ഓ​ട്ടോക്കാര​െൻറ മകൻ സിറാജ്​ എറിഞ്ഞിട്ടത്​ ഐ.പി.എൽ ചരി​ത്രത്തെ, ഒപ്പം പരിഹാസങ്ങളേയും

അബൂദാബി: കൊൽകത്ത നൈറ്റ്​ റൈഡേഴ്​സിനെതിരായ മത്സരത്തിൽ ബാംഗ്ലൂരി​െൻറ ടീം ലൈനപ്പിൽ മുഹമ്മദ്​ സിറാജിനെ ഉൾപ്പെടുത്തിയപ്പോൾ പതിവുപോലെ ട്രോളുകളും പരിഹാസങ്ങളുമെത്തി. നായകൻ വിരാട്​ കോഹ്​ലിയുടെ തീരുമാനത്തെയും ചിലർ ചോദ്യം ചെയ്​തു. ഐ.പി.എല്ലിലും ഇന്ത്യൻ ജഴ്​സിയിലും പന്തെറിഞ്ഞപ്പോൾ ശോഭിക്കാൻ സിറാജിനാകാത്തതി​​െൻറ ​​ദേഷ്യമായിരുന്നു അതെല്ലാം.

ഹൈദരാബാദ്​ നഗരത്തിലെ ഓ​ട്ടോറിക്ഷ ഡ്രൈവറായ മുഹമ്മദ്​ ഗൗസി​െൻറ മകൻ സിറാജി​െൻറ ക്രിക്കറ്റിലേക്കുള്ള വരവുതന്നെ പ്രതിബദ്ധങ്ങളോട്​ പടവെട്ടിയായിരുന്നു. ആദ്യമായി ഇന്ത്യയുടെ നീലക്കുപ്പായത്തിലിറങ്ങി ദേശീയ ഗാനത്തിനായി നിന്നപ്പോൾ വിങ്ങിപ്പൊട്ടിയ സിറാജി​െൻറ മുഖം ഇന്നും പലരുടെയും മനസ്സിലുണ്ട്​.

2017ൽ സൺറൈസേഴ്​സ്​ ഹൈദരാബാദ്​ 2.6 കോടിക്ക്​ സ്വന്തമാക്കിയതിന്​ പിന്നാലെ സിറാജി​െൻറ ​പ്രതികരണം ഇങ്ങനെയായിരുന്നു. ''23ാം വയസ്സിൽ തന്നെ കുടുംബത്തി​െൻറ പ്രാരാബ്​ധം ചുമലിലേറ്റാൻ പ്രാപ്ത​നാണെന്നതിൽ അഭിമാനിക്കുന്നു. എനിക്ക്​ ഐ.പി.എൽ കരാർ കിട്ടുന്ന ദിവസം മുതൽ നിങ്ങളെ പണിക്കയക്കില്ലെന്ന്​ ഞാൻ ഉപ്പയോട്​ പറഞ്ഞിരുന്നു. എല്ലാ ദിവസവും ഉപ്പയോട്​ വി​ശ്രമിക്കാൻ ഞാൻ പറയാറുണ്ട്​. ഞാനിപ്പോൾ കുടുംബത്തോടൊപ്പം പുതിയ വീട്ടിലേക്ക്​ താമസം മാറിയിട്ടുണ്ട്​.''

ഇന്നേവരെ കിട്ടിയ പരിഹാസങ്ങളുടെ കല്ലേറുകളെയെല്ലാം ഒരൊറ്റ മത്സരം കൊണ്ട്​ സിറാജ്​ പൂച്ചെണ്ടാക്കി മാറ്റി. അതും ബൗളർമാരുടെ ശവപ്പറമ്പായ ഐ.പി.എല്ലിൽ. ആകെ എറിഞ്ഞ നാലോവറിൽ വഴങ്ങിയത്​ എട്ടുറൺസ്​ മാ​ത്രം. കൂടെ മൂന്നുമുൻനിര ബാറ്റ്​സ്​മാൻമാരുടെ വിക്കറ്റും.

തീർന്നില്ല. രണ്ട്​ മെയ്​ഡൻ ഓവറുകൾ എറിഞ്ഞ ഐ.പി.എൽ ചരിത്രത്തിലെ ആദ്യ ബൗളറായും സിറാജ്​ മാറി. പവർ​​േപ്ലയിലും ഡെത്തിലും പന്തെറി​ഞ്ഞിട്ടും ഒരു ബൗണ്ടറി പോലും വഴങ്ങാത്ത നാല്​ ഓവറുകൾ.

രാഹുൽ ത്രിപ്രാഠിയെയും ടോം ബാൻറണെയും വിക്കറ്റിന്​ പിന്നിൽ ഡിവില്ലിയേഴ്​സി​െൻറ കൈകളിലെത്തിച്ച സിറാജ്​ നിതീഷ്​ റാണയെ ക്ലിൻ ബൗൾഡാക്കി. സിറാജ്​ കൊടുങ്കാറ്റിൽ പതറിയ കൊൽക്കത്ത വെറും 84 റൺസിൽ പുറത്തായിരുന്നു.

സിറാജിൽ വിശ്വാസമർപ്പിച്ച നായകൻ വിരാട്​ കോഹ്​ലിയും ഈ നേട്ടത്തിൽ കയ്യടി അർഹിക്കുന്നുണ്ട്​. രഞ്​ജി ട്രോഫിയിലെ മികച്ച പ്രകടനത്തിലൂടെ ശ്രദ്ധയാകർഷിച്ച 26 കാരൻ ഒരു ഏകദിനത്തിലും മൂന്ന്​ ട്വൻറി 20യിലും ഇന്ത്യൻ കുപ്പായത്തിൽ കളത്തിലിറങ്ങിയിട്ടുണ്ട്​.