നെറ്റ്​സിൽ ഓഫ്​ സ്​പിന്നറുടെ റോൾ ഏറ്റെടുത്ത്​ ദ്രാവിഡ്​; വിഡിയോ കാണാം

കാൺപൂർ: ഇതിഹാസ താരം രാഹുൽ ദ്രാവിഡ്​ കോച്ചായി എത്തിയതോടെ ഇന്ത്യൻ ക്രിക്കറ്റ്​ ടീമിലാകെ ഒരു ഉണർവ്​ കൈവന്നിരിക്കുകയാണ്​. ഇന്ത്യൻ ടീം ​ഹെഡ്​ കോച്ചയതിന്​ ശേഷം നടന്ന ആദ്യ പരമ്പരക്കിടെ നെറ്റ്​സിൽ ത്രേഡൗൺ സ്​​െപഷ്യലിസ്റ്റായിട്ടായിരുന്നു ദ്രാവിഡിന്‍റെ ആദ്യ വരവ്​. എന്നാലിപ്പോൾ ടെസ്റ്റ്​ പരമ്പരയിലേക്കെത്തു​േമ്പാൾ നെറ്റ്​സിൽ ഓഫ്​ സ്​പിന്നറുടെ റോളിൽ ബാറ്റർമാർക്ക്​ പന്തെറിഞ്ഞ്​ കൊടു​ക്കുകയാണ്​​ ദ്രാവിഡ്​.

ദ്രാവിഡിന്‍റെ ബൗളിങ്​ പ്രകടനത്തിന്‍റെ വിഡിയോ ബുധനാഴ്ച ബി.സി.സി.ഐ തങ്ങളുടെ ഔദ്യോഗിക ട്വിറ്റർ അക്കൗണ്ടിൽ പങ്കുവെച്ചു. ചേതേശ്വർ പുജാരക്കെതിരാണ്​ ദ്രാവിഡ്​ പന്തെറിഞ്ഞത്​.

കളിക്കാരനായിരുന്ന കാലത്ത്​ തന്‍റെ ഓഫ്​ സ്​പിൻ മികവിൽ ടെസ്റ്റിൽ ഒന്നും ഏകദിനത്തിൽ നാലും വിക്കറ്റുകൾ ദ്രാവിഡ്​ വീഴ്​ത്തിയിട്ടുണ്ട്​.

ന്യൂസിലൻഡിനെതിരായ ടെസ്റ്റ്​ പരമ്പരയിൽ സുപ്രധാന താരങ്ങളിൽ പലർക്കും ഇന്ത്യ വിശ്രമം അനുവദിച്ചിരുന്നു. രോഹ്​ ശർമയുടെയും വിരാട്​ കോഹ്​ലിയുടെയും അഭാവത്തിൽ അജിൻക്യ രഹാനെയാണ്​ ടീമിനെ നയിക്കുന്നത്​. ​ബാറ്റർ ശ്രേയസ് ടെസ്റ്റിൽ അരങ്ങേറ്റം കുറിക്കുകയാണ്​ കാൺപൂർ ടെസ്റ്റിലൂടെ. മുംബൈയിൽ നടക്കാൻ ​പോകുന്ന രണ്ടാം ടെസ്റ്റിന്​ നായകൻ വിരാട്​ കോഹ്​ലി മടങ്ങിയെത്തും. ​