Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightപാറ്റ്​ കമ്മിൻസ്​...

പാറ്റ്​ കമ്മിൻസ്​ ആസ്​ട്രേലിയൻ ടെസ്​റ്റ്​ ക്യാപ്​റ്റൻ; ടിം പെയ്​ൻ അനിശ്​ചിതകാലത്തേക്ക്​ മാറി നിൽക്കും

text_fields
bookmark_border
പാറ്റ്​ കമ്മിൻസ്​ ആസ്​ട്രേലിയൻ ടെസ്​റ്റ്​ ക്യാപ്​റ്റൻ; ടിം പെയ്​ൻ അനിശ്​ചിതകാലത്തേക്ക്​ മാറി നിൽക്കും
cancel

മെൽബൺ: പാറ്റ്​ കമ്മിൻസ്​ ആസ്​ട്രേലിയൻ ടെസ്റ്റ്​ ടീമിനെ നയിക്കും. ക്രിക്കറ്റ്​ ആസ്​ട്രേലിയയാണ്​ പുതിയ ക്യാപ്​റ്റനെ പ്രഖ്യാപിച്ചത്​. സ്റ്റീവ്​ സ്​മിത്താണ്​ വൈസ്​ ക്യാപ്​റ്റൻ. അശ്ലീലചാറ്റിൽ കുടുങ്ങി ടിം പെയ്​ൻ രാജിവെച്ച്​ ഒഴിവിലേക്കാണ്​ പാറ്റ്​ കമ്മിൻസ്​ എത്തുന്നത്​. പെയ്​ൻ അനിശ്​ചതകാലത്തേക്ക്​ കളിക്കളത്തിൽ നിന്നും മാറി നിൽക്കുകയാണെന്ന്​ അറിയിച്ചതിന്​ പിന്നാലെയാണ്​ പാറ്റ്​ കമ്മിൻസ്​ ക്യാപ്​റ്റനായി എത്തുന്നത്​.

1956ൽ റേയ്​ ലിൻഡ്​വാൾ ആസ്​ട്രേലിയയുടെ ക്യാപ്​റ്റനായതിന്​ ശേഷം ഇതാദ്യമായാണ്​ ഒരു ഫാസ്റ്റ്​ ​ബൗളർ ആസ്​ട്രേലിയയെ നയിക്കാനെത്തുന്നത്​. ക്യാപ്​റ്റൻ സ്ഥാനം തനിക്ക്​ ലഭിച്ച അംഗീകാരമാണെന്ന്​ പാറ്റ്​ കമ്മിൻസ്​ പറഞ്ഞു. കഴിഞ്ഞ കുറേ വർഷങ്ങളായി ടിം നയിക്കുന്ന രീതിയിൽ തന്നെ ടീമിനെ നയിക്കാൻ തനിക്ക്​ കഴിയുമെന്നാണ്​ പ്രതീക്ഷയെന്ന്​ പാറ്റ്​ കമ്മിൻസ്​ പറഞ്ഞു.

ഞാനും സ്റ്റീവും ക്യാപ്​റ്റൻമാരായ ടീമിൽ ഒരുപാട്​ മുതിർന്ന താരങ്ങളുണ്ട്​. യുവനിര ടീമിലേക്ക്​ വരാൻ കാത്തുനിൽക്കുകയുമാണ്​. മികച്ച ഒരു ടീമാണ്​ തങ്ങളുടേതെന്ന്​ പാറ്റ്​ കമ്മിൻസ്​ കൂട്ടിച്ചേർത്തു. ഇംഗ്ലണ്ടിനെതിരായ ആഷസ്​ ടെസ്റ്റിന്​​ ആഴ്ചകൾ മാത്രം ബാക്കി നിൽക്കെയാണ്​ ആസ്​ട്രേലിയ പുതിയ ക്യാപ്​റ്റനെ പ്രഖ്യാപിച്ചത്​.

2018ലെ പന്ത്​ ചുരണ്ടൽ വിവാദത്തിന്​ ശേഷം ഇതാദ്യമായാണ്​ സ്റ്റീവ്​ സ്​മിത്ത്​ ക്യാപ്​റ്റൻ സ്ഥാനത്തേക്ക്​ തിരിച്ചെത്തുന്നത്​. ക്യാപ്​റ്റൻ സ്ഥാനത്തേക്ക്​ തിരിച്ചെത്തുന്നതിൽ സന്തോഷമുണ്ടെന്ന്​ സ്റ്റീവ്​ സ്​മിത്ത്​ പ്രതികരിച്ചു. പാറ്റിനെ സഹായിക്കാനായി കാത്തിരിക്കുകയാണ്​. ദീർഘകാലമായി ഒന്നിച്ച്​ കളിച്ച താരങ്ങളാണ്​ താനും പാറ്റ്​ കമ്മിൻസുമെന്നും സ്റ്റീവ്​ സ്​മിത്ത്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Pat Cummins
News Summary - Pat Cummins named Australian Test captain and Steve Smith vice-captain
Next Story