മുൻ ഇന്ത്യൻ ക്രിക്കറ്റ് താരത്തിനെതിരായ അവിഹിത ആരോപണം പിൻവലിച്ച്​ മാപ്പുപറഞ്ഞ്​ റിട്ട. പൊലീസ്​ ഉദ്യോഗസ്​ഥൻ

വഡോദര: മുൻ ഇന്ത്യൻ ക്രിക്കറ്റ്​ താരം ഇർഫാൻ പത്താന്​ ത​െൻറ മരുമകളുമായി അവിഹിത ബന്ധമുണ്ടെന്ന ആരോപണം പിൻവലിച്ച്​ മാപ്പുപറഞ്ഞ്​ മുൻ പൊലീസ്​ ഉദ്യോഗസ്​ഥൻ. ജുഹുപുരയി​ൽനിന്നുള്ള ഇ​ബ്രാഹിം സയ്യാദാണ്​ ഇർഫാനെതിരെ ഉന്നയിച്ച ആരോപണങ്ങൾ പിൻവലിച്ച്​ മാപ്പുപറഞ്ഞത്​. തെറ്റിധാരണയുടെ പു​റത്താണ്​ ആരോപണങ്ങൾ ഉന്നയിച്ചതെന്നും സയ്യാദ്​ പറഞ്ഞു.

റിട്ട. പൊലീസ്​ കോൺസ്​റ്റബിളായ സയ്യാദും ഭാര്യയും ചേർന്ന്​ ബുധനാഴ്​ച വിഡിയോയിലൂടെയാണ്​ ഇർഫാനെതിരെ ആരോപണമുന്നയിച്ചത്​. ഇത്​ സാമൂഹിക മാധ്യമങ്ങളിൽ ​ൈവറലായിരുന്നു. സയ്യാദിനെതിരെ മക​െൻറ ഭാര്യ ഗാർഹിക പീഡന പരാതി നൽകിയതിന്​ പിന്നാലെയായിരുന്നു മരുമകൾക്കും ഇർഫാനുമെതിരെ ആരോപണവുമായി രംഗത്തെത്തിയത്​. ഇർഫാ​െൻറ അടുത്ത ബന്ധുവാണ്​ സയ്യാദി​െൻറ മരുമകൾ.

റിട്ട. പൊലീസുകാരനായിട്ടും തനിക്ക്​ പൊലീസിൽനിന്ന്​ നീതി കിട്ടുന്നി​ല്ലെന്നും താനും ഭാര്യയും ആത്​മഹത്യ ചെയ്യുമെന്നും വിഡി​േയായിൽ സയ്യാദ്​ പറഞ്ഞിരുന്നു. ഗാർഹിക പീഡന കേസിൽ ചോദ്യം ചെയ്യലിനായി വിളിപ്പിച്ചതിനു പിന്നാലെയാണ്​ വിഡിയോയിലൂടെ ആരോപണവുമായി എത്തിയത്​.

എന്നാൽ, കഴിഞ്ഞ ദിവസം പുതിയ വിഡിയോയിലൂടെ ഇതിന്​ തിരുത്തുമായി സയ്യാദ്​ രംഗത്തെത്തുകയായിരുന്നു. ത​െൻറ ഭാഗത്തുണ്ടായ തെറ്റിധാരണയുടെ ഫലമായാണ്​ അത്തരമൊരു ആരോപണം ഉന്നയിച്ചതെന്നും അത്​ തെറ്റാണെന്ന്​ അന്വേഷണത്തിൽ ബോധ്യമായതി​െൻറ അടിസ്​ഥാനത്തിൽ ഇർഫാനോട്​ നിരുപാധികം മാപ്പു പറയുന്നുവെന്നും വിഡിയോയിൽ വ്യക്​തമാക്കി.

2018ലും സയ്യാദിനും കുടുംബത്തിനുമെതിരെ മരുമകൾ ഗാർഹിക പീഡന പരാതി നൽകിയിരുന്നു. കഴിഞ്ഞ വർഷം അത്​ ഒത്തുതീർക്കുകയായിരുന്നു. പിന്നീട്​ ഇക്കഴിഞ്ഞ മാർച്ചിലാണ്​ വീണ്ടും പരാതി നൽകുന്നത്​. ഭർത്താവി​െൻറ മാതാപിതാക്കളും ഭർത്താവും മാനസികമായും ശാരീരികമായും പീഡിപ്പിക്കുന്നുവെന്നാണ്​ പരാതിയിൽ ഉന്നയിച്ചിട്ടുള്ളത്​. ​