കിവികൾക്ക് മുന്നിൽ കടുവകളും വീണു; ന്യൂ​സി​ല​ൻ​ഡ് ജ​യം എ​ട്ടു വി​ക്ക​റ്റി​ന്

ചെ​ന്നൈ: ആ​ദ്യാ​വ​സാ​നം എ​തി​രാ​ളി​ക​ളെ ബ​ഹു​മാ​നി​ച്ചു ക​ളി​ച്ച ന്യൂ​സി​ല​ൻ​ഡി​​ന് ബം​ഗ്ല​ദേ​ശി​നെ​തി​രെ അ​നാ​യാ​സ ജ​യം. എ​തി​രാ​ളി​ക​ൾ ഉ​യ​ർ​ത്തി​യ ശ​രാ​ശ​രി ല​ക്ഷ്യം മു​ന്നി​ൽ​വെ​ച്ച് ക​രു​ത​ലോ​ടെ ക​ളി​ച്ചാ​ണ് ന്യൂ​സി​ല​ൻ​ഡ് ക്രി​ക്ക​റ്റ് ലോ​ക​ക​പ്പി​ലെ തു​ട​ർ​ച്ച​യാ​യ മൂ​ന്നാം ജ​യം സ്വ​ന്ത​മാ​ക്കി​യ​ത്. സ്കോ​ർ- ബം​ഗ്ല​ദേ​ശ് 245/9, ന്യൂ​സി​ല​ൻ​ഡ് 248/2

ആ​ദ്യം ബാ​റ്റു ചെ​യ്ത ബം​ഗ്ല​ദേ​ശ് തു​ട​ക്ക​ത്തി​ലേ പ​ത​റി​യ​​പ്പോ​ൾ ഇ​ന്നി​ങ്സ് ​വ​ള​രെ പ​തി​യെ​യാ​ണ് പു​രോ​ഗ​മി​ച്ച​ത്. ഓ​പ​ണ​ർ ലി​ട്ടൺ ദാ​സ് സം​പൂ​ജ്യ​നാ​യ​പ്പോ​ൾ സ​ഹ​താ​രം ത​ൻ​സീ​ദ് ഹ​സ​നും കാ​ര്യ​മാ​യ സ​മ്പാ​ദ്യ​മി​ല്ലാ​തെ മ​ട​ങ്ങി. മ​ധ്യ​നി​ര​യി​ൽ ശ​കീ​ബു​ൽ ഹ​സ​നും (40) മു​ശ്ഫി​ഖു റ​ഹീ​മും (66) ആ​ണ് വ​ൻ ദു​ര​ന്ത​മു​ഖ​ത്ത് ടീ​മി​ന്റെ കൈ​പി​ടി​ച്ച​ത്. വാ​ല​റ്റ​ത്ത് മ​ഹ്മൂ​ദു​ല്ല 41 റ​ൺ​സു​മാ​യി പു​റ​ത്താ​കാ​തെ നി​ന്നു. ലോ​ക്കി ഫെ​ർ​ഗു​സ​ൺ മൂ​ന്നു വി​ക്ക​റ്റ് വീ​ഴ്ത്തി​യ​​പ്പോ​ൾ ട്രെ​ന്റ് ബോ​ൾ​ട്ട്, മാ​റ്റ് ഹെ​ന്റി എ​ന്നി​വ​ർ ര​ണ്ടു വീ​ത​വും സ്വ​ന്ത​മാ​ക്കി.

താ​ര​ത​മ്യേ​ന ചെ​റി​യ ടോ​ട്ട​ൽ മു​ന്നി​ൽ​നി​ർ​ത്തി ബാ​റ്റി​ങ് തു​ട​ങ്ങി​യ ന്യൂ​സി​ല​ൻ​ഡ് ഒ​രു ഘ​ട്ട​ത്തി​ലും അ​പ​ക​ടം മ​ണ​ത്തി​ല്ല. ക​ഴി​ഞ്ഞ ക​ളി​ക​ളി​ലെ മി​ക​വ് നി​ല​നി​ർ​ത്തി​യ ഡെ​വ​ൻ കോ​ൺ​വേ 45 റ​ൺ​സു​മാ​യി ന​ൽ​കി​യ തു​ട​ക്കം ക്യാ​പ്റ്റ​ൻ കെ​യി​ൻ വി​ല്യം​സ​ണും (78 റി​ട്ട. ഹ​ർ​ട്ട്) ഡാ​രി​ൽ മി​ച്ച​ലും (89 നോ​ട്ടൗ​ട്ട്) ചേ​ർ​ന്ന് പൂ​ർ​ത്തി​യാ​ക്കു​ക​യാ​യി​രു​ന്നു.