Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightഅന്നൊരു സീനിയർ താരം...

അന്നൊരു സീനിയർ താരം എന്നെ പരിഹസിച്ചു; ഇന്ത്യൻ ടീമിലെ 'വേർതിരിവ്' തുറന്നെഴുതി സു​േരഷ്​ റെയ്​ന​

text_fields
bookmark_border
suresh raina
cancel

ന്യൂഡൽഹി: ഇന്ത്യൻ ക്രിക്കറ്റിനെ സംബന്ധിച്ചിടത്തോളം സംഭവബഹുലമായിരുന്നു ഗ്രെഗ്​ ചാപ്പൽ യുഗം. നായകൻ സൗരവ്​ ഗാംഗുലിയുമായുണ്ടായ സ്വരച്ഛേർച്ചയില്ലായ്​മയും ഗാംഗുലിയുടെ പുറത്താകലും സീനിയർതാരങ്ങളും മാനേജ്​മെന്‍റും തമ്മിലുള്ള ഉരസലും അടക്കം നിരവധി സംഗതികൾ ഗ്രെഗ്​ ചാപ്പൽ കോച്ചായിരുന്ന കാലത്ത്​ ഉണ്ടായിരുന്നു. ചാപ്പലിന്‍റെ ശിക്ഷണത്തിൽ ഇന്ത്യ നിരവധി പരമ്പരകൾ വിജയിച്ചെങ്കിലും 2007 ഏകദിന ലോകകപ്പിന്‍റെ ആദ്യ റൗണ്ടിൽ പുറത്തായതാണ്​ എന്നെന്നും ഓർമിക്കപ്പെടുക. ഇപ്പോൾ സുരേഷ്​ റെയ്​നയുടെ ആത്മകഥ 'ബിലീവ്​'ന്‍റെ ഒരു ഭാഗം മിഡ്​ഡേയിൽ പ്രസിദ്ധീകരിച്ച്​ വന്നതോടെ ചാപ്പൽ യു​ഗം വീണ്ടും ചർച്ചയാകുകയാണ്​.

ഇന്ത്യൻ ടീമിലെ തന്‍റെ തുടക്കകാലത്ത്​ നേരിടേണ്ടി വന്ന സീനിയർ-ജൂനിയർ വേർതിരിവിനെ കുറിച്ച്​ തുറന്നു പറഞ്ഞ റെയ്​ന ​എം.എസ്​. ധോണി, ഇർഫാൻ പത്താൻ, ആർ.പി. സിങ്​, എസ്​. ശ്രീശാന്ത്​, മുരളി കാർത്തിക്ക്​ തുടങ്ങിയ യുവതാരങ്ങളുടെ ഉയർച്ചക്കുള്ള കാരണക്കാരൻ ചാപ്പലാണെന്നും എഴുതി.

ചാപ്പലും റെയ്​നയും

'ഇന്ത്യൻ ക്രിക്കറ്റ്​ ചരിത്രത്തിൽ തങ്കലിപികളിലാണ്​ സൗരവ്​ ഗാംഗുലിയുടെ നേതൃത്വത്തിലുള്ള ടീമിനെ അടയാളപ്പെടുത്തിയിരിക്കുന്നത്​. എന്നാൽ ഇന്ത്യൻ ടീമിലേക്കുള്ള യുവതാരങ്ങളുടെ രംഗപ്രവേശനത്തിനുള്ള എല്ലാ ക്രെഡിറ്റും ഗ്രെഗ്​ ചാപ്പലിനാണ്​. വെല്ലുവിളികൾ നേരിടാൻ ഞങ്ങളെ പ്രാപ്​തരാക്കിയത്​ അദ്ദേഹമാണ്' -റെയ്​ന പറഞ്ഞു​.


ഗാംഗുലിയും ഗ്രെഗ്​ ചാപ്പലും

'ടീമിലെ മുതിർന്ന കളിക്കാരിലൊരാൾ എന്നെ പരിഹസിക്കാൻ അടുത്ത് വന്നത് ഞാൻ ഓർക്കുന്നു. ഞാൻ മാത്രമാണ് കളിക്കാൻ പോകുന്നത് എന്ന മട്ടിൽ എല്ലാ 'എക്സ്ട്രാ' പ്രാക്ടീസ് സെഷനുകളും എനിക്ക് മാത്രമാണ് ലഭിച്ചതെന്നായിരുന്നു അദ്ദേഹം പറഞ്ഞത്​. ആരെയും വേദനിപ്പിക്കാനുള്ള ഉദ്ദേശ്യമില്ലാത്തതിനാൽ എന്നോടൊപ്പം ചേരാൻ ഞാൻ അദ്ദേഹത്തോട്​ ആവശ്യപ്പെട്ടു. എന്നെ സംബന്ധിച്ചിടത്തോളം റാഗിങ്​ വലിയ കാര്യമല്ലായിരുന്നു. ഹോസ്റ്റൽ ജീവിതത്തിന് നന്ദി​' -റെയ്​ന പറഞ്ഞു.

