ട്വ​ന്റി20: വിൻഡിനെ വീഴ്ത്തി പാ​കി​സ്താ​ന് പ​ര​മ്പ​ര നേട്ടം

ലോ​ഡ​ർ​ഹി​ൽ (യു.​എ​സ്): മൂ​ന്നാ​മ​ത്തെ​യും അ​വ​സാ​ന​ത്തെ​യും ക​ളി​യി​ൽ വെ​സ്റ്റി​ൻ​ഡീ​സി​നെ 13 റ​ൺ​സി​ന് തോ​ൽ​പി​ച്ച് പാ​കി​സ്താ​ൻ ട്വ​ന്റി20 പ​ര​മ്പ​ര 2-1ന് ​സ്വ​ന്ത​മാ​ക്കി. പാ​കി​സ്താ​ൻ 20 ഓ​വ​റി​ൽ നാ​ല് വി​ക്ക​റ്റി​ന് 189 റ​ൺ​സ് നേ​ടി. വി​ൻ​ഡീ​സ് മ​റു​പ​ടി 20 ഓ​വ​റി​ൽ ആ​റി​ന് 176ൽ ​അ​വ​സാ​നി​ച്ചു. പാ​ക് ഓ​പ​ണ​ർ​മാ​രാ​യ സാ​ഹി​ബ്സാ​ദ ഫ​ർ​ഹാ​നും (53 പ​ന്തി​ൽ 74) സാ​യിം അ​യ്യൂ​ബും (49 പ​ന്തി​ൽ 66) ഒ​ന്നാം വി​ക്ക​റ്റി​ൽ ചേ​ർ​ത്ത 138 റ​ൺ​സാ​ണ് പൊ​രു​താ​വു​ന്ന സ്കോ​ർ സ​മ്മാ​നി​ച്ച​ത്. വി​ൻ​ഡീ​സ് ബാ​റ്റ​ർ​മാ​രി​ൽ അ​ലി​ക് അ​ത​നാ​സും (60) ഷെ​ർ​ഫാ​ൻ റ​ഥ​ർ​ഫോ​ഡും (51) അ​ർ​ധ ശ​ത​ക​ങ്ങ​ൾ നേ​ടി.

പരമ്പരയിലെ ആദ്യ മത്സരത്തിൽ പാകിസ്താൻ 41 റൺസിന് ജയിച്ചിരുന്നു. എന്നാൽ, രണ്ടാം ട്വന്റി20യിൽ ഉജ്വലമായ ചെറുത്തുനിൽപ് നടത്തിയ വിൻഡീസ് രണ്ടു വിക്കറ്റിന്റെ ജയവുമായി തിരികെയെത്തിയെങ്കിലും മൂന്നാം മത്സരം പാകിസ്താൻ 13 റൺസിന് സ്വന്തമാക്കി പരമ്പര തങ്ങളുടേതാക്കി മാറ്റുകയായിരുന്നു. മൂന്ന് ഏകദിനങ്ങളടങ്ങിയ പരമ്പരക്ക് ആഗസ്റ്റ് എട്ട് വെള്ളിയാഴ്ച തുടക്കം കുറിക്കും.