Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_right'ലൈക്കിനും ക്ലിക്കിനും...

'ലൈക്കിനും ക്ലിക്കിനും വേണ്ടിയാണ്​ കോഹ്​ലി മികച്ചവനെന്ന്​ പറയുന്നത്​, ഇന്ത്യക്കാരനായിരുന്നെങ്കിൽ അത്​ വില്യംസൺ ആയേനെ' -മൈക്കൽ വോൺ

text_fields
bookmark_border
vaugh, kohli, willamson
cancel

ന്യൂഡൽഹി: ഐ.പി.എൽ അനിശ്ചിതകാലത്തേക്ക്​ മാറ്റിവെച്ചതോടെ ക്രിക്കറ്റ്​ ലോകത്തിന്‍റെ ശ്രദ്ധ മുഴുവൻ ലോക ടെസ്റ്റ്​ ചാമ്പ്യൻഷിപ്പ്​ ഫൈനലിലേക്കാണ്​. ജൂൺ 18ന്​ സതാംപ്​റ്റണിൽ തുടങ്ങുന്ന ലോകചാമ്പ്യൻഷിപ്പ്​ ​ൈഫനലിൽ ഇന്ത്യയും ന്യൂസിലൻഡുമാണ്​ ഏറ്റുമുട്ടുന്നത്​. രണ്ട്​​ രാജ്യങ്ങളുടെ മാത്രമല്ല അന്താരാഷ്​​്ട്ര ക്രിക്കറ്റിലെ ഏറ്റവും മികച്ച രണ്ട്​ താരങ്ങളുടെ കൂടി പോരാട്ട വേദിയാകുകയാണ്​ ഇംഗ്ലണ്ട്​​. മൂന്ന്​ ഫോർമാറ്റിലും സ്​ഥിരതയാർന്ന പ്രകടനത്തിലൂടെ ക്രിക്കറ്റ്​ പ്രേമികളുടെ ഇഷ്​ട താരങ്ങളായ വിരാട്​ കോഹ്​ലിയും കെയ്​ൻ വില്യംസണുമാണ്​ ഇരുഭാഗങ്ങളുടെയും കപ്പിത്താൻമാർ.

രാജ്യവും ആരാധകരും മത്സരത്തിന്‍റെ ആവേശത്തിലേക്ക്​ കടക്കു​േമ്പാൾ കളത്തിന്​ പുറത്തെ വാക്​യുദ്ധത്തിന്​ തുടക്കമിടുകയാണ്​ മുൻ ഇംഗ്ലണ്ട്​ നായകൻ മൈക്കൽ വോൺ. മുമ്പ്​ പലപ്പോഴും ഇന്ത്യൻ ആരാധകരെ ചൊടിപ്പിച്ച്​ സോഷ്യൽ മീഡിയയിൽ നല്ല ട്രോളുകൾ ഏറ്റുവാങ്ങാറുള്ള വോൺ ഇക്കുറിയും അടങ്ങിയ ലക്ഷണം കാണുന്നില്ല.


വിരാട്​ കോഹ്​ലി ഏറ്റവും മികച്ച താരമെന്ന്​ എല്ലാവരും പറയുന്നത്​ ക്ലിക്കുകൾക്കും ലൈക്കുകൾക്കും വേണ്ടിയാണെന്നും വില്യംസൺ ഇന്ത്യക്കാരനായിരുന്നെങ്കിൽ അദ്ദേഹം ലോകത്തെ ഏറ്റവും മികച്ച കളിക്കാരനായി വിലയിരുത്തപ്പെടുമായിരുന്നുവെന്നും ​വോൺ പറഞ്ഞു​.

'ഇന്ത്യക്കാരനായിരുന്നുവെങ്കിൽ കെയ്ൻ വില്യംസൺ ലോകത്തിലെ ഏറ്റവും മികച്ച കളിക്കാരനാകുമായിരുന്നു. വിരാട് കോഹ്‌ലിയല്ല ഏറ്റവും മികച്ചവനെന്ന്​ പറഞ്ഞാൽ സോഷ്യൽ മീഡിയയിൽ നിങ്ങൾ കല്ലേറിനിരയാകുമെന്നതിനാൽ അങ്ങനെ പറയില്ല. കുറച്ച് ക്ലിക്കുകളും ലൈക്കുകളും നേടുന്നതിനായി ഏറ്റവും മികച്ച താരം വിരാട് കോഹ്​ലിയാണെന്ന്​ എല്ലാവരും പറയുന്നു. മൂന്ന്​ ഫോർമാറ്റിലും വില്യംസണും തുല്യമായ മികവ്​ കാത്തുസൂക്ഷിക്കുന്നുണ്ട്​. കളിക്കുന്ന രീതി, ശാന്തമായ പെരുമാറ്റം, വിനയം, അവൻ ചെയ്യുന്ന കാര്യങ്ങളെക്കുറിച്ച് അദ്ദേഹം നിശബ്​ദനായിരിക്കുന്നു' -വോൺ സ്​പാർക്ക്​ സ്​പോർട്ടിനോട്​ പറഞ്ഞു.

'കെയ്ൻ വില്യംസണും വിജയിച്ച കളിക്കാരനാണ്​​. ന്യൂസിലൻഡുകാരായ നിങ്ങളോട് സംസാരിക്കുന്നതിനാലാണ് ഞാൻ ഇത് പറയുന്നത്. മൂന്ന് ഫോർമാറ്റുകളിലുടനീളം മികച്ച കളിക്കാരോട്​ ഒപ്പം നിൽക്കുന്ന വില്യംസൺ കോഹ്‌ലിക്ക്​ തുല്യനാണെന്ന്​ ഞാൻ കരുതുന്നു. ഇൻസ്റ്റാഗ്രാമിൽ അദ്ദേഹത്തിന് 10 കോടി ഫോളോവേഴ്‌സും പരസ്യവരുമാനമായി കോടികൾ ലഭിക്കുന്നില്ലെന്നും മാത്രം' -വോൺ കൂട്ടിച്ചേർത്തു.

മൂന്ന്​ ഫോർമാറ്റിലും 50 റൺസ്​ ശരാശരിയിൽ കോഹ്​ലി 22,818 റൺസ്​ സ്​കോർ ചെയ്​തിട്ടുണ്ട്​. 15,093 അന്താരാഷ്​ട്ര റൺസുകളാണ്​ വില്യംസണിന്‍റെ സമ്പാദ്യം. 54.31 (ടെസ്റ്റ്​), 47.48 (ഏകദിനം), 31.68 (ട്വന്‍റി20) എന്നിങ്ങനെയാണ്​ മൂന്ന്​ ഫോർമാറ്റുകളിലെ ശരാശരി. ലോകടെസ്റ്റ്​ ചാമ്പ്യൻഷിപ്പ്​ ഫൈനലിന്​ ശേഷം ഇന്ത്യ ഇംഗ്ലണ്ടിനെതിരെ അഞ്ച്​ മത്സരങ്ങളടങ്ങിയ ടെസ്റ്റ്​ പരമ്പര കളിക്കുന്നുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:World Test ChampionshipKane WilliamsonVirat Kohlimichael vaughan
News Summary - Michael Vaughan says all hails Virat Kohli as the best purely to get more clicks and likes
Next Story