Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightലങ്കൻ പര്യടനം...

ലങ്കൻ പര്യടനം ചവിട്ടുപടിയാകും; ശാസ്​ത്രിക്ക്​ ശേഷം ദ്രാവിഡ്​ ഇന്ത്യൻ കോച്ച്​?

text_fields
bookmark_border
Ravi Shastri Rahul Dravid
cancel
camera_alt

ശാസ്​ത്രിയും ദ്രാവിഡും (ഫയൽ)

ന്യൂഡൽഹി: ശ്രീലങ്കൻ പര്യടനത്തിനുള്ള 'യങ്​ ഇന്ത്യ'യെ പരിശീലിപ്പിക്കുന്നത്​ മുൻ ഇന്ത്യൻ നായകനായ രാഹുൽ ദ്രാവിഡാണ്​. രവി ശാസ്​ത്രിയുടെ കാലാവധി കഴിയുന്നതോടെ ഒഴിയുന്ന ഇന്ത്യൻ സീനിയർ ടീമി​െൻറ ഹെഡ്​ കോച്ച്​ പദവിയിലേക്ക്​ ദ്രാവിഡ്​ എത്തുമെന്ന വാർത്തകൾക്ക്​ കനം പകരുന്നതാണ്​​ ഈ നിയമനം.

2021 ഐ.സി.സി ട്വൻറി20 ലോകകപ്പ്​ വരെയാണ്​ ശാസ്​ത്രിയുടെ കാലാവധി​. ഇന്ത്യൻ ടീം ലോക ടെസ്​റ്റ്​ ചാമ്പ്യൻഷിപ്പ്​ ഫൈനലും ​ഇംഗ്ലണ്ടിനെതിരായ ടെസ്​റ്റ്​ പരമ്പരയും കളിക്കാനായി ബ്രിട്ടനിലേക്ക്​ പോകും​. ഇതോടെയാണ്​ ജൂലൈയിൽ ലങ്കക്കെതിരെ നടക്കാൻ ​പോകുന്ന ഏകദിന, ട്വൻറി20 പരമ്പരകൾക്കുള്ള ഇന്ത്യൻ ടീമിന്​ തന്ത്രം ഓതാനുള്ള ചുമതല ദ്രാവിഡിന്​ കൈവന്നത്​. സീനിയർ താരങ്ങൾ ഇംഗ്ലണ്ടിലാകുന്നതിനാൽ യുവ നിരയുമായാകും ഇന്ത്യ അയൽ രാജ്യം സന്ദർശിക്കുക.

അനിൽ കുംബ്ലെയിൽ നിന്ന്​ പരിശീലക സ്​ഥാനം ഏറ്റെടുത്ത ശാസ്​ത്രി ആസ്​ട്രേലിയയെ രണ്ടുവട്ടം അവരുടെ മണ്ണിൽ തോൽപിച്ച്​​ ചരിത്രം രചിച്ചിരുന്നു. മറ്റൊരു കോച്ചിനും അവകാശപ്പെടാനില്ലാത്ത നേട്ടമാണിത്​. കളിക്കളത്തിലെ പ്രകടന മികവ്​ പരിഗണിക്കു​േമ്പാൾ വിരാട്​ കോഹ്​ലിയും സംഘവുമാണ്​ സമകാലീന ക്രിക്കറ്റിൽ മൂന്ന്​ ഫോർമാറ്റിലും സ്​ഥിരത പുലർത്തുന്നതെന്ന വസ്​തുതയിലും ​ശാസ്​ത്രിക്ക്​ അഭിമാനിക്കാം​.

നിലവിൽ നാഷനൽ ക്രിക്കറ്റ്​ അക്കാദമിയുടെ തലവനാണ്​ ദ്രാവിഡ്​. അണ്ടർ 19, ഇന്ത്യ 'എ' ടീമുകളിലൂടെ ദ്രാവിഡ്​ വളർത്തിക്കൊണ്ടു വന്ന താരങ്ങളാണ്​ ഇന്ന്​ ഇന്ത്യൻ ക്രിക്കറ്റിലെ എണ്ണം പറഞ്ഞ യുവതാരങ്ങളെല്ലാം. അതിനാൽ തന്നെ ദ്രാവിഡ്​ വന്നാൽ പണി എളുപ്പമാകുമെന്ന്​ ചുരുക്കം.

ദ്രാവിഡ്​ സീനിയർ ടീം പരിശീലകനായി നിയമിക്കപ്പെടുന്നതി​െൻറ ആദ്യ ചവിട്ടുപടിയാണ്​ ലങ്കൻ പര്യടനമെന്നാണ്​ അണിയറ സംസാരം. ജൂലൈയിൽ ലങ്കയിൽ മൂന്ന്​ വീതം ഏകദിന, ട്വൻറി20 മത്സരങ്ങളാണ്​ ഇന്ത്യ കളിക്കുന്നത്​.

Show Full Article
TAGS:rahul dravid ravi shastri indian cricket coach 
News Summary - Rahul Dravid may Appointed as Team India Coach after Ravi Shastri
Next Story