Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right'ഇന്ത്യ കാത്തിരുന്ന...

'ഇന്ത്യ കാത്തിരുന്ന കോച്ച്​'; ദ്രാവിഡ്​ പ്രത്യക്ഷപ്പെട്ട ബി.സി.സി.ഐ വിഡിയോ വൈറൽ

text_fields
bookmark_border
rahul dravid viral video
cancel

ന്യൂഡൽഹി: ലോക ടെസ്​റ്റ്​ ചാമ്പ്യൻഷിപ്പ്​ ഫൈനൽ തോൽവിയുടെ നിരാശയിലാണ്​ ഇന്ത്യൻ ക്രിക്കറ്റ്​ ആരാധകർ. ഇതിനിടെ സീനിയർ താരങ്ങളില്ലാതെ ഇന്ത്യയുടെ പുതുരക്​തങ്ങൾ ശ്രീലങ്കൻ പര്യടനത്തിനൊരുങ്ങുകയാണ്​. നായകൻ വിരാട്​ കോഹ്​ലി, ഉപനായകൻ രോഹിത്​ ശർമ, കോച്ച്​ രവി ശാസ്​ത്രി എന്നിവരില്ലാതെയാണ്​ ഇന്ത്യ മൂന്ന്​ ട്വൻറി20, ഏകദിന മത്സരങ്ങൾക്കായി മരതക ദ്വീപിലെത്തുന്നത്​.

ശിഖർ ധവാൻ നയിക്കുന്ന ടീമി​െൻറ കോച്ചായി എത്തുന്നത്​ സാക്ഷാൽ രാഹുൽ ദ്രാവിഡാണ്​. ഇന്ത്യൻ സീനിയർ ടീമി​െൻറ അടുത്ത കോച്ചാകാൻ ഏറെ സാധ്യത കൽപിക്കപ്പെടുന്ന ദ്രാവിഡി​െൻറ പദവിയിലേക്കുള്ള ചവിട്ടുപടിയാണ്​ പരമ്പര. ദ്രാവിഡിനെയും ധവാനെയും വെച്ച്​ ബി.സി.സി.ഐ പുറത്തിറക്കിയ വിഡിയോ മിനിറ്റുകൾക്കകം വൈറലായി മാറി.

പിന്നാലെ നിരവധി ആരാധകരാണ്​ ഇരുവർക്കും സോഷ്യൽ മീഡിയയിലൂടെ ആശംസകൾ നേർന്നത്​. ഇന്ത്യ കാത്തിരിക്കുന്ന കോച്ചാണ്​ ദ്രാവിഡെന്നാണ്​ ആരാധകർ വാഴ്​ത്തുന്നത്​.

ഇംഗ്ലണ്ടിനെതിരായ ടെസ്​റ്റ്​ പരമ്പരയുള്ളതിനാലാണ്​ സീനിയർ താരങ്ങളില്ലാതെ ഇന്ത്യ ലങ്കയിലേക്ക്​ പറക്കുന്നത്​. കൊളംബോയിലെ ആർ. പ്രേമദാസ സ്​റ്റേഡിയത്തിലാകും ആറ്​ പരിമിത ഓവർ മത്സരങ്ങളും അരങ്ങേറുക. ജൂലൈ 13, 16, 18 തിയതികളിലാണ്​ ഏകദിന മത്സരങ്ങൾ. ജൂലൈ 21, 23, 25 തിയതികളിൽ ട്വൻറി20 മത്സരങ്ങളും നടക്കും.

ഭുവനേശ്വർ കുമാറാണ്​ ഉപനായകൻ. സഞ്​ജു സാംസണിനൊപ്പം കർണാടകയുടെ മലയാളി താരം ദേവ്​ദത്ത്​ പടിക്കലും ടീമിൽ ഇടംനേടിയിട്ടുണ്ട്​.

പരമ്പരയിലൂടെ ആറ്​ താരങ്ങൾക്കാണ്​ ഇന്ത്യൻ ടീമിലേക്ക്​ വിളിയെത്തിയത്​. ദേവ്​ദത്ത്​ പടിക്കൽ, റുതുരാജ്​ ഗെയ്​ക്​വാദ്​, കൃഷ്​ണപ്പ ഗൗതം, ചേതൻ സകരിയ, വരുൺ ചക്രവർത്തി, നിതീഷ്​ റാണ എന്നിവർക്കാൺ സീനിയർ ജഴ്​സി ലഭിച്ചത്​. മലയാളി താരം സന്ദീപ്​ വാരിയർ അടക്കം അഞ്ച്​ നെറ്റ്​ ബൗളർമാരും ടീമിനൊപ്പമുണ്ട്​.




Show Full Article
TAGS:rahul dravid BCCI viral video shikhar dhawan 
News Summary - Most awaited Coach for Indian Cricket Team Rahul Dravid featuring BCCI's video went viral
Next Story