'എന്നാൽ ഇന്ത്യൻ ഡ്രസിങ്​ റൂമിൽ ആരെങ്കിലും 'റാഗ്​​' ചെയ്യപ്പെട്ടു​വെന്ന് ഞാൻ പറയില്ല. എന്നെ വിശ്വസിക്കൂ, റാഗിങ്​ എന്താണെന്ന് എനിക്കറിയാം. ഞങ്ങൾക്ക് അത് ഇല്ല. ചില കളിക്കാരുമായി ഞങ്ങൾക്ക് ചില പ്രശ്​​നങ്ങൾ ഉണ്ടായിരുന്നു. ചില മുതിർന്ന കളിക്കാരെ ഞങ്ങൾ രാവിലെ അഭിവാദ്യം ചെയ്യാറുണ്ടായിരുന്നു. എന്നാൽ അവർ തിരികെ അഭിവാദ്യം ചെയ്യില്ല. ഞാനൊരിക്കലും ഇതൊന്നും ഗൗരവത്തിലെടുത്തില്ല' -റെയ്​ന എഴുതി.

ചാപ്പലിന്‍റെ കാലഘട്ടത്തിൽ തന്നെ യുവതാരങ്ങളെ കൂടുതൽ പ്രചോദിപ്പിച്ചത്​ രാഹുൽ ദ്രാവിഡായിരുന്നുവെന്ന്​ റെയ്​ന പറഞ്ഞു. സീനിയർ-ജൂനിയർ വേർതിരിവ്​ യുവതാരങ്ങളെ ബാധിക്കാതിരിക്കാൻ ദ്രാവിഡ്​ ശ്രദ്ധിച്ചതായി റെയ്​ന പറഞ്ഞു.

സചിനും ദ്രാവിഡിനുമൊപ്പം ഗ്രെഗ്​ ചാപ്പൽ

'രാഹുൽ ഭായ് ഒരു നല്ല ക്യാപ്റ്റനായിരുന്നു. അത്തരം പ്രശ്‌നങ്ങൾ ഞങ്ങളുടെ പ്രകടനത്തെ ബാധിച്ചില്ലെന്ന് അദ്ദേഹം ഉറപ്പാക്കും. അതിനാൽ, ചെറുപ്പക്കാരായ ഞങ്ങൾ ഒരിക്കലും അത്തരം സാഹചര്യങ്ങളിൽ ഏത്തിപ്പെടാതിരിക്കാൻ നോക്കും. അവർക്ക് യോഗങ്ങൾ ഉണ്ടാകുമ്പോൾ ഞങ്ങൾ ഓടാനോ പരിശീലനത്തിനോ പോകും. അതിനാൽ തിരശ്ശീലക്ക്​ പിന്നിൽ എന്താണ് സംഭവിച്ചതെന്ന് ഞങ്ങൾക്കറിയില്ല. എന്‍റെ കാഴ്ചപ്പാടിൽ ഗ്രെഗ് ചാപ്പൽ ഒരിക്കലും തെറ്റുകാരനല്ല. കാരണം ടീം എല്ലായ്പ്പോഴും വിരൽത്തുമ്പിലാണെന്ന് ഉറപ്പുവരുത്താൻ അദ്ദേഹം പരിശ്രമിച്ചു. ഒരു കളിക്കാരനെയും അനുകൂലിക്കുകയും ചെയ്തില്ല. ഞങ്ങൾ തോറ്റപ്പോൾ ഗ്രെഗ് അനുകമ്പയില്ലാതെ പെരുമാറി. എന്നാൽ ഭൂരിഭാഗവും സീനിയർ കളിക്കാരോടായിരുന്നു' -റെയ്​ന പറഞ്ഞു.

മഹേന്ദ്ര സിങ്​ ധോണിയോടൊപ്പം ക്രിക്കറ്റിൽ നിന്ന്​ വിരമിച്ച റെയ്​ന ഇപ്പോൾ ഐ.പി.എല്ലിൽ മാത്രമാണ്​ കളത്തിലെത്തുന്നത്​. കോവിഡ്​ ബാധയെ തുടർന്ന്​ നിർത്തിവെച്ച ഐ.പി.എൽ 14ാം സീസൺ സെപ്​റ്റംബർ-ഒക്​ടോബർ മാസങ്ങളിലായി യു.എ.ഇയിൽ പുനരാരംഭിക്കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:suresh rainasourav gangulygreg chappellcricket
News Summary - I remember one senior player mocked me: Suresh Raina Reveals Team Dynamics in Greg Chappell Era
Next Story