം നിറഞ്ഞ്​ മഴയെത്തി. 26 ഓവർ മാത്രമായിരുന്നു ഇന്ത്യൻ ബാറ്റിങ്ങിന്‍റെ ആയുസ്സ്​. ഇരുവരും ഞായറാഴ്ച തിളങ്ങിയാൽ ഇന്ത്യക്ക്​ ഓസീസ്​ ഉയർത്തിയ ടോട്ടൽ മറികടക്കുക പ്രയാസമാകില്ല.

കളി എങ്ങനെയും പിടിക്കാൻ ആസ്​ട്രേലിയയുടെ ശ്രമങ്ങൾ ഇഛാശക്​തി കൊണ്ട്​ മറികടക്കാനാണ്​ ഇന്ത്യയുടെ ശ്രമം.