എറിഞ്ഞുതകർത്ത്​ പഞ്ചാബ്​; ഹൈദരാബാദിന്‍റെ ​േപ്ല ഓഫ്​​ പ്രതീക്ഷകൾ അസ്​തമിച്ചു

ഷാ​ർ​ജ: വിജയിക്കാൻ വെറും 126 റൺസ്​ തേടിയിറങ്ങിയ സൺറൈസേഴ്​സ്​ ഹൈദരാബാദിന്​ ഷോക്​ ട്രീറ്റ്​മെന്‍റ്​ നൽകി പഞ്ചാബ്​ കിങ്​സ്​ ബൗളർമാർ. അവസാന പന്തുവരെ ആവേശം നീണ്ടുനിന്ന മത്സരത്തിൽ അഞ്ചുറൺസകലെ ഹൈദരാബാദിനെ വീഴ്​ത്തി പഞ്ചാബ്​ വിജയ വഴിയിൽ തിരിച്ചെത്തുകയായിരുന്നു. വിജയത്തോടെ പത്തുകളികളിൽ നിന്നും എട്ട്​ പോയന്‍റുമായി പഞ്ചാബ്​ ​േപ്ല ഓഫ്​ സാധ്യതകൾ സജീവമാക്കിയപ്പോൾ ഒൻപത്​ കളികളിൽ നിന്നും രണ്ട്​ പോയന്‍റ്​ മാത്രമുള്ള ഹൈദരാബാദിന്‍റെ ​േപ്ല ഒാഫ്​ പ്രതീക്ഷകൾ അവസാനിച്ചു.

24 റൺസ്​ വഴങ്ങി മൂന്ന്​ വിക്കറ്റെടുത്ത രവി ബിഷ്​ണോയിയും നാലോവറിൽ 14 റൺസ്​ മാത്രം വിട്ടുനൽകി രണ്ട്​ വിക്കറ്റെടുത്ത മുഹമ്മദ്​ ഷമിയുമാണ്​ ഹൈദരാബാദിനെ വരിഞ്ഞുകെട്ടിയത്​. 29 പന്തിൽ 47 റൺസെടുത്ത ജേസൺ ഹോൾഡർ മാത്രമാണ്​ ഹൈദരബാദ്​ നിരയിൽ തിളങ്ങിയത്​. വമ്പൻ താരങ്ങളായ ഡേവിഡ്​ വാർണർ രണ്ടും കെയ്​ൻ വില്യംസൺ ഒന്നും റൺസെടുത്ത്​ പുറത്തായി.

ടോ​സ്​ നേ​ടി ഫീ​ൽ​ഡി​ങ്​ തി​ര​ഞ്ഞെ​ടു​ത്ത നായകൻ വില്യംസന്‍റെ തീരുമാനം ശരിവെച്ചാണ്​ ഹൈദരാബാദ്​ ബൗളർമാർ പന്തെറിഞ്ഞത്​. ജാ​സ​ൺ ഹോ​ൾ​ഡ​റും റാ​ശി​ദ്​ ഖാ​നും ​ഉ​ഗ്ര രൂ​പം പു​റ​ത്തെ​ടു​ത്തപ്പോൾ പഞ്ചാബ്​ ബാറ്റിങ്​ നിര വെള്ളം കുടിച്ചു. ആ​ദ്യം കെ.​എ​ൽ. രാ​ഹു​ലി​നെ​യും മാ​യ​ങ്ക്​ അ​ഗ​ർ​വാ​ളി​നെ​യും ര​ണ്ടാം വ​ര​വി​ൽ ദീ​പ​ക്​ ഹൂ​ഡ​യെ​യും മ​ട​ക്കി​യാ​ണ്​ ഹോൾഡർ മി​ടു​ക്ക​റി​യി​ച്ച​ത്.

മോ​ശ​മ​ല്ലാ​ത്ത കൃ​ത്യ​ത​യോ​ടെ പ​ന്തെ​റി​ഞ്ഞ അ​ഫ്​​ഗാ​ൻ താ​രം റാ​ശി​ദ്​ ഖാ​ൻ ഗെ​യ്​​ലി​നെ മ​ട​ക്കി​യ​ത്​ ​എ​തി​രാ​ളി​ക​ളു​ടെ പ്ര​തീ​ക്ഷ​ക​ൾ ത​ക​ർ​ത്തു. റാ​ശി​ദ്​ ഖാ​െൻറ നാ​ലു പ​ന്ത്​ നേ​രി​ട്ട്​ ര​ണ്ടു റ​ൺ​സ്​ നേ​ടി​യ ഗെ​യ്​​ൽ എ​ൽ.​ബി.​ഡ​ബ്ല്യു​വി​ൽ കു​രു​ങ്ങി​യാ​ണ്​ അ​തി​വേ​ഗം മ​ട​ങ്ങി​യ​ത്.

ഹൈ​ദ​രാ​ബാ​ദ്​ നി​ര​യി​ൽ ഒ​രാ​ൾ പോ​ലും അ​ർ​ധ സെ​ഞ്ച്വ​റി പൂ​ർ​ത്തി​യാ​ക്കി​യി​ല്ല. ഓ​പ​ണ​ർ രാ​ഹു​ൽ നേ​ടി​യ​ത്​ 21 റ​ൺ​സ്. ഏ​റ്റ​വും കൂ​ടു​ത​ൽ റ​ൺ​സെ​ടു​ത്ത ഐ​ഡ​ൻ മ​ർ​ക്​​റം 27ഉം. ​അ​ഗ​ർ​വാ​ൾ, നി​കൊ​ളാ​സ്​ പൂ​ര​ൻ എ​ന്നി​വ​ർ ഒ​റ്റ​യ​ക്ക​ത്തി​ൽ മ​ട​ങ്ങി. ഹൈ​ദ​രാ​ബാ​ദ്​ നി​ര​യി​ൽ പ​ന്തെ​ടു​ത്ത​വ​രി​ലേ​റെ​യും വെ​ളി​ച്ച​പ്പാ​ടാ​യ​പ്പോ​ൾ ഭു​വ​നേ​ശ്വ​ർ കു​മാ​ർ ത​ല്ലു​വാ​ങ്ങി. 34 റ​ൺ​സ്​ വ​ഴ​ങ്ങി​യ താ​രം ഒ​രു വി​ക്ക​റ്റെ​ടു​ത്ത​തു മാ​ത്ര​മാ​ണ്​ നേ​ട്ടം. സ​ന്ദീ​പ്​ ശ​ർ​മ​യും അ​ബ്​​ദു​ൽ സ​മ​ദും ഓ​രോ വി​ക്ക​റ്റു​ക​ൾ വീ​ഴ്​​ത്തി.