ഇരുചേരിയായി തിരിഞ്ഞ് മുംബൈ ഇന്ത്യൻസ്; ബുംറയും തിലകും രോഹിതിനൊപ്പം, ഇഷാൻ കിഷനും ടീം മാനേജ്മെന്‍റും ഹാർദിക്കിനൊപ്പം

മുംബൈ: ഐ.പി.എൽ പുതിയ സീസൺ തുടങ്ങിയതിന് പിന്നാലെ വൻ പ്രതിസന്ധി നേരിടുകയാണ് മുൻ ചാമ്പ്യന്മാരായ മുംബൈ ഇന്ത്യൻസ്. ക്യാപ്റ്റൻ സ്ഥാനത്തുനിന്ന് രോഹിത് ശർമയെ മാറ്റി ഹാർദിക് പാണ്ഡ്യയെ കൊണ്ടുവന്നത് മുതൽ തുടങ്ങിയതാണ് ആരാധകരുടെ രോഷം. തുടർച്ചയായ രണ്ട് തോൽവികൾക്ക് പിന്നാലെ പ്രതിസന്ധി ടീമിനുള്ളിലേക്കും വളർന്നുവെന്നാണ് റിപ്പോർട്ടുകൾ. മുംബൈ ടീം ഇരുചേരികളായി തിരിഞ്ഞുവെന്നാണ് പുറത്തുവരുന്ന വിവരം.

അഞ്ച് വട്ടം മുംബൈയെ ഐ.പി.എൽ കിരീടത്തിലേക്ക് നയിച്ച രോഹിത്തിന് പകരം ഗുജറാത്ത് ടൈറ്റൻസിൽ നിന്ന് ഹാർദിക്കിനെ കൊണ്ടുവന്നത് ക്യാപ്റ്റനാക്കിയത് ആരാധകർക്ക് തീരെ പിടിച്ചിരുന്നില്ല. ഐ.പി.എല്ലിന് മുമ്പേ തന്നെ മുംബൈ ആരാധകർ ഇക്കാര്യത്തിൽ തങ്ങൾക്കുള്ള പ്രതിഷേധം സമൂഹമാധ്യമങ്ങളിലൂടെയും മറ്റും വ്യക്തമാക്കിയിരുന്നു. കളിക്കളത്തിൽ ഹാർദിക് പാണ്ഡ്യ രോഹിത് ശർമയോട് തീരെ ബഹുമാനം കാണിക്കുന്നില്ലെന്ന ആരോപണവും ഉയർന്നു. ആദ്യത്തെ തോൽവിക്ക് പിന്നാലെ ഇരുവരും തമ്മിലുള്ള ബന്ധത്തിൽ വലിയ ഉലച്ചിലുണ്ടായതായി റിപ്പോർട്ടുണ്ടായിരുന്നു.

രണ്ടാം തോൽവിയോടെ ഹാർദിക്കിന്‍റെ ക്യാപ്റ്റൻസിക്കെതിരെ രൂക്ഷ വിമർശനമാണ് ഉയരുന്നത്. രണ്ട് മത്സരങ്ങളിലെയും ക്യാപ്റ്റന്‍റെ പല തീരുമാനങ്ങളും ടീമിന് തിരിച്ചടിയേകുന്നതായിരുന്നു. എന്നാൽ, ടീം മാനേജ്മെന്‍റ് ഹാർദിക്കിനൊപ്പം ഉറച്ചുനിൽക്കുന്നുവെന്നാണ് റിപ്പോർട്ടുകൾ.

മുംബൈ ടീം രണ്ടു ചേരിയായി തിരിയുമ്പോൾ ജസ്പ്രീത് ബുംറയും തിലക് വർമയും രോഹിത് ശർമക്കൊപ്പം നിലയുറപ്പിക്കുകയാണ്. മറ്റ് താരങ്ങളും ഇവർക്കൊപ്പമുണ്ട്. അതേസമയം, ടീം മാനേജ്മെന്‍റിന്‍റെ പിന്തുണയുള്ള ഹാർദിക് പാണ്ഡ്യയോടൊപ്പമാണ് ഇഷാൻ കിഷനും മറ്റ് ചില താരങ്ങളും.

