കൈ​വി​ര​ലി​ൽ ക​ട​ൽ​ച്ചു​ഴി​ക​ളും കൊ​ടു​ങ്കാ​റ്റും ഒ​ളി​പ്പി​ച്ച മാ​ജിക്

കൈ​വി​ര​ലി​ൽ ക​ട​ൽ​ച്ചു​ഴി​ക​ളും കൊ​ടു​ങ്കാ​റ്റും ഒ​ളി​പ്പി​ച്ച മാ​ജി​ക്കി​ന്റെ പേ​രാ​യി​രു​ന്നു ഷെ​യ്ൻ കീ​ത് വോ​ൺ. ക്രീ​സി​ൽ കു​റ്റി​യ​ടി​ച്ചു​നി​ൽ​ക്കു​മെ​ന്നു​റ​പ്പി​ച്ച ബാ​റ്റ​റെ പോ​ലും കു​മ്മാ​യ​വ​ര​ക്കു ​വെ​ളി​യി​ലേ​ക്ക് മാ​ടി​വി​ളി​ച്ച് കു​റ്റി​യ​റു​ത്തി​ടു​ന്ന വോ​ൺ ദൃ​ശ്യ​പ​ര​മ്പ​ര ഒ​രു​കാ​ല​ത്ത് ക്രി​ക്ക​റ്റി​ലെ ഏ​റ്റ​വും മ​നോ​ഹ​ര കാ​ഴ്ച​യാ​യി​രു​ന്നു. ബാ​റ്റ​റു​ടെ ക​ണ​ക്കു​കൂ​ട്ട​ലു​ക​ളു​ടെ​യും ഫു​ട് വ​ർ​ക്കു​ക​ളു​ടെ​യും താ​ളം തെ​റ്റി​ച്ച് വോ​ണി​ന്റെ വി​ര​ലി​ൽ​നി​ന്ന് പ​റ​ന്ന ലെ​ഗ്ബ്രേ​ക്കു​ക​ളും ഗൂ​ഗ്ലി​ക​ളും ഓ​ർ​ത്ത് ഉ​റ​ക്കം ന​ഷ്ട​പ്പെ​ട്ട ബാ​റ്റ​ർ​മാ​രു​ടെ രാ​വു​ക​ളാ​യി​രു​ന്നു ഒ​രു​കാ​ല​ത്ത് ലോ​ക​ക്രി​ക്ക​റ്റി​ലെ ച​ർ​ച്ച വി​ഷ​യം.

52ാം വ​യ​സ്സി​ന്റെ അ​കാ​ല​ത്തി​ൽ ജീ​വി​ത​ത്തി​ന്റെ പി​ച്ചി​ൽ​നി​ന്ന് വെ​ട്ടി​ത്തി​രി​ഞ്ഞ് ഷെ​യ്ൻ​വോ​ൺ മ​റ​യു​മ്പോ​ൾ സ്പി​ൻ ബൗ​ളി​ങ്ങി​ന്റെ വ​ശ്യ​മാ​യ സു​ന്ദ​ര​കാ​ലം ഓ​ർ​മ​ക​ളി​ൽ നി​റ​യു​ന്നു. ​അ​തി​നും മു​മ്പും പി​മ്പും ലോ​ക​ക്രി​ക്ക​റ്റി​ൽ അ​ങ്ങ​നെ​യൊ​രു ലെ​ഗ്സ്പി​ന്ന​ർ ഉ​ണ്ടാ​യി​രു​ന്നി​ല്ല. ഒ​രോ​വ​റി​ലെ ആ​റു പ​ന്തി​ലും വി​ക്ക​റ്റ് തെ​റി​ച്ചേ​ക്കു​മെ​ന്ന ഭ​യം എ​തി​രാ​ളി​ക​ളു​ടെ ഹൃ​ദ​യ​ത്തി​ൽ നി​റ​ച്ച ആ ​ഹൃ​ദ​യം നി​ല​ച്ചു​വെ​ന്ന് വി​ശ്വ​സി​ക്കാ​നാ​വാ​തെ ക്രി​ക്ക​റ്റ് ലോ​കം സ്തം​ഭി​ച്ചു നി​ൽ​ക്കു​ന്നു.

