ആ​വേ​ശം കെടുത്തി ആഷസിൽ മഴ

ല​ണ്ട​ൻ: ആ​ഷ​സ് ക്രി​ക്ക​റ്റ് പ​ര​മ്പ​ര​യി​ലെ അ​ഞ്ചാം ടെ​സ്റ്റി​ൽ ഇം​ഗ്ല​ണ്ട് ഉ​യ​ർ​ത്തി‍യ വ​ൻ വി​ജ​യ​ല​ക്ഷ്യ​ത്തി​ലേ​ക്ക് പ്ര​തീ​ക്ഷ​യോ​ടെ ആ​സ്ട്രേ​ലി​യ ബാ​റ്റ് ചെ​യ്യ​വെ ആ​വേ​ശം കെ​ടു​ത്തി മ​ഴ. 384 റ​ൺ​സ് പി​ന്തു​ട​രു​ന്ന ഓ​സീ​സ് ര​ണ്ടാം ഇ​ന്നി​ങ്സി​ൽ വി​ക്ക​റ്റ് പോ​വാ​തെ 135 റ​ൺ​സെ​ടു​ത്തി​ട്ടു​ണ്ട്.

ഓ​പ​ണ​ർ​മാ​രാ​യ ഉ​സ്മാ​ൻ ഖ്വാ​ജ​യും (69) ഡേ​വി​ഡ് വാ​ർ​ണ​റും (58) ക്രീ​സി​ൽ തു​ട​ര​വെ നാ​ലാം ദി​നം ചാ​യ​ക്കു​ശേ​ഷ​മാ​ണ് മ​ഴ​യെ​ത്തി​യ​ത്. രാ​വി​ലെ ഇം​ഗ്ല​ണ്ടി​ന്റെ ര​ണ്ടാം ഇ​ന്നി​ങ്സ് 395ൽ ​അ​വ​സാ​നി​പ്പി​ച്ചു സ​ന്ദ​ർ​ശ​ക​ർ. വി​ര​മി​ക്ക​ൽ പ്ര​ഖ്യാ​പി​ച്ച സ്റ്റു​വ​ർ​ട്ട് ബ്രോ​ഡ് എ​ട്ടു റ​ൺ​സു​മാ​യി പു​റ​ത്താ​വാ​തെ നി​ന്നു. ആ​സ്ട്രേ​ലി​യ​ക്കാ​യി മി​ച്ച​ൽ സ്റ്റാ​ർ​കും ടോ​ഡ് മ​ർ​ഫി​യും നാ​ലു വി​ക്ക​റ്റ് വീ​തം വീ​ഴ്ത്തി.

അതേസമയം, ലോ​ക​ത്തെ മു​ൻ​നി​ര പേ​സ് ബൗ​ള​ർ​മാ​രി​ലൊ​രാ​ളാ​യ ഇം​ഗ്ല​ണ്ടി​ന്‍റെ സ്റ്റു​വ​ർ​ട്ട് ബ്രോ​ഡ് അ​ഞ്ചാം മ​ത്സ​ര​ത്തോ​ടെ അ​ന്താ​രാ​ഷ്ട്ര ക്രി​ക്ക​റ്റ് ക​രി​യ​ർ മ​തി​യാ​ക്കു​ക​യാ​ണെ​ന്ന് പ്രഖ്യാപിച്ചത് ആരാധകരെ നിരാശയിലാക്കി. 17 വ​ർ​ഷ​ത്തെ ക​രി​യ​റി​നാ​ണ് ഇ​തോ​ടെ വി​രാ​മ​മാ​കു​ന്ന​ത്. ടെ​സ്റ്റ് ക്രി​ക്ക​റ്റി​ൽ 600 വി​ക്ക​റ്റ് ക്ല​ബി​ൽ ക​യ​റി​യ ശേ​ഷ​മാ​ണ് 37കാ​ര​നാ​യ ബ്രോ​ഡി​ന്റെ വി​ട​വാ​ങ്ങ​ൽ. വ​ർ​ഷ​ങ്ങ​ൾ​ക്ക് മു​മ്പെ ഏ​ക​ദി​ന​വും ട്വ​ന്റി20​യും മ​തി​യാ​ക്കി​യി​രു​ന്നു.

2007ൽ ​ടെ​സ്റ്റ് അ​ര​ങ്ങേ​റ്റം കു​റി​ച്ച ബ്രോ​ഡ് 167 മ​ത്സ​ര​ങ്ങ​ളി​ൽ നി​ന്ന് ഇ​തു​വ​രെ 602 വി​ക്ക​റ്റാ​ണ് നേ​ടി​യ​ത്. എ​ട്ട് ത​വ​ണ അ​ഞ്ച് വി​ക്ക​റ്റ് വീ​ഴ്ത്തി. ഏ​ക​ദി​ന​ത്തി​ൽ 178 വി​ക്ക​റ്റും സ്വ​ന്ത​മാ​ക്കി. 2016ലാ​ണ് ബ്രോ​ഡ് അ​വ​സാ​ന​മാ​യി ഏ​ക​ദി​നം ക​ളി​ച്ച​ത്. ട്വ​ന്‍റി20​യി​ൽ 56 മ​ത്സ​ര​ങ്ങ​ളി​ൽ 65 വി​ക്ക​റ്റും. 2014ന് ​ശേ​ഷം ട്വ​ന്റി20 ക​ളി​ച്ചി​ട്ടി​ല്ല. ക്രി​ക്ക​റ്റി​ന്‍റെ എ​ല്ലാ ഫോ​ർ​മാ​റ്റി​ലു​മാ​യി 845 വി​ക്ക​റ്റു​ക​ൾ നേ​ടി​യി​ട്ടു​ണ്ട്.