Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_right'ഇത് ന്യൂസിലാൻഡ്​...

'ഇത് ന്യൂസിലാൻഡ്​ ക്രിക്കറ്റി​െൻറ സുവർണ്ണ കാലഘട്ടം'; കിവികളുടെ വിജയം ആഘോഷിച്ച്​ പ്രധാനമന്ത്രിയും

text_fields
bookmark_border
ഇത് ന്യൂസിലാൻഡ്​ ക്രിക്കറ്റി​െൻറ സുവർണ്ണ കാലഘട്ടം; കിവികളുടെ വിജയം ആഘോഷിച്ച്​ പ്രധാനമന്ത്രിയും
cancel

ഇന്ത്യയെ എട്ട്​ വിക്കറ്റിന്​ തകർത്തെറിഞ്ഞ് പ്രഥമ​ ലോക ടെസ്റ്റ്​ ചാമ്പ്യൻഷിപ്പ്​ കിരീടത്തിൽ കിവികൾ മുത്തമിട്ടതോടെ ന്യൂസിലാൻഡ്​ ജനത ആഘോഷത്തിലാണ്​. 2015, 2019 ​ഏകദിന ലോകകപ്പുകളിൽ ഫൈനലിൽ കിരീടം കൈവിട്ട തങ്ങളുടെ പ്രിയ ടീമി​െൻറ ടെസ്റ്റ്​ ലോക കിരീടം അവർക്ക്​ ഏറ്റവും പ്രത്യേകത നിറഞ്ഞത്​ തന്നെയാണ്​. പ്രധാനമന്ത്രി ജസിന്ത ആർഡേനും കിവീസിന്​ അഭിനന്ദനമറിയിച്ചുകൊണ്ട്​ രംഗത്തെത്തി.

അർഹിച്ച ജയമാണ്​ ന്യൂസിലാൻഡിന്​ ലഭിച്ചതെന്ന്​ ജസിന്ത ആർഡേൻ ഒരു പ്രസ്​താവനയിൽ പറഞ്ഞു. മത്സരത്തിലുടനീളം കിവികൾ മികച്ച പ്രകടനം കാഴ്​ച്ചവെച്ചതായും അവർ വ്യക്​തമാക്കി. സമർത്ഥരും വിനയമുള്ളവരുമായ ഒരു ടീമിനെ പടുത്തുയർത്തുന്നതിൽ വിജയിച്ച നായകൻ കെയിൻ വില്യംസണെ അഭിനന്ദിച്ച പ്രധാനമന്ത്രി എല്ലാ ന്യൂസിലാൻഡുകാർക്കും ടീം ഒരുപാട്​ പ്രചോദനമായെന്നും പറഞ്ഞു.

'കഴിഞ്ഞ കുറേ വർഷങ്ങളായി ഇൗ ടീമി​െൻറ വളർച്ചയും ടീം സംസ്കാരവും രൂപപ്പെട്ടുവരുന്നത്​ നാം കാണുകയാണ്​.. ഇപ്പോഴത്​ ന്യൂസിലാൻഡ്​ ക്രിക്കറ്റിനെ ലോകത്തെ തോൽപ്പിക്കുന്ന നിലവാരത്തിലേക്ക്​ എത്തിച്ചു. ഇൗ വിജയം ആ പ്രയത്നങ്ങളുടെ പ്രതിഫലമാണ്​. ടീം നാട്ടിലേക്ക്​ തിരിച്ചെത്തുന്നതിനും അവരുടെ വിജയം ആഘോഷമാക്കുന്നതിനും വേണ്ടി ഞങ്ങൾ ആവേശത്തോടെ കാത്തിരിക്കുകയാണ്​. -ജസീന്ത ആർഡേൻ പ്രസ്​താവനയിൽ കൂട്ടിച്ചേർത്തു.

ന്യൂസിലാൻഡി​െൻറ കായിക മന്ത്രിയും കടുത്ത ക്രിക്കറ്റ്​ പ്രേമിയുമായ ഗ്രാൻറ്​ റോബർട്ട്​സണും ടീമി​െൻറ വിജയത്തിലുള്ള ആവേശം പങ്കുവെച്ചു. " 2019ലെ ലോകകപ്പ് ഏകദിന ഫൈനൽ മത്സരം കാണാൻ ലോർഡ്‌സിൽ ഞാനുമുണ്ടായിരുന്നു. എല്ലാ ന്യൂസിലാൻറുകാരെയും പോലെ ആ ദിവസത്തെ ഹൃദയവേദന ഞാൻ ഒരിക്കലും മറക്കില്ല," -അദ്ദേഹം പറഞ്ഞു.

"എന്നാൽ ഇപ്പോഴത്തെ ടീം അവിശ്വസനീയമാംവിധമുള്ള അവരുടെ ഇച്ഛാശക്​തി തെളിയിക്കുകയും ഇപ്പോൾ ലോക റാങ്കിങ്ങിൽ തന്നെ ഏറ്റവും മുകളിൽ ഇരിക്കുകയും ചെയ്യുന്നു. "ഇത് ന്യൂസിലാൻഡ്​ ക്രിക്കറ്റി​െൻറ സുവർണ്ണ കാലഘട്ടമാണ്, ഇത് വരും തലമുറകളെ പ്രചോദിപ്പിക്കും." -അദ്ദേഹം കൂട്ടിച്ചേർത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:World Test ChampionshipJacinda ArdernNew Zealand vs India
News Summary - New Zealand vs India new world Test champions lauded after win
Next Story