Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightരാജസ്ഥാന്​ എട്ടി​െൻറ...

രാജസ്ഥാന്​ 'എട്ടി​െൻറ' പണി കൊടുത്ത്​ ഹൈദരാബാദ്​

text_fields
bookmark_border
രാജസ്ഥാന്​ എട്ടി​െൻറ പണി കൊടുത്ത്​ ഹൈദരാബാദ്​
cancel

ദുബൈ: രാജസ്ഥാൻ റോയൽസിന്​ ​സൺറൈസേഴ്​സ്​ ഹൈദരാബാദി​െൻറ വക എട്ടി​െൻറ പണി. രാജസ്ഥാൻ ഉയർത്തിയ 154 റൺസ്​ പിന്തുടർന്നിറങ്ങിയ സൺറൈസേഴ്​സ്​ മനീഷ്​ പാണ്ഡേയുടേയും വിജയ്​ ശങ്കറി​െൻറയും കരുത്തിൽ എട്ടുവിക്കറ്റി​െൻറ ജയം ​സ്വന്തമാക്കി. തോൽവിയോടെ രാജസ്ഥാ​െൻറ സെമിസാധ്യതകൾ തുലാസിലായി.

ചെറിയ വിജയലക്ഷ്യം പിന്തുടർന്നിറങ്ങിയ ഹൈദരാബാദി​െൻറ തുടക്കം തകർച്ചയോടെയായിരുന്നു. സ്​റ്റാർ ബാറ്റ്​സ്​മാൻമാരായ ഡേവിഡ്​ വാർണറും ജോണി ബാരിസ്​റ്റോയും ജോഫ്ര ആർച്ചറുടെ പന്തുകളിൽ വേഗം കൂടാരം കയറി. എന്നാൽ പിന്നാലെയെത്തിയ മനീഷ്​ പാണ്ഡേ മത്സരവും ദിവസവും ത​േൻറതാക്കി മാറ്റുകയായിരുന്നു. വിജയ്​ ശങ്കറിനെ ഒരറ്റത്ത്​ നിർത്തി അടിച്ചുതകർത്ത പാണ്ഡേ 47 പന്തുകളിൽ 83 റൺസെടുത്തു. 51 പന്തിൽ 52 റൺസെടുത്ത ശങ്കർ സ്​ട്രൈക്ക്​ റൊ​ട്ടേറ്റ്​ ചെയ്​തും ആവശ്യ സമയത്ത്​ ബൗണ്ടറികളടിച്ചും പാണ്ഡേക്ക്​ ഒത്തപങ്കാളിയായി. നാലാംവിക്കറ്റിൽ ഇരുവരും ചേർന്ന്​ പടുത്തുയടർത്തിയത് 140 റൺസി​െൻറ​ കൂറ്റൻ കൂട്ടുകെട്ട്​. ഫലത്തിൽ ഹൈദരാബാദിന്​ എട്ടുവിക്കറ്റി​െൻറ വമ്പൻ ജയം.


പത്തുമത്സരങ്ങളിൽ നിന്നും എട്ട്​ പോയൻറുമായി സൺറൈസേഴ്​സ്​ പോയൻറ്​ പട്ടികയിൽ അഞ്ചാം സ്ഥാനത്തേക്ക്​ കയറി. പഞ്ചാബിനും ഒരു മത്സരം അധികം കളിച്ച രാജസ്ഥാനും എട്ട്​ പോയൻറുണ്ടെങ്കിലും റൺറേറ്റിൽ ഹൈദരാബാദാണ്​ മുമ്പിൽ. തോൽവിയോടെ രാജസ്ഥാൻ പുറത്തേക്കുള്ള വഴിയിലാണ്​. ശേഷിക്കുന്ന മൂന്നുമത്സരങ്ങൾ ജയിച്ചാലും മറ്റുള്ളവരുടെ ഫലംകൂടി പരിഗണിച്ചാകും സെമി സാധ്യതകൾ.

ആദ്യം ബാറ്റുചെയ്​ത റോയൽസിനായി 32 പന്തുകളിൽ 30 റൺസെടുത്ത ബെൻ സ്​റ്റോക്​സ്​, 26 പന്തിൽ നിന്നും 36 റൺസെടുത്ത സഞ്​ജു സാംസൺ, 12 പന്തിൽ നിന്നും 20 റൺസെടുത്ത റിയാൻ പരാഗ്​ എന്നിവർ ഭേദപ്പെട്ട പ്രകടനം കാഴ്​ചവെച്ചു. രാജസ്ഥാൻ നിരയിൽ ആർക്കും ക്രീസിലുറച്ച്​ റൺനിരക്കുയർത്താനായില്ല. ജേസൺ​ ഹോൾഡർ ഹൈദരാബാദിനായി മൂന്നുവിക്കറ്റ്​ വീഴ്​ത്തി.

Show Full Article
TAGS:Rajasthan Royals IPL 2020 
Next Story