Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightതന്‍റെ വിടവാങ്ങൽ...

തന്‍റെ വിടവാങ്ങൽ മത്സരം നടക്കുക ആ സ്​റ്റേഡിയത്തിലെന്ന്​​ ധോണി

text_fields
bookmark_border
ms dhoni
cancel

ദുബൈ: കഴിഞ്ഞ വർഷം ആഗസ്റ്റ്​ 15ന്​ അപ്രതീക്ഷിതമായാണ്​ ഇന്ത്യയുടെ മുൻ നായകൻ എം.എസ്​. ധോണി അന്താരാഷ്​ട്ര ക്രിക്കറ്റിൽ നിന്ന്​ വിരമിച്ചത്​. നിലവിൽ ഐ.പി.എല്ലിൽ ചെന്നൈ സൂപ്പർ കിങ്​സിനെ നയിക്കുന്ന ധോണി ലീഗിൽ നിന്നും യാതൊരു മുന്നറിയിപ്പുമില്ലാതെ വിരമിക്കുമോ എന്ന പേടിയിലാണ്​ ആരാധകർ. എന്നാൽ സി.എസ്​.കെ ജഴ്​സിയിലെ തന്‍റെ ഭാവി സംബന്ധിച്ച്​ സുപ്രധാന വെളിപ്പെടുത്തൽ നടത്തിയിരിക്കുകയാണ്​ ധോണി.

ചെന്നൈ ചെപ്പോക്കിൽ തന്‍റെ വിടവാങ്ങൽ മത്സരം കളിക്കാനാണ്​ ആഗ്രഹമെന്നാണ്​ സാമൂഹിക മാധ്യമത്തിൽ ആരാധകരോട്​ സംവദിച്ച ധോണി പറഞ്ഞത്​.

സി.എസ്​.കെയുടെ ഔദ്യോഗിക യൂട്യൂബ്​ പേജിൽ ദീപക്​ ചഹർ, ഇംറാൻ താഹിർ, ശർദുൽ ഠാക്കൂർ എന്നിവർക്കൊപ്പമായിരുന്നു ധോണി ആരാധകരുടെ ചോദ്യത്തിന് ലൈവ്​ സെഷനിലൂടെ​ മറുപടി പറഞ്ഞത്​.

താരത്തിന്‍റെ അവസാന മത്സരത്തിന്​ സാക്ഷിയാവാനാകാത്തതിൽ സങ്കടമുണ്ടെന്ന്​ പറഞ്ഞ ആരാധിക എന്തുകൊണ്ടാണ്​ ആഗസ്റ്റ്​ 15 ന്​ അന്താരാഷ്​ട്ര ക്രിക്കറിൽ നിന്ന്​ വിരമിച്ചതെന്ന്​ ധോണിയോട്​ ചോദിച്ചു.

'ആഗസ്റ്റ് 15-അതിനേക്കാൾ മികച്ച ദിവസമായിരിക്കില്ല. വിടവാങ്ങലിന്‍റെ കാര്യം വരുമ്പോൾ, നിങ്ങൾക്ക് ഞാൻ സി.എസ്​.കെക്ക്​ വേണ്ടി കളിക്കുന്നത് കാണാൻ കഴിയും. അതാണ് എന്‍റെ വിടവാങ്ങൽ മത്സരം. എനിക്ക്​ വിട നൽകാൻ നിങ്ങൾക്ക് അവസരം ലഭിക്കും. ഞങ്ങൾ ചെന്നൈയിലേക്ക് വരും. എന്‍റെ അവസാന മത്സരം അവിടെ വെച്ച്​ കളിക്കണമെന്നും എന്‍റെ എല്ലാ ആരാധകരെയും കാണാമെന്നും പ്രതീക്ഷിക്കുന്നു' -ധോണി പറഞ്ഞു.

മറുപടിയിലൂടെ അടുത്ത സീസൺ ഐ.പി.എല്ലിലും ചെന്നൈയെ നയിക്കാൻ താനുണ്ടാകുമെന്ന്​ 'തല' സൂചന നൽകിയത്​. 40 കാരൻ ടീമിനെ 11ാം തവണ ഐ.പി.എൽ ​പ്ലേഓഫിലെത്തിച്ചിരുന്നു.

കഴിഞ്ഞ തവണ ഏഴാം സ്​ഥാനത്ത്​ ഫിനിഷ്​ ചെയ്​ത ടീമാണ്​ ഇക്കുറി പ്ലേഓഫ്​ ബെർത്തുറപ്പിക്കുന്ന ആദ്യ ടീമായി മാറിയത്​. ലീഗിലെ ധോണിയുടെ ബാറ്റിങ്​ പ്രകടനത്തെ കുറിച്ച വിമർശനങ്ങൾ ഉയരു​േമ്പാഴും ക്യാപ്​റ്റൻസിയെ കുറിച്ച്​ ആർക്കും അഭിപ്രായ വ്യത്യാസമില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:chennai super kingsMS Dhonifarewell matchIPL 2021
News Summary - MS Dhoni announces venue of his possible last IPL match
Next Story