ക​ട​ൽ​ത്തീ​ര​ത്ത് ക​ട​ല കൊ​റി​ച്ചു ന​ട​ക്കു​ന്ന​പോ​ലൊ​രു അ​ല​സ​ത​യു​ണ്ടാ​യി​രു​ന്നു വോ​ണി​ന്റെ റ​ണ്ണ​പ്പി​ൽ. മ​റ​ന്നു​വെ​ച്ച​തെ​ന്തോ ഓ​ർ​ത്തെ​ടു​ക്കു​ന്ന​തു​പോ​ലൊ​രു അ​ല​സ​ന​ട​നം. വ​ലം​കൈ​യു​ടെ വ​ല​ത്തേ കോ​ണി​ലൂ​ടെ ഫ്ലൈ​റ്റ് ചെ​യ്തു​പോ​കു​ന്ന പ​ന്ത് പ​ക്ഷേ, അ​ത്ര അ​ല​സ​മാ​യി​രു​ന്നി​ല്ല. ആ ​ന​ട​ന്നു​വ​ര​വി​നി​ട​യി​ൽ അ​യാ​ൾ​ക്കൊ​രു ക​ണ​ക്കു​കൂ​ട്ട​ലു​ണ്ട്. പ​ന്തി​ലേ​ക്ക് ക​ണ്ണു​ന​ട്ട ബാ​റ്റ​​റു​ടെ ലെ​ഗ്സൈ​ഡി​ൽ കു​ത്തി പെ​ട്ടെ​ന്നൊ​രു ചു​ഴി​യി​ൽ​പെ​ടു​ത്തു​ന്ന ജാ​ല​വി​ദ്യ. അ​ത​റി​യ​ണ​മെ​ങ്കി​ൽ ഇം​ഗ്ലീ​ഷ് ബാ​റ്റ​ർ മൈ​ക് ഗാ​റ്റി​ങ്ങി​നോ​ട് ചോ​ദി​ക്ക​ണം.

1993 ലെ ​ആ​ഷ​സി​ൽ ആ ​പ​ന്ത് എ​ങ്ങ​നെ ത​ന്റെ ഓ​ഫ് സ്റ്റം​പ് പ​റി​ച്ചു​വെ​ന്ന് ആ​യി​രം വ​ട്ടം റീ​പ്ലേ ക​ണ്ടി​ട്ടും മൈ​ക് ഗാ​റ്റി​ങ്ങി​ന് മ​ന​സ്സി​ലാ​യി​ട്ടി​ല്ല. ലെ​ഗ് സ്റ്റം​പി​ന്റെ ദി​ശ​ക്കു പു​റ​ത്തു​​കു​ത്തി​യ പ​ന്ത് പ്ര​തി​രോ​ധി​ക്കാ​നാ​യി​രു​ന്നു ഗാ​റ്റി​ങ് ബാ​റ്റ് വെ​ച്ച​ത്.

ഏ​റി​യാ​ൽ പാ​ഡി​ൽ ത​ട്ടി​യേ​ക്കാ​മെ​ന്നു​റ​പ്പു​ള്ള പ​ന്ത്. പ​ക്ഷേ, അ​സാ​മാ​ന്യ​മാ​യ ആം​ഗി​ളി​ൽ പ​മ്പ​രം ക​ണ​ക്കെ അ​ക​ത്തോ​ട്ട് തി​രി​ഞ്ഞ പ​ന്ത് ഓ​ഫ് സ്റ്റം​പു​മാ​യി പ​റ​പ​റ​ക്കു​മ്പോ​ൾ ​ഗാ​റ്റി​ങ് മാ​ത്ര​മ​ല്ല അ​മ്പ​ര​ന്നു​നി​ന്ന​ത്, മ​റു​വ​ശ​ത്ത് ക​ണ്ണി​മ ചി​മ്മാ​തെ നി​ന്ന അ​മ്പ​യ​ർ കൂ​ടി​യാ​യി​രു​ന്നു. നൂ​റ്റാ​ണ്ടി​ന്റെ പ​ന്തെ​ന്ന് ക്രി​ക്ക​റ്റ്ലോ​കം അ​തി​നെ വി​ശേ​ഷി​പ്പി​ച്ചു.

പി​ന്നീ​ട​തൊ​രു പ​തി​വു കാ​ഴ്ച​യാ​യി​രു​ന്നു. 2005ൽ ​എ​ഡ്ജ്ബാ​സ്റ്റ​ൺ ടെ​സ്റ്റി​ൽ ആ​ൻ​ഡ്രു സ്ട്രോ​സ് എ​ന്ന ഇ​ട​ൈ​ങ്ക​യ​ൻ ബാ​റ്റ​റു​ടെ ലെ​ഗ് സ്റ്റം​പി​നാ​യി​രു​ന്നു ഗാ​റ്റി​ങ്ങി​ന്റെ വി​ധി.

'90ക​ൾ തൊ​ട്ടു​ള്ള 17 വ​ർ​ഷ​ക്കാ​ല​ത്തെ ആ​ഷ​സ് വാ​സ്ത​വ​ത്തി​ൽ ഷെ​യ്ൻ വോ​ണും ഇം​ഗ്ല​ണ്ടും ത​മ്മി​ലു​ള്ള മ​ത്സ​ര​മാ​യി​രു​ന്നു. ദ​ക്ഷി​ണാ​ഫ്രി​ക്ക​യും ന്യൂ​സി​ല​ൻ​ഡും വെ​സ്റ്റി​ൻ​ഡീ​സു​മൊ​ക്കെ വോ​ണി​ന്റെ ചു​ഴ​ലി​ക്കൊ​ടു​ങ്കാ​റ്റി​ൽ പ​ര​മ്പ​ര​യാ​യി വീ​ണു​കൊ​ണ്ടി​രു​ന്നു.