ആദ്യ മത്സരത്തിൽ ഫീ​ൽ​ഡി​ങ്ങി​നി​ടെ ഒ​ട്ടും മ​ര്യാ​ദ​യി​ല്ലാ​തെ​യാ​ണ് രോ​ഹി​തി​നോ​ട് ഹാ​ർ​ദി​ക് പെ​രു​മാ​റി​യ​തെ​ന്ന് ആ​രാ​ധ​ക​ർ കു​റ്റ​പ്പെ​ടു​ത്തു​ന്നു. ഫീ​ൽ​ഡി​ങ് പൊ​സി​ഷ​ൻ ഇ​ട​ക്കി​ടെ മാ​റ്റി. ബൗ​ണ്ട​റി ലൈ​നി​ൽ ഫീ​ൽ​ഡ് ചെ​യ്യു​ക​യാ​യി​രു​ന്നു രോ​ഹി​തി​ന് ഹാ​ർ​ദി​ക് ഇ​ട​ക്കി​ടെ ആം​ഗ്യ​ഭാ​ഷ​യി​ൽ നി​ർ​ദേ​ശ​ങ്ങ​ൾ കൊ​ടു​ക്കു​ന്നു​ണ്ട്. 20ാം ഓ​വ​റി​ൽ ര​ണ്ടു പ​ന്തു മാ​ത്രം ശേ​ഷി​ക്കെ ബൗ​ണ്ട​റി​ലൈ​നി​ൽ​നി​ന്ന് മാ​റാ​നും നി​ർ​ദേ​ശം ന​ൽ​കി. മു​തി​ർ​ന്ന താ​രം, മു​ൻ നാ​യ​ക​ൻ, ഇ​ന്ത്യ​ൻ ക്യാ​പ്റ്റ​ൻ തു​ട​ങ്ങി​യ നി​ല​ക​ളി​ലെ​ല്ലാം രോ​ഹി​ത് ആ​ദ​രം അ​ർ​ഹി​ക്കു​ന്നു​ണ്ടെ​ന്നും ജൂ​നി​യ​ർ ക​ളി​ക്കാ​ര​നെ​പ്പോ​ലെ അ​ദ്ദേ​ഹ​ത്തെ കൈ​കാ​ര്യം​ചെ​യ്ത​ത് ശ​രി​യാ​യി​ല്ലെ​ന്നാ​ണ് ആ​രാ​ധ​ക​പ​ക്ഷം. മൈ​താ​ന​ത്തു​വെ​ച്ചു​ത​ന്നെ ക്യാ​പ്റ്റ​നെ പ്ര​കോ​പി​പ്പി​ക്കു​ന്ന രീ​തി​യി​ൽ കാ​ണി​ക​ളും പെ​രു​മാ​റി. കൂ​വ​ലോ​ടെ​യാ​ണ് ഹാ​ർ​ദി​ക്കി​നെ എ​തി​രേ​റ്റ​ത്. രോ​ഹി​ത്, രോ​ഹി​ത് എ​ന്ന വി​ളി​ക​ളും കേ​ൾ​ക്കാ​മാ​യി​രു​ന്നു.

സമൂഹമാധ്യമങ്ങളിൽ മുംബൈ ആരാധകർ കടുത്ത പ്രതിഷേധത്തിലാണ്. മുംബൈയുടെ ഓരോ തോൽവിയിലും ഹാർദിക്കിനെ പരിഹസിച്ചുകൊണ്ടുള്ള ട്രോളുകൾ നിറയുകയായിരുന്നു. എന്നാൽ, ഹാർദിക്കിനെ പിന്തുണക്കുന്നവർ രണ്ട് ദിവസമായി പുതിയൊരു കാമ്പയിൻ ആരംഭിച്ചിട്ടുണ്ട്.