Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right100 ട്വന്‍റി20...

100 ട്വന്‍റി20 വിജയങ്ങൾ നേടുന്ന ആദ്യ രാജ്യമായി പാകിസ്​താൻ

text_fields
bookmark_border
pakistan cricket
cancel

ജൊഹനാസ്​ബർഗ്​: 100 അന്താരാഷ്​ട്ര ട്വന്‍റി20 വിജയങ്ങൾ നേടുന്ന ആദ്യ ടീമെന്ന റെക്കോഡ്​ പാകിസ്​താൻ ക്രിക്കറ്റ്​ ടീമിന്​ സ്വന്തം. ട്വന്‍റി20 പരമ്പരയിലെ ആദ്യ മത്സരത്തിൽ ദക്ഷിണാഫ്രിക്കയെ നാലുവിക്കറ്റിന്​ തോൽപിച്ചാണ്​ പാകിസ്​താൻ റെക്കോഡ്​ നേട്ടത്തിലെത്തിയത്​.

ഇതുവരെ 164 മത്സരങ്ങൾ കളിച്ച പാക്​ ടീം 100 എണ്ണം വിജയിച്ചപ്പോൾ 59 എണ്ണം തോറ്റു. മൂന്ന്​ മത്സരങ്ങൾ സമനിലയായപ്പോൾ രണ്ടെണ്ണം ഉപേക്ഷിച്ചു.

142 മത്സരങ്ങളിൽ നിന്ന്​ 88 വിജയങ്ങളുമായി ചിരവൈരികളായ ഇന്ത്യയാണ്​ രണ്ടാം സ്​ഥാനത്ത്​. 47 മത്സരങ്ങൾ ടീം ഇന്ത്യ തോറ്റ​പ്പോൾ മൂന്നെണ്ണം ടൈ ആയി. നാല്​ മത്സരങ്ങൾ ഉപേക്ഷിച്ചു. 71വിജയങ്ങൾ വീതവ​ുമായി ആസ്​ട്രേലിയ (136 മത്സരങ്ങൾ), ദക്ഷിണാഫ്രിക്ക (128 മത്സരങ്ങൾ), ന്യൂസിലൻഡ്​ (145 മത്സരങ്ങൾ) എന്നീ ടീമുകളാണ്​ മൂന്നാം സ്​ഥാനത്ത്​.

ജെഹനാസ്​ബർഗിൽ ആദ്യം ബാറ്റുചെയ്​ത ദക്ഷിണാഫ്രിക്ക ആറുവിക്കറ്റ്​ നഷ്​ടത്തിൽ 188 റൺസെടുത്തു. എയ്​ഡൻ മാർക്രം (51), ഹെന്‍റിക്​ ക്ലാസൻ (50), പിറ്റ്​ വാൻ ബില്യോൻ (24 പന്തിൽ 34) എന്നിവർ ദക്ഷിണാഫ്രിക്കക്കായി തിളങ്ങി.

മറുപടി ബാറ്റിങ്ങിനിറങ്ങിയ പാകിസ്​താൻ ഒരുപന്ത്​ ശേഷിക്കേ ആറ്​ വിക്കറ്റ്​ നഷ്​ടത്തിൽ ലക്ഷ്യത്തിലെത്തി. തിങ്കളാഴ്ചയാണ്​ പരമ്പരയിലെ രണ്ടാമത്തെ മത്സരം.

Show Full Article
TAGS:Pakistan T20I Cricket 
News Summary - Pakistan have become the first team to win 100 men's T20Is
Next Story