അഞ്ചുവിക്കറ്റ്​ ജയത്തോടെ കൊൽക്കത്തയുടെ നോക്കൗട്ട്​ പ്രതീക്ഷകൾക്ക്​ പഞ്ചാബിന്‍റെ പഞ്ച്​

ദു​ബൈ: വിജയിച്ചാൽ നോക്കൗട്ടിലേക്ക്​ ഒരു പടികൂടി അടുക്കാമായിരുന്ന കൊൽക്കത്ത നൈറ്റ്​ റൈഡേഴ്​സിന്‍റെ മോഹങ്ങൾ തകർത്തുകൊണ്ട്​ പഞ്ചാബ്​ കിങ്​സിന്​ ജയം. അഞ്ചുവിക്കറ്റ്​ ജയത്തോടെ പഞ്ചാബ്​ നോക്കൗട്ട്​ പ്രതീക്ഷകൾ നിലനിർത്തി. 12 മത്സരങ്ങൾ പൂർത്തിയാക്കിയ കൊൽക്കത്തക്കും പഞ്ചാബിനും പത്ത്​ പോയന്‍റ്​ വീതമാണുള്ളത്​. റൺറേറ്റിൽ മുന്നിലുള്ള കൊൽകത്ത പട്ടികയിൽ നാലാമതും പഞ്ചാബ്​ അഞ്ചാമതുമാണ്​.

വിജയത്തിലേക്ക്​ 166 റൺസ്​ തേടിയിറങ്ങിയ പഞ്ചാബിനെ നായകൻ കെ.എൽ രാഹുൽ (55പന്തിൽ 67) മുന്നിൽ നിന്നും നയിക്കുകയായിരുന്നു. വിക്കറ്റ്​ സൂക്ഷിച്ച്​ കളിച്ച കെ.എൽ രാഹുൽ അവസരത്തിനൊത്ത്​ പ്രഹരശേഷി ഉയർത്തി ടീമിനെ വിജയതീരമടുപ്പിക്കുകയായിരുന്നു. ആദ്യ വിക്കറ്റിൽ 40 റൺസെടുത്ത മായങ്ക്​ അഗർവാളിനൊപ്പം ചേർത്ത 70 റൺസാണ്​ പഞ്ചാബിന്​ അടത്തറയിട്ടത്​. നികൊളാസ്​ പുരാൻ 12ഉം എയ്​ഡൻ മാർക്രം 18ഉം ദീപക്​ ഹൂഡ 3ഉം റൺസെടുത്ത്​ പുറത്തായി. 9 പന്തിൽ നിന്നും 22 റൺസുമായി ഷാരൂഖ്​ ഖാൻ പഞ്ചാബിന്‍റെ വിജയം എളുപ്പമാക്കി.

ആദ്യം ബാറ്റുചെയ്​ത കൊൽക്കത്തക്കായി മി​ക​ച്ച ഫോ​മി​ൽ ക​ളി​ക്കു​ന്ന യു​വ​താ​രം വെ​ങ്കി​ടേ​ഷ്​ അ​യ്യ​രു​ടെ ബാ​റ്റാ​ണ്​ റ​ൺ​ഖ​നി തു​റ​ന്നു​വെ​ച്ച​ത്.ടോ​സ്​ നേ​ടി​യ പ​ഞ്ചാ​ബ്​ ക്യാ​പ്​​റ്റ​ൻ ലോ​കേ​ഷ്​ രാ​ഹു​ൽ കൊ​ൽ​ക്ക​ത്ത​യെ ബാ​റ്റി​ങ്ങി​ന​യ​ക്കുകയായിരുന്നു. ശു​ഭ്​​മാ​ൻ ഗി​ൽ വീ​ണ്ടും പ​രാ​ജ​യ​മാ​യ​പ്പോ​ൾ വെ​ങ്കി​ടേ​ഷ്​ അ​യ്യ​രും രാ​ഹു​ൽ ത്രി​പാ​ഠി​യും മി​ക​ച്ച കൂ​ട്ടു​കെ​ട്ടു​ണ്ടാ​ക്കി. ര​ണ്ടാം വി​ക്ക​റ്റി​ൽ 72 റ​ൺ​സ്​ പ​ടു​ത്തു​യ​ർ​ത്തി​യാ​ണ്​ സ​ഖ്യം വേ​ർ​പി​രി​ഞ്ഞ​ത്. 26 പ​ന്തി​ൽ 34 റ​ൺ​സു​മാ​യി ത്രി​പാ​ഠി പു​റ​ത്താ​യ ശേ​ഷം ക്രീ​സി​ലെ​ത്തി​യ നി​തീ​ഷ്​ റാ​ണ ആ​ഞ്ഞ​ടി​ച്ചു. 49 പ​ന്തി​ൽ 67 റ​ൺ​സു​മാ​യി വെ​ങ്കി​ടേ​ഷ്​ അ​യ്യ​ർ മ​ട​ങ്ങി​യ​ത്​ കൊ​ൽ​ക്ക​ത്ത​ക്ക്​ തി​രി​ച്ച​ടി​യാ​യി. 18 പ​ന്തി​ൽ റാ​ണ 31 റ​ൺ​സെ​ടു​ത്തു. ക്യാ​പ്​​റ്റ​ൻ ഇ​യോ​ൺ മോ​ർ​ഗ​ൻ പ​രാ​ജ​യ ക​ഥ തു​ട​ർ​ന്നു. ദി​നേ​ഷ്​ കാ​ർ​ത്തി​ക്​ 11 പ​ന്തി​ൽ 11 റ​ൺ​സെ​ടു​ത്തു.

മൂ​ന്നു വി​ക്ക​റ്റു വീ​ഴ്​​ത്തി​യ അ​ർ​ഷ്​​ദീ​പ്​ സി​ങ്ങാ​ണ്​ കൊ​ൽ​ക്ക​ത്ത​യു​ടെ വ​ൻ കു​തി​പ്പ്​ ത​ട​ഞ്ഞ​ത്. ലെ​ഗ്​ സ്​​പി​ന്ന​ർ ര​വി ബി​ഷ്​​ണോ​യി ര​ണ്ടു വി​ക്ക​റ്റ്​ വീ​ഴ്​​ത്തി.