145 ടെ​സ്റ്റ് മാ​ച്ചു​ക​ൾ. 708 വി​ക്ക​റ്റ്. ടെ​സ്റ്റി​ൽ ഏ​റ്റ​വും കൂ​ടു​ത​ൽ വി​ക്ക​റ്റ് വീ​ഴ്ത്തി​യ ര​ണ്ടാ​മ​ത്തെ ബൗ​ള​ർ. ഏ​ക​ദി​ന​ത്തി​ൽ 293 വി​ക്ക​റ്റു​ക​ൾ. 800 വി​ക്ക​റ്റു​ക​ൾ കു​റി​ച്ച മു​ത്ത​യ്യ മു​ര​ളീ​ധ​ര​നു പി​ന്നി​ൽ ക​ണ​ക്കി​ൽ ര​ണ്ടാ​മ​നാ​യി​രു​ന്നു​വെ​ങ്കി​ലും ക​ളി​യി​ൽ ഒ​ന്നാ​മ​ൻ വോ​ൺ ത​ന്നെ​യാ​യി​രു​ന്നു. വോ​ൺ ജ​യി​പ്പി​ച്ച മ​ത്സ​ര​ങ്ങ​ളു​ടെ ക​ണ​ക്കു​ക​ൾ മാ​ത്രം മ​തി അ​തി​ന് തെ​ളി​വാ​യി.

ലോ​ക​ത്തെ ഒ​രു തു​ക​ൽ​പ്പ​ന്തി​ന്റെ തു​ന്ന​ലി​ൽ കു​ത്തി​മ​റി​ച്ച​പ്പോ​ഴും സ്വ​പ്ന​ത്തി​ൽ പോ​ലും ക​യ​റി​വ​ന്ന് ത​ന്നെ പ്ര​ഹ​രി​ച്ച സ​ചി​ൻ ടെ​ണ്ടു​ൽ​ക​റു​ടെ ക്രീ​സ് ന​ട​ന​ത്തെ​ക്കു​റി​ച്ച് തു​റ​ന്നു​സ​മ്മ​തി​ച്ചി​ട്ടു​ണ്ട് വോ​ൺ. ഒ​ര​ർ​ഥ​ത്തി​ൽ പ്ര​തി​ഭ​യു​ടെ ധൂ​ർ​ത്തു​കൂ​ടി​യാ​യി​രു​ന്നു വോ​ൺ. എ​ല്ലാ വി​കൃ​തി​ത്ത​ര​ങ്ങ​ളു​മാ​യി വി​വാ​ദ​ങ്ങ​ളു​ടെ മൈ​താ​ന​ത്തും പൂ​ണ്ടു​വി​ള​യാ​ടി​യ ജീ​വി​തം.

കു​ത്ത​ഴി​ഞ്ഞ ത​ന്റെ ജീ​വി​ത​ത്തെ​ക്കു​റി​ച്ച് ഒ​ന്നും മ​റ​ച്ചു​വെ​ക്കാ​നു​മി​ല്ലാ​യി​രു​ന്നു വോ​ണി​ന്. 38ാമ​ത്തെ വ​യ​സ്സി​ൽ അ​ന്ത​രാ​ഷ്ട്ര മ​ത്സ​ര​ങ്ങ​ളി​ൽ നി​ന്ന് വി​ര​മി​ച്ച​പ്പോ​ഴും ക്രി​ക്ക​റ്റി​ന്ന​രി​കി​ൽ ത​ന്നെ​യാ​യി​രു​ന്നു ആ ​ജീ​വി​തം. അ​താ​യി​രു​ന്നു അ​യാ​ളു​ടെ ഏ​റ്റ​വും വ​ലി​യ ല​ഹ​രി​യും. ആ​സ്ട്രേ​ലി​യ​ൻ ക്രി​ക്ക​റ്റി​ന് ഈ ​ദി​വ​സം ര​ണ്ടു വ​ൻ ന​ഷ്ട​ങ്ങ​ളു​ടേ​താ​യി. ഇ​തി​ഹാ​സ വി​ക്ക​റ്റ് കീ​പ്പ​ർ റോ​ഡ് മാ​ർ​ഷ് വി​ട​പ​റ​ഞ്ഞ​തി​നു തൊ​ട്ടു​പി​റ​കെ ഷെ​യ്ൻ വോ​ണും ഓ​ർ​മ​യാ​യി​രി​ക്കു​ന്നു.

ഷെ​യ്ൻ കീ​ത്ത് വോ​ൺ

ജ​ന​നം: സെ​പ്റ്റം​ബ​ർ 13, 1969, വി​ക്ടോ​റി​യ
ടീ​മു​ക​ൾ: ആ​സ്ട്രേ​ലി​യ, വി​ക്ടോ​റി​യ, ഹാം​പ​ഷെ​യ​ർ, മെ​ൽ​ബ​ൺ സ്റ്റാ​ർ​സ്, രാ​ജ​സ്ഥാ​ൻ റോ​യ​ൽ​സ്

ക​രി​യ​ർ