Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right​ സഞ്​ജു, ഷാ, ഗിൽ,...

​ സഞ്​ജു, ഷാ, ഗിൽ, പന്ത്, അയ്യർ, പടിക്കൽ​.. ​എല്ലാവരും ദ്രാവിഡി​െൻറ കളരിയിലെ പിള്ളേർ

text_fields
bookmark_border
​ സഞ്​ജു, ഷാ, ഗിൽ, പന്ത്, അയ്യർ, പടിക്കൽ​.. ​എല്ലാവരും ദ്രാവിഡി​െൻറ കളരിയിലെ പിള്ളേർ
cancel

ന്യൂഡൽഹി: രാഹുൽ ദ്രാവിഡിന്​ ഇന്ത്യൻ ക്രിക്കറ്റിന്​ ആമുഖം വേണ്ടതില്ല. തൊണ്ണൂറുകളുടെ പകുതി മുതൽ 2011 വരെ നീണ്ട കരിയറിൽ സർവ്വം ടീമിനായി സമർപ്പിച്ച താരം. പന്ത്​ അടിച്ചകറ്റു​​േമ്പാൾ ഗാലറിയിലുയരുന്ന ഉന്മാദ നിശ്വാസങ്ങൾക്കപ്പുറത്ത്​ ടീമി​െൻറ വിജയത്തിന്​ പ്രാധാന്യം കൊടുത്ത കളിക്കാരൻ. മാന്യൻമാരുടെ കളിയെന്ന ക്രിക്കറ്റി​െൻറ വിശേഷണത്തോട്​ കളിക്കകത്തും പുറത്തും നീതി പുലർത്തിയ താരം.

ടീമി​െൻറ ആവശ്യാർഥം ഏത്​ പൊസിഷനിലും ബാറ്റ്​ ചെയ്യാൻ തയ്യാറുള്ള വന്മതിൽ വേണ്ടി വന്നാൽ കീപ്പിങ്​ ഗ്ലൗസും അണിയും. വിരമിച്ചശേഷവും ദ്രാവിഡ്​ ഇന്ത്യൻ ക്രിക്കറ്റിൽ സ്വാധീനം ചെലുത്തിക്കൊണ്ടിരിക്കുകയാണ്​. അതിന്​ ഈ ഐ.പി.എൽ സീസണും സാക്ഷി.


പൃഥ്വി ഷാ, മായങ്ക്​ അഗർവാൾ, ശേയസ്​ അയ്യർ, സഞ്​ജു സാംസൺ, ഋഷഭ്​ പന്ത്​, ദേ വ്​ദത്ത്​ പടിക്കൽ, ശുഭ്​മാൻ ഗിൽ, നവദീപ്​ സൈനി, നാഗർകോട്ടി, ഇഷാൻ കിഷൻ..ഐ.പി.എല്ലിലെ ബഹുവർണക്കുപ്പായങ്ങളിൽ ഇന്ത്യൻ യുവതാരങ്ങൾ അരങ്ങുവാഴുകയാണ്​. സീനിയർ താരങ്ങളേക്കാളും വിദേശതാരങ്ങളേക്കാളും ശ്രദ്ധേയപ്രകടനങ്ങളാണ്​ ഇവരുടെ ബാറ്റിൽ നിന്നും പന്തിൽ നിന്നും പിറക്കുന്നത്​. വിവിധ ടീമുകളിലാണെങ്കിലും ഇവരെയെല്ലാവരെയും കൂട്ടിയോജിപ്പിക്കുന്ന ഒരു ഘടകമുണ്ട്​. അതാണ്​ രാഹുൽ ദ്രാവിഡ്​.

ഐ.പി.എല്ലിലെ ആർപ്പുവിളികൾക്കൊപ്പം ഇവരെല്ലാം ആഘോഷിക്കപ്പെടു​േമ്പാൾ കാഴ്​ചക്കാര​െൻറ റോളിൽ ദ്രാവിഡ്​ പുഞ്ചിരിക്കുന്നുണ്ടാകണം. അണ്ടർ 19 ടീമി​െൻറയോ ഇന്ത്യ എ ടീമി​െൻറോയ ഐ.പി.എൽ ടീമുകളുടേയോ ഭാഗമായി ദ്രാവിഡി​െൻറ കളരിയിൽ വിരിഞ്ഞവരാണ്​ ഇവരെല്ലാവരും.

വിരമിച്ച താരങ്ങളിലധികവും ബ്രാൻഡ്​ അംബാസിഡർമാരായും രാഷ്​ട്രീയക്കാരായും കമ​േൻററ്റർമാരായുമെല്ലാം തിളങ്ങു​േമ്പാൾ ദ്രാവിഡ്​ ഭാവി ഇന്ത്യൻ ടീമിനെ വാർത്തെടുക്കുന്ന തിരക്കിലാണ്​. ദ്രാവിഡി​െൻറ പരിശീലന മികവും ക്രിക്കറ്റിനോടുളള സമർപ്പണവും കണ്ടറിഞ്ഞ ​ബി.സി.സി.ഐ നാഷനൽ ക്രിക്കറ്റ്​ അക്കാദമിയുടെ തലവനെന്ന പദവിയിലേക്ക് ഉയർത്തിയിട്ടുണ്ട്​


2018ൽ ന്യൂസിലാൻഡിൽ വെച്ച്​ ഇന്ത്യ അണ്ടർ 19 ലോകകിരീടം നേടു​േമ്പാൾ ദ്രാവിഡായിരുന്നു പരിശീലക​െൻറ സ്ഥാനത്തുണ്ടായിരുന്നത്​. അന്നത്തെ നായകനായ പ്രഥ്വി ഷായും ഉപനായകനായ ശുഭ്​മാൻ ഗില്ലും ഇന്ത്യയുടെ വരുംതാരങ്ങളെന്ന നിലയിൽ ഇപ്പോഴേ ഇരിപ്പുറപ്പിച്ചു കഴിഞ്ഞിട്ടുണ്ട്​.

ഇടക്കാലത്ത്​ രാജസ്ഥാൻ റോയൽസി​െൻറയും ഡൽഹി ഡെയർ ഡെവിൾസി​െൻറയും പരിശീലകനായും ദ്രാവിഡ്​ സേവനമനുഷ്​ഠിച്ചു​.

സഞ്​ജു സാംസണും ലോകേഷ്​ രാഹുലിനും ​ഋഷഭ്​ പന്തിനുമെല്ലാം ​ദ്രാവിഡി​െൻറ ശിഷ്യത്വം സമ്മതിക്കാൻ മടിയുമില്ല. എപ്പോഴും സമീപിക്കാവുന്ന വ്യക്തിയും പാഠങ്ങൾ പകർന്ന ഗുരുവുമാണ്​ ദ്രാവിഡെന്നാണ്​ സഞ്​ജു പറയാറുള്ളത്​.

Show Full Article
TAGS:rahul dravid BCCI IPL 2020 
Next Story