Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightമൊഞ്ചോടെ സഞ്​ജു;...

മൊഞ്ചോടെ സഞ്​ജു; 'സ്​റ്റോക്'​ തീരാതെ രാജസ്ഥാൻ, ​േപ്ല ഓഫ്​ നിർണയം കടുപ്പം

text_fields
bookmark_border
മൊഞ്ചോടെ സഞ്​ജു; സ്​റ്റോക്​ തീരാതെ രാജസ്ഥാൻ, ​േപ്ല ഓഫ്​ നിർണയം കടുപ്പം
cancel

അബൂദബി: ​േപ്ലഓഫ് യോഗ്യത​ നിർണയത്തിന്​ ഒരു പിടിയും തരാതെ ഇന്ത്യൻ പ്രീമിയർ ലീഗ്​ കുതിക്കുന്നു. ജീവൻമരണ പോരാട്ടത്തിനിറങ്ങിയ കിങ്​സ്​ ഇലവൻ പഞ്ചാബിനെ ഏഴ്​ വിക്കറ്റിന്​ തകർത്ത്​ രാജസ്ഥാൻ റോയൽസ് ​​സെമി സാധ്യതകൾ നിലനിർത്തി. പഞ്ചാബ്​ ഉയർത്തിയ 186 റൺസി​െൻറ വമ്പൻ വിജയലക്ഷ്യം പിന്തുടർന്നിറങ്ങിയ രാജസ്ഥാനായി ബെൻ സ്​റ്റോക്സും (26 പന്തിൽ 50), സഞ്​ജു സാംസണും (25പന്തിൽ 48) വീണ്ടും അവതരിക്കുകയായിരുന്നു. തുടർച്ചയായ അഞ്ച്​ വിജയങ്ങൾക്ക്​ ശേഷമാണ്​ പഞ്ചാബ്​ പരാജയം നുണയുന്നത്​.

12 മത്സരങ്ങളിൽ നിന്നും 16 പോയൻറുമായി മുംബൈ ​േപ്ല ഓഫ്​ ഉറപ്പിച്ചപ്പോൾ 12 കളികളിൽ നിന്നും 14 പോയൻറുമായി ബാംഗ്ലൂർ രണ്ടാമതും ഡൽഹി മൂന്നാമതും നിൽക്കുന്നു. 13 മത്സരങ്ങളിൽ നിന്നും പഞ്ചാബിനും രാജസ്ഥാനും കൊൽക്കത്തക്കും 12 പോയൻറുകൾ വീതമാണുള്ളത്​. റൺറേറ്റിൽ പഞ്ചാബാണ്​ മുമ്പിൽ. 12 മത്സരങ്ങൾ കളിച്ച സൺറൈസേഴ്​സ്​ ഹൈദരാബാദിന്​ 10 പോയൻറുണ്ട്​. ഇതോടെ അവസാന മത്സരങ്ങളിൽ തീപാറുമെന്നുറപ്പായി​.


ആദ്യം മുതൽ ആക്രമിച്ചുകളിച്ച ബെൻ സ്​റ്റോക്​സിന്​ മുമ്പിൽ പഞ്ചാബ്​ ബൗളർമാർ നട്ടം തിരിഞ്ഞു. സ്​റ്റോക്​സിന്​ പിന്നാലെത്തിയ സഞ്​ജു മൂന്ന്​ സിക്​സറുകളും നാല്​ ബൗണ്ടറികളുമടക്കമാണ്​ 48 റൺസെടുത്തത്​. 30 റൺസെടുത്ത റോബിൻ ഉത്തപ്പ രാജസ്ഥാൻ ബാറ്റിങ്ങി​െൻറ അടിത്തറ ഉറപ്പാക്കി. 20 പന്തിൽ 31 റൺസെടുത്ത സ്​റ്റീവൻ സ്​മിത്തും 11 പന്തുകളിൽ 22 റൺസെടുത്ത ജോസ്​ ബട്​ലറും ചേർന്ന്​ 17.3 ഓവറിൽ രാജസ്ഥാനെ വിജയത്തിലെത്തിക്കുകയായിരുന്നു.

ആദ്യം ബാറ്റ്​ ചെയ്​ത പഞ്ചാബ്​ 63 പന്തുകളിൽ നിന്നും 99 റൺസെടുത്ത സാക്ഷാൽ ക്രിസ്​ ഗെയിലി​െൻറ ബാറ്റിങ്​ കരുത്തിലാണ്​ വമ്പൻ സ്​കോർ കുറിച്ചത്​. എട്ട്​ സിക്​സറുകളും ആറ്​ ബൗണ്ടറികളും നിറം ചാർത്തിയ ഇന്നിങ്​സിനൊടുവിൽ സെഞ്ച്വറിക്ക്​ ഒരു റൺസകലെ ജോഫ്ര ആർച്ചർ ഗെയ്​ലിനെ കുറ്റിതെറിപ്പിക്കുകയായിരുന്നു. കെ.എൽ രാഹുൽ 46ഉം നിക്കോളാണ്​ പുരാൻ 22 ഉം റൺസെടുത്തു. നാലോവറിൽ 26 റൺസെടുത്ത്​ രണ്ട്​ വിക്കറ്റ്​ വീഴ്​ത്തിയ ആർച്ചർ വീണ്ടും ത​െൻറ ക്ലാസ്​ തെളിയിച്ചു.




Show Full Article
TAGS:sanju samson IPL 2020 
Next Story