കോവിഡ്​ നിയന്ത്രണങ്ങൾ; ആസ്​ട്രേലിയയിലുള്ള സിറാജിന്​ പിതാവി​െൻറ അന്ത്യചടങ്ങുകൾക്ക്​ എത്താനാകില്ല

സിഡ്​നി: ആസ്​ട്രേലിയയിലുള്ള ഇന്ത്യൻ പേസർ മുഹമ്മദ്​ സിറാജിന്​ പിതാവി​െൻറ അന്ത്യചടങ്ങുകൾക്ക്​ എത്താൻ സാധിക്കില്ല.ശക്തമായ കോവിഡ്​ നിയന്ത്രണങ്ങൾ കാരണമാണ്​ സിറാജിന് സ്വദേശമായ ഹൈദരാബാദിലേക്ക്​​ എത്താൻ സാധിക്കാത്തത്​. സിഡ്​നിയിൽ ഇന്ത്യൻ ടീമിനൊപ്പം പരിശീലിക്കവേയാണ്​ സിറാജി​​നെ​ത്തേടി പിതാവി​െൻറ മരണവാർത്തയെത്തിയത്​.

ശ്വാസകോശ പ്രശ്​നങ്ങൾ അലട്ടിയിരുന്ന സിറാജി​െൻറ പിതാവ്​ മുഹമ്മദ്​ ഗൗസ്​ ഇന്നലെയാണ്​ മരണപ്പെട്ടത്​. 53 വയസ്സായിരുന്നു. ആസ്​ട്രേലിയയിലെത്തും മുമ്പാണ്​ പിതാവിനെ അവസാനമായി വിളിച്ചതെന്ന്​ സിറാജ്​ അറിയിച്ചു. ത​െൻറ ജീവിതത്തിലെ ഏറ്റവും വലിയ പിന്തുണയാണ്​ നഷ്​ടമായതെന്നും അദ്ദേഹത്തി​െൻറ ഏറ്റവും വലിയ ആഗ്രഹമായ ഇന്ത്യൻ ജഴ്​സിയണിയാൻ സാധിച്ചതിൽ അഭിമാനമുണ്ടെന്നും സിറാജ്​ പ്രതികരിച്ചു.

2017ൽ സിറാജ്​ ഇന്ത്യൻ ടീമിൽ ഇടം പിടിച്ചതോടെ ഹൈദരാബാദ്​ നഗരത്തിലെ ഓ​ട്ടോ തൊഴിലാളിയായിരുന്ന ഗൗസ്​ വാർത്തകളിലിടം നേടിയിരുന്നു. ഐ.പി.എൽ താരലേലത്തിൽ ഉൾപ്പെട്ടതോടെ സിറാജിന്​ ലഭിച്ച പണംകൊണ്ട്​ കുടുംബം പുതിയ വീട്ടിലേക്ക്​ മാറിയിരുന്നു. കഴിഞ്ഞ ഐ.പി.എൽ സീസണിലെ ഉജ്ജ്വല പ്രകടനമാണ്​ സിറാജിന്​ ​ആസ്​ട്രേലിയൻ പര്യടനത്തിൽ ഇടം നൽകിയത്​.

ഇന്ത്യക്കായി മൂന്ന്​ ട്വൻറി 20യിലും ഒരു ഏകദിനത്തിലും സിറാജ്​ കളത്തിലിറങ്ങിയിട്ടുണ്ട്​. ആസ്​ട്രേലിയൻ പര്യടനത്തിലെ ടെസ്​റ്റ്​ ടീമിൽ സിറാജ്​ അരങ്ങേറുമെന്നാണ്​ കരുതുന്നത്​.