വനിത ട്വൻറി 20 ചാലഞ്ച്​; കപ്പുയർത്തി സ്​മൃതി മന്ദാനയുടെ ടീം

ഷാർജ: വനിത ട്വൻറി ചാലഞ്ചിൽ ട്രയൽ​േബ്ലസേഴ്​സിന്​ കിരീടം. ​ആദ്യം ബാറ്റുചെയ്​തട്രയൽ​േബ്ലസേഴ്​സ്​ ഉയർത്തിയ​ 119 റൺസ്​ വിജയ ലക്ഷ്യം പിന്തുടർന്നിറങ്ങിയ സൂപ്പർ നോവാസിന്​ 102 റൺസെടുക്കാനേ സാധിച്ചുള്ളൂ. 18 റൺസിന്​ മൂന്നുവിക്കറ്റെടുത്ത സൽമ ഖാത്തൂനും ഒൻപത്​ റൺസിന്​ രണ്ട്​ വിക്കറ്റെടുത്ത ദീപ്​തി ശർമയും സൂപ്പർനോവാസിനെ ചുരുട്ടിക്കെട്ടുകയായിരുന്നു. 30 റൺസെടുത്തക്യാപ്​റ്റൻ ഹർമൻ പ്രീത കൗറിന്​ മാത്രമേ പിടിച്ചു നിൽക്കാനായുള്ളൂ.

ആദ്യം ബാറ്റുചെയ്​ത ട്രയൽ​േബ്ലസേഴ്​സ്​ ക്യാപ്​റ്റൻ സ്​മൃതി മന്ദാനയുടെ (68) അർധസെഞ്ച്വറി മികവിലാണ്​ മികച്ച ടോട്ടൽ പടുത്തുയർത്തിയത്​. ഡിയാൻഡ്ര (20), റിച്ച ഘോഷ്​ (10), ദീപ്​തി ശർമ (9), ഹർലീൻ ഡിയോൾ (4), സോഫി എക്​ലസ്​റ്റോൺ (1) എന്നിങ്ങനെയാണ്​ മറ്റുള്ളവരുടെ സംഭാവന. കൂട്ടാളികളെല്ലാം ഒറ്റയക്കത്തിൽ പുറത്താവാൻ മത്സരിച്ചപ്പോഴാണ്​ സ്​മൃതി മന്ദാന ക്രീസിൽ നിലയുറപ്പിച്ച്​ ടീം ടോട്ടൽ മുന്നോട്ട്​ നയിച്ചത്​. 118 റൺസെടുക്കു​േമ്പാഴേക്കും എട്ടു വിക്കറ്റ്​ നഷ്​ടമായി. അഞ്ചു വിക്കറ്റ്​ വീഴ്​ത്തിയ രാധാ യാദവാണ്​ ട്രയൽ​ േബ്ലസേഴ്​സി​െൻറ നടുവൊടിച്ചത്​.