'99.94'; മുംബൈയി​ലെ പെട്രോൾവിലയും ബ്രാഡ്​മാ​െൻറ ബാറ്റിങ്​ ശരാശരിയും ഒപ്പം

ന്യൂഡൽഹി: രാജ്യത്ത്​ ഇന്ധന വില അനുദിനം കുതിച്ചുകൊണ്ടിരിക്കുകയാണ്​. നാല്​ സംസ്ഥാനങ്ങളിലെ നിയമസഭ തെരഞ്ഞെടുപ്പോടെ താൽക്കാലികമായി നിർത്തിവെച്ചിരുന്ന ഇന്ധനവില വർധന തുടർച്ചയായി ഉയർന്നുകൊണ്ടിരിക്കുകയാണ്​.

മുംബൈയിൽ പെട്രോൾ വില 99.94ൽ എത്തിയതോടെ രസികൻ ട്വീറ്റുകളും പ്രവഹിച്ചുതുടങ്ങി. ക്രിക്കറ്റിലെ ഏറ്റവും ഉയർന്ന ബാറ്റിങ്​ ശരാശരിക്കുടമയായ സാക്ഷാൽ ഡോണാൾഡ്​ ബ്രാഡ്​മാ​െൻറ 99.94നോടാണ്​ ആളുകൾ പെട്രോൾവിലയെ താരതമ്യം ചെയ്​തത്​. രസികൻ ട്രോൾ പങ്കുവെച്ചവരിൽ കോൺഗ്രസ്​ നേതാവ്​ ശശി തരൂരും ഉൾപ്പെടും.

നേ​രത്തേ പെട്രോൾവില നൂറുകടന്നപ്പോൾ സചിൻ ടെണ്ടുൽക്കറുടെ സെഞ്ച്വറിയോട്​ ഉപമിച്ചായിരുന്നു ട്രോളുകൾ ഒഴുകിയിരുന്നത്​. ജയ്​പൂർ അടക്കമുള്ള പല നഗരങ്ങളിലും നിലവിൽ പെട്രോൾ വില സെഞ്ച്വറി പിന്നിട്ടുണ്ട